सुखाशी भांडतो आम्ही

ऑफिस च्या कामातून जाम वैतागलो होतो , गेल्या २-३ आठवड्यातून साधे पुस्तक वाचायला पण वेळ मिळाला नव्हता त्यामुळे जास्तच वाईट वाटत होते , पण नेमके काल "सुखाशी भांडतो आम्ही " हे गिरीश ओक आणि चिन्मय मांडेलकर यांचे वैचारिक खाद्य पुरवणारे एक उत्तम नाटक पाहायला मिळाले. नाटक, गाण्याची मैफिल आणि काही उत्कृष्ठ मराठी सिनेमे ( मराठी कारण हल्ली हिंदीत उत्कृष्ठ म्हणण्यासारखे काहीच घडत नाहीये) या माझ्या आयुष्यातील अशा गोष्टी आहेत कि जिथे मी कोनात्याहीवेली आणि कुठेही एकटा जायला देखील तयार असतो, आणि नेमके कालही एकटाच गेलो.

सुख सुख म्हणतात म्हणजे नेमके काय … ??

या प्रश्नावर नाही तर उत्तराच्या नेपथ्यावर खेचून उभं करणारं आणि तुमच्या सुखाच्या सर्व काल्पनिक, बेगड्या कल्पना धुऊन काढून मन ढवळून काढून सुप्त अन खऱ्या सुखाच्या इच्छा जागृत करणारं नाटक पहिलं आज ….

'सुखाशी भांडतो आम्ही'

लेखकाच्या यथार्थ लिखाणाची , दिग्दर्शकाच्या प्रभावशाली दिग्दर्शनाची आणि कलाकारांच्या अप्रतिम अभिनयाची … नाही खरतर व्यक्तिरेखा साकारण्याच्या त्यांच्या गुणांची अकल्पिक अनुभूती घ्यायची असेल तर एकदा तरी हे नाटक बघायलाच हवं ….