माझा रेल्वे प्रवास

दिवाळी आली होती. दिवाळीसाठी कोल्हापूरला जायचे नक्की झाले होते. नेहमीप्रमाणे जाण्या-येण्यासाठी लोहरथाच्या पर्यायाला पहिली पसंती दिली होतीच. त्याप्रमाणे आरक्षण मिळवायचा प्रय.त्न करून पाहिला. पुण्य़ाहून कोल्हापूरला जाण्यासाठी हल्ली लोहरथाला अनेकांची पसंती मिळत आहे. पूर्वी या प्रवासाला महामार्गापेक्षा बराच वेळ लागतो, या कारणाने अनेक जण या पर्यायाकडे तशी पाठच फिरवत असत. म्हणून कोयनेचे तर कधीही आरक्षण मिळत असे. सह्याद्री त्यातल्या भरत असे. पण गेल्या 4-5 वर्षांमध्ये परिस्थिती बरीच बदलली आहे. त्यामुळे मला 3 आठवडे आधीही कोयनेचे आरक्षण मिळू शकले नाही.

बऱ्याच वर्षांनंतर कोल्हापूरहून पुण्यासाठी येण्यासाठी मी कोयना एक्सप्रेसचा पर्याय निवडला. कोल्हापूर-पुणे असो की पुण्याहून आणखी कोठेही जाणे असो रेल्वे हा माझा कायमच पहिला पर्याय असतो. अलीकडे मात्र कोल्हापूरहून पुण्याला येण्यासाठी कोल्हापूर-निजामुद्दीन, कोल्हापूर-अहमदाबाद अशा गाड्यांनी येणे-जाणे होत होते. म्हणूनच १४ मार्च २०१४ रोजी मात्र मुद्दाम कोयना एक्सप्रेस निवडली. निजामुद्दीन आणि अहमदाबादच्या गाड्या सुरू होईपर्यंत हिच गाडी माझी पहिली पसंती असे. कारण कोयनाचा दिवसाचा प्रवास आहे.