मभागौदि २०२५ शशक - काम क्रोध - स्वाती_आंबोळे

Submitted by स्वाती_आंबोळे on 22 February, 2025 - 11:22

राग येतोच! स्वाभिमान टिकवायचा तर योग्य वेळी यायलाही हवा. पण योग्य वेळ कोणी ठरवायची? काल रात्री मला इतका राग येण्यासारखं काय नवीन झालं होतं?

नवरा मारत नाही, बाहेरख्याली नाही, फक्त रोज रात्री त्याला शय्यासोबत हवीच असते. रोज. ती देणं हे बायको म्हणून माझं कर्तव्य आहे. तसं तो सुनावत राहातो. सासरमाहेरच्या सगळ्या शुभचिंतकांचंही तेच मत आहे. मी त्याला इतकी हवीशी वाटते हा मी गौरव समजायला हवा त्यांच्या मते.
हवीशी?! माझ्या दिसण्यावागण्याबोलण्याचं, हुशारीचं, कर्तृत्वाचं कौतुक वाटणं सोडा, ते समजण्याइतकीही त्याची कुवतच नाही. या कारणासाठी घटस्फोट मिळणंही कठीण आहे आपल्या देशात. वकील म्हणाली तसं.

गेला महिनाभर गादीखाली सुरी होतीच, काल वापरली गेली झालं!

विषय: 
उपक्रम
शब्दखुणा: 
मभागौदि२०२५
शशक
Groups audience: 
मराठी भाषा गौरव दिवस २०२५
Group content visibility: 
Public - accessible to all site users
शेअर करा

स्वाती, दिसण्यावागण्याबोलण्याचं..असे जोडशब्द वाचले की गौरी देशपांडेची आठवण येते.
Happy

Submitted by छल्ला on 23 February, 2025 - 09:38

बाबओ
क्रिमिनल जस्टीस चा एक सिजन आठवला
अर्थात त्याची स्टोरी वेगळी पण भावना अशाच.

Submitted by झकासराव on 24 February, 2025 - 06:26

धन्यवाद, ऋतुराज.

अमित, काल ‘बघ, माझी आठवण येते का ‘वर हसायचं राहिलं. Lol

Submitted by स्वाती_आंबोळे on 2 March, 2025 - 10:22

जबरदस्त.
बघ, माझी आठवण येते का >>> Proud तेथे तसं का म्हटलं आहे हे आजतागायत कळलेलं नाही.

Submitted by अस्मिता. on 2 March, 2025 - 10:24