गुहीरे

'नेक्स्ट स्टेशन कसारा' चा आवाज डब्यात घुमला नि आम्ही सुस्तीला झटकून आपापल्या सीटवरून उठलो ! जवळपास दिडेकवर्षानंतर सीएसटीवरुन सुटणारी शेवटची कसारा ट्रेन पकडली होती.. हल्ली ट्रेक ह्याच्या ना त्याच्या चारचाकी रथातूनच होत असतात.. असे ट्रेक 'रॉयल' जरी असले तरी ट्रेन-एसटीचा वापर करुन पारंपरिक पदधतीने 'रफ' ट्रेक करण्याची मजा काही औरच.. प्रजासत्ताकदिनाचे निमित्त साधून ऐनवेळी असाच एक ट्रेक आखला गेला. 'पाबरगड' ! कळसूबाई रांगेत उत्तुंग शिखरांना साद देत उभा असलेला हा किल्ला म्हणजे अगदी रांगडागडी हे ऐकून होतो.. आज अनुभवणार होतो !