काळाच्या पंजाचा अंगठा छोटा ..

काळाच्या पंजाचा अंगठा छोटा ..

मी पहातो आहे घड्याळ ;
तसा घड्याळाचा एकेक काटा ..

सेकंद काटा
चोवीस तास वणवणणारा..
सेल संपेपर्यंत .
भोवळ आल्यासारखा गरगरणारा ..

काळाचा नेमका किती संचय करणार;
काहीच कसे ठाऊक नसणारा ..
आसक्तीच्या कोठल्या नशेत
धावतो आहे बिचारा ..
सेकंदांच्या बोळी ;
मिनिटांच्या गल्ल्या ;
तासांचे राजरस्ते ....
धावतो आहे बिचारा ..
काळाच्या जीवघेण्या मरणवाटा ;
सेकंद काटा ..

मिनिट काटा ;
चार पुस्तके वाचलेल्या ;
चार कीर्तने ,प्रवचने ,व्याख्याने ऐकलेल्या
मध्यमवर्गीय ..समज आलेल्या
सुजाणासारखा .
वणवणीची भणभण थोडी कमी करून