चिंटू - २

'चिंटू - २' या धमाल चित्रपटाच्या शुभारंभाचा खेळ गुरुवार दि. १८ एप्रिल, २०१३ रोजी पुण्यात सिटिप्राइड, कोथरुड इथे आयोजित केला आहे.

हा खेळ संध्याकाळी साडेसात वाजता आहे.

या खेळाची काही तिकिटं आपल्याकडे आहेत. मायबोलीकरांच्या मुलांसाठी ही तिकिटं उपलब्ध आहेत.

चित्रपटातील कलाकार, तंत्रज्ञ व अनेक मान्यवर या खेळांना उपस्थित राहणार आहेत.

मायबोली.कॉम माध्यम प्रायोजक असलेल्या चित्रपटांच्या शुभारंभाच्या खेळांना मायबोलीकर उपस्थित असतात. त्याप्रमाणे 'चिंटू - २'च्या शुभारंभाच्या खेळाला उपस्थित राहण्याची संधी तुमच्या मुलांना मिळणार आहे.

काय? वाटलं ना जरासं नवल? कसला खजिना? कसली कोडी? आणि ती सोडवायची कुणी? अहो! चिंटू आणि त्याच्या दोस्तकंपनीनं! कोडी सोडवली तर खरंच खजिना मिळेल का त्यांना? हे काय गौडबंगाल आहे? तर आता या प्रश्नांची उत्तरं.

१९मेला 'चिंटू - २' प्रदर्शित होत आहे. चिंटू आणि त्याची मित्रमंडळी समरकँपला गेली असताना त्यांना मिळते एका गुप्त खजिन्याविषयी माहिती! या माहितीचा ते कसा वापर करून घेतात, काय धाडस करतात, खजिन्यापर्यंत पोचतात का, या प्रश्नांची उत्तरं मात्र मिळतील थेट चित्रपटातच!