सुरू होतील आता वादळे माझ्या विचारांची - तरही

तरही गझल ह्या धाग्यासाठी डॉ. कैलास गायकवाड ह्यांचे व ह्यावेळच्या मिसर्‍यासाठी वैभव कुलकर्णी ह्यांचे मनापासून आभार! माझा नम्र सहभाग खालीलप्रमाणे:

गझल अजून अपूर्ण आहे व कदाचित एक दोन शेर (जे मनात घोळत आहेत) ते ह्यात वाढू शकतील.

-'बेफिकीर'!

=============================

उजाडू लागली आहे अमावास्या विचारांची
सुरू होतील आता वादळे माझ्या विचारांची

पुन्हा वस्तुस्थिती देईल सल्ला पोक्त होण्याचा
पुन्हा भासेल टंचाई मनी तान्ह्या विचारांची

मनाचे बेट निमिषार्धात ठिकर्‍या होउनी उडले
तुझ्या डोळ्यात आली लाट जी खार्‍या विचारांची

मनाचे सर्व बिंदू टाकले कैदेत शब्दांच्या