सर्वसिद्धिकर प्रभो!

ग्रेमा>> रुपा, नाही कळलं ग.

ग्रेट माइंड्स ग! माझेही हेच संकल्प आहेत म्हणून म्हणाले तसं. पैकी habuild चा संकल्प आधीच केलाय. आज याच धाग्यावर रोज अर्धा तास चालण्याचा अजून एक संकल्प केला.

खरच की!

उपक्रम चांगला अहे.

सर्वसिद्धिकरं प्रभो (र वर अनुस्वार) असं पाहिजे ना ?

पराग, अनुस्वार नको. संबोधन एकवचन आहे.

१८. ऋन्मेऽऽष :- रोज मुलांचा अर्धा तास अभ्यास घेणे.
>>>
मिशन पहिल्याच दिवशी फेