रातराणीसारखे गंधाळणे हे वाहवा (अपूर्ण गझल)

रातराणीसारखे गंधाळणे हे वाहवा
जी न वाहे त्या हवेवर भाळणे हे वाहवा

तू कशी आहेस ह्याची कल्पना नाही मला
पण तरीही मी तुला कवटाळणे हे वाहवा

एकमेकांना किती कालावधीने भेटलो
वाचलेल्या पुस्तकाला चाळणे हे वाहवा

लाज वाटावी असे कित्येकदा वागूनही
चारचौघांच्यातले ओशाळणे हे वाहवा

जात असताना नजर खाली झुकवणे आपली
अन् वळत माझी नजर कुरवाळणे हे वाहवा

(अपूर्ण गझल)

-'बेफिकीर'!