प्रचिती म्हणींची

प्रचिती म्हणींची (१) - मराठी भाषा दिवस २०१४ - या सदरात मी आज म्हणजे अपेक्षित कालावधी २६ फेब्रुवारी ते २८ फेब्रुवारी संपल्या नंतर लिहित आहे . त्यामुळे तुम्हा सर्वांना कोणत्या म्हणीची प्रचीती आली सांगा बरे ? नाही ना आठवले , सांगतो ती म्हण म्हणजे 'वराती मागून घोडे'
पण इथे लिहावे वाटले त्याला आणखी एक कारण म्हणजे या धाग्याने बऱ्याच जणांना आजी/आजोबा यांच्या पिढीची आठवण तर झालीच, पण आपल्या मातृ भाषेतील समृद्ध दालनाची कवाडे हलकीशी उघडून त्यातील खजिन्याची झलक पण दिसली .

मराठी भाषा दिवसाच्या प्रचिती म्हणींची या उपक्रमाने आजीच्या काही जुन्या म्हणींना उजाळा देते आहे. प्रसंगानुरुप आजी अशी चटचट म्हणी बोलायची की प्रसंगापेक्षा तिची समयसूचकताच जास्त लक्षात राहायची. त्यातलेच हे काही छोटे छोटे प्रसंग :