उद्योजिका

'स्वयंपाकघर'! औरंगाबाद, किंबहुना संपूर्ण मराठवाड्यातले हे पहिले पोळी-भाजी केंद्र विविध प्रकारच्या चविष्ट, दर्जेदार घरगुती खाद्यपदार्थांकरता लोकप्रिय आहे. खरं तर जगरहाटीच्या मानाने जरा उशीराच, म्हणजे वयाच्या चाळिशीनंतर, दोन अतिशय कर्तबगार महिलांनी सुरू केलेले आणि महिला पुरवठादार असलेले ’स्वयंपाकघर’ गेली १५ वर्षं औरंगाबादकरांच्या जिभेचे चोचले पुरवत आहे. कित्येक महिलांना ’स्वयंपाकघरा’ने रोजगार मिळवून दिलेला आहे. वेगवेगळ्या ठिकाणच्या संस्था, बचतगट व महिला मंडळे या व्यवसायाची माहिती घेण्याकरता, शिकण्याकरता ’स्वयंपाकघरा’ला भेटी देत असतात.