सर्वसिद्धिकर प्रभो!

सौरभ bothra चे habuild सेशन जॉईन केलंय सो व्यायाम योगासने होत आहेत. >> मी पण केलय जॉईन त्यामुळे बर्‍यापैकी नियमीत होतोय पण मधेच आजारी पडले आणि मग खंड पडला. त्यानंतर सुट्टीचा बॅकलॉग भरायला ऑफीसमधे लेट म्हणून हाबिल्ड्च्या वेळा मीस होणे असे झाले. मग परत सुरु केले कधी हाबिल्ड, कधी गार्डनमधे चालण्याच्या ट्रॅकवर चालणे, कधी दोन्ही तर कधी कमी वेळ दोन्ही, कधी वॉक विथ लेस्ली
ग्रॅटीट्युड जर्नल मी पण लिहीते, कधी उशीर झाला तर दोन ओळी तरी. अगदीच चुकते तेव्हा मनातल्या मनात देते ग्रॅटीट्युड आणि परत दुसर्‍या दिवशी वही उघडून सुरु करते

नवीन नवीन पेटी शिकते आहे
पेटीवर रोज एक नवीन गाणे वाजवून बघायचे असा संकल्प करत आहे. त्यासाठी youtube व्हिडिओजची मदत घेणार.
प्लीज प्लीज तुम्ही पण माझ्या या संकल्पात सामील व्हा.
तुमची गाणी कदाचित मलाही आवडतील
कोणते गाणे वाजवत आहात ? ते इथे लिहा.

सकाळी विसरले.
संध्याकाळी घालेन सूर्यनमस्कार

छान उपक्रम छान कल्पना

ऋन्मेऽऽष - रोज मुलांचा अर्धा तास अभ्यास घेणे.

आज रात्रीच श्री गणेशा करतो.
नाही ऐकले तर गणपती बाप्पा मोरया बोलून 21 फटक्यांचा प्रसाद देतो.

अभ्यास की फटके याचे अपडेट उद्या देतो

21 फटक्यांचा प्रसाद देतो.>> तू फटके देणारा बाबा वाटत नाहीस.

नाही ऐकले तर गणपती बाप्पा मोरया बोलून 21 फटक्यांचा प्रसाद देतो.>> स्वतःला ना ? ;P

अवनी मस्त!
मी पण सहभागी होतो.
१. रोज थोडावेळ कीबोर्ड (पेटी नाही इकडे) वाजवायचा.
२. व्यायाम न चुकता करायचा.

आजचा दिवस सफल.

चपात्या केल्या. मुलांच्या कपाटातले दोन कप्पे आवरले.

तू फटके देणारा बाबा वाटत नाहीस >> देणारा सुद्धा आहे आणि खाणारा सुद्धा आहे. पण तुमचेही बरोबर आहे. बाबा म्हणून असा काही प्रकार नाही, तर भावंडे जशी मारामारी करतात तशी आमच्यातही चालते. जरा वेगळीच केस आहे. गणपती झाले की आमच्या घरातील डोमेस्टिक वोईलंस वर वेगळा धागा लेख पाडतो

छान उपक्रम. मनात बरंच आहे पण पुर्णत्वास नेईन की नाही शंका आहे त्यामुळे लिहीत नाही काही.

१. रोज किमान अर्धा तास व्यायाम करणे.
२. रोज मुलाचा किमान अर्धा तास अभ्यास घेणे.
३. रोज न चुकता Gratitude Journal लिहिणे.
४. रोज न चुकता दिवसातून किमान दोनदा मेडिटेशन करणे.
५. रोज न चुकता मुलासोबत किमान अर्धा तास स्क्रीन फ्री क्वालिटी टाइम घालवणे.

चांगला उपक्रम आहे. माझा संकल्प - कामाव्यतिरिक्त स्क्रीन टाइम कमी करणे.

अमित, तुझ्यासाठी एक चॅलेंज - पुढील पाच वर्षात (सेकंड हँड/चोरीची/'पर्मनंट उधार' पैकी काहीही), पेटी घेणे.

खूप छान उपक्रम. माझा संकल्प
१ .घरातील एक कप्पा रोज साफ करणे व नको असलेल्या / वापरात नसलेल्या वस्तू देऊन टाकणे .
२ . डिजिटल कचरा आवरणे . म्हणजे रोज एक ऍप घेऊन व्हाट्सअप , fb, इन्स्टा, x वर मेसेजेस उडवणे , न बघणारे चॅनेल्स किंवा आता बोर होणारे इन्फ्लुएन्सर्सना अनफॉलो करणे आणि जीमेल पण
३ . रोज ७ ५ ० ० स्टेप्स चालणे हे माझे टार्गेट असतेच पण नेहमीच होते असे नाही ते शक्यतो पूर्ण करणे . मध्ये २ दिवस प्रवास करायचा आहे म्हणून चुकेल अशी शंका आहे .
सध्या एवढेच

हल्ली लायब्ररी मधून पुस्तक आणून न वाचता तसच राहतं आणि परत देण्याची तारीख येते. तर माझा संकल्प रोज थोडा वेळ तरी पुस्तक वाचणे आणि आता आणलेले पुस्तक वाचून पूर्ण करणे.

रोज ४५ मिनिटे वॉक किंवा व्यायाम करणार . लेकीला रोज एक तरी गोष्ट गोष्टीच्या पुस्तकातली / Do you know how-what -when चे एक पान वाचून दाखवणार. सध्या खंड पडलाय यात.
एक सर्टिफिकेशन करायचे आहे, ते या वर्षी करणार त्यासाठी रोज थोडा अभ्यास करणार

आज सातत्याने विघ्ने येत राहीली. जिममध्ये जाउनही व्यायाम झाला नाही.

