मूर्तिकाम

गणपती बाप्पा मोरया! मंगलमूर्ती मोरया !
प्रत्येक वर्षी नवीन वर्षाचे कॅलेंडर घेतले की सगळ्यात पहिल्यांदा 'गणपती कधी?' हीच तारीख पाहतो. बहुतेक सगळ्यांचेच असे असावे. आहेच गणेशोत्सव सगळ्यांच्या अगदी जवळचा. माझ्यासाठी गणेशोत्सव खूप म्हणजे जवळचा! याचं कारण अर्थात् बाप्पांवरची श्रद्धा !अजून एक सगळ्यात महत्वाचं कारण म्हणजे, त्यांच्याच कृपेनं दरवर्षी मला गणपतीची मूर्ती करता येते. मी आठवीत असल्यापासून घरीच गणपतीची मूर्ती तयार करू लागलो.
आज चौदा वर्षे झाली, दर वर्षी न चुकता बाप्पा ही सेवा करवून घेतात. असो, नमनाला घडाभर तेल नको!

दहिहंडी झाली की, किंबहुना त्याच्याही थोडं आधी श्रावण सुरू झाला रे झाला की 'चला, आता महिन्याभराने गणपती येणार' असे वेध बहुतेक सगळ्यांनाच लागतात. यावर्षीही सगळ्यांना असे वेध लागले आहेतच.
गेली १३ वर्षे, गणेशाच्या आशीर्वादामुळे दर वर्षी घरचा गणपती घरी करू शकलो. ह्यावर्षी अजून मूर्तिकाम सुरू केलं नाहिये, पण ते सुरू केलं की शक्य झाल्यास 'स्टेप बाय स्टेप फोटो' आणि मला माहिती आहे तितकी माहिती इथे देण्याचा मानस आहे. तोपर्यंत हे फोटो देतो आहे.

-गणपती बाप्पा मोरया!

१) गणपतीची मूर्ती घरी करावी ही प्रेरणा ज्यांच्यामुळे मला झाली त्या श्री. उमेश नारकर (सातारा) यांनी केलेली