आज व्यायाम ४० मिनिटे झाला आणि नो मैदाही जमलेय. आज संकल्प १००% पुर्ण

मस्त उपक्रम. माझा संकल्प -
रोज किमान अर्धा तास चालणे (ब्रिस्क वॉक). आजपासूनच सुरू करते आहे.

सौरभ bothra चे habuild सेशन जॉईन केलंय >>> anjali_kool आणि कविन, मी पण तुमच्या habuild गटात! जुलै पासूनच जॉईन केलंय आणि आत्तापर्यंत तरी बर्‍यापैकी रेग्युलरली जमतं आहे.

नो शुगर , नो मैदा , व्यायाम करणे
असे 3 संकल्प बाप्पा चरणी.
सुरवात आधीच झाली आहे.
मध्ये मध्ये खंड पडतो.
म्हणून लिहावे की नको वाटत होते.
पण बाप्पा पासून कुठे काय लपत नसतं.
आणि थोडेफार अजून शिस्त लागेल बाप्पा चरणी असल्याने म्हणून लिहिले इथे.
सर्वांचे संकल्प चांगले आहेत.
पुस्तक वाचणे आणि डिजिटल detox विशेष आवडले.
Gratitude dairy विषयी नवीनच कळाले. चांगली संकल्पना.
सध्या पुस्तक वाचन देखील संकल्प घ्यावा वाटत होते पण वेळ manage होत नाही म्हणून वरचे 3 नीट फॉलो करेन..

आज व्यायाम झाला, refined साखर अथवा ते घातलेले गोड पदार्थ खाल्ले नाही, मैदा पदार्थ खाल्ले नाही.
दिवस पहिला बाप्पा कृपेने सुफळ

पुस्तक वाचणे आणि डिजिटल detox विशेष आवडले >>> मलाही. पुस्तक वाचणे खूप रेग्युलरली होत नाही डिजिटल detox मात्र खरंच करायचं आहे. जबरदस्त आवश्यकता आहे. पण ते असं २१ दिवसांत होईल इतकं छोटं काम नाही या वर्षाखेरपर्यंत झालं तरी खूप झालं.

Gratitude Journal >>> यात काय लिहायचं असतं हे मला कधीच समजलं नाही. कोणी मदत करेल का?

अरे वाह छान उपक्रम आहे. आणि सगळ्यांचे संकल्प वाचून उत्साह आला. सुरवातीला वाचून वाटलं की वाड्यावर तर नाही ना आले? सगळे वाडेकर मंडळी दिसली म्हंटलं मी कुठे होते? ( मला न सांगता हे कुठे गेले होते ) आता माझा संकल्प लिहीते
१) सकाळचा योग क्लास परत सुरू करायचा आहे.
२) महिषासुरमर्दिनी स्तोत्र पाठ करतेय, दर आठवड्याला दोन श्लोक.

कोणी मदत करेल का?>> रुमाल टाकते आणि उद्या लिहीते सविस्तर.

१. रोज किमान अर्धा तास व्यायाम करणे.
>> नाही झालं
२. रोज मुलाचा किमान अर्धा तास अभ्यास घेणे. >> केलं
३. रोज न चुकता Gratitude Journal लिहिणे. >> नाही झालं
४. रोज न चुकता दिवसातून किमान दोनदा मेडिटेशन करणे.
>> एकदा झालं.
५. रोज न चुकता मुलासोबत किमान अर्धा तास स्क्रीन फ्री क्वालिटी टाइम घालवणे.
>> झालं

धन्यवाद कविन!

मुलासोबत किमान अर्धा तास स्क्रीन फ्री क्वालिटी टाइम>>> छान!

काल रात्री हा धागा वाचला... त्यातील २ मनात आधीपासूनच रेंगाळत होते. उशीर झाला होता त्यामुळे पहिला विचार आला, वा! आपणही उद्या पासून सुरुवात करुया..
पण पूर्ण धागा वाचून मोबाईल खाली ठेवला तेव्हा वाटलं, उद्यापासून .. hmm हे काही बरोबर नाही..
कल करे सो आज..
त्यामुळे रात्रीच सूर्यनमस्कार घातले..
पुस्तकातील एक प्रकरण वाचलं.. इतकं सुंदर लिखाण/ विचार होते.
उशीर झाला असला तरी समाधान वाटलं..

पुढचे २० दिवसही असेच जाऊ देत.

विणकाम - स्ट्रेस बस्टर म्हणून क्रोशे सुरू केलं आहे, शाळेत शिकले होते आता पुन्हा श्री गणेशा. खूप मजा येते आहे.
वाचन करणे, खूप पुस्तकं वाचायची आहेत, सुरूवात नक्की करेन
मुलासोबत क्वालिटी टाइम घालवेन, अभ्यास/गप्पा/गोष्ट सांगणे.

मीपण सौरभ बोथ्राची एक वर्षाची मेंबर्शीप घेतली आहे. सध्यातरी न चुकवता क्लास अटेंड करते आहे.
संकल्प:
१. असच न चुकवता रोज क्लास अटेंड करणार.
२. रोज अर्धा तास चालणर.

तासभर गेलेले जिम ला. सकाळी विघ्ने आलेली पण आत्ता दुपारी जिम झाले. आता संध्याकाळी वॉक.
------
८००० स्टेप्स

१. असच न चुकवता रोज क्लास अटेंड करणार.
२. रोज अर्धा तास चालणर.

>>> ग्रेमा आर्च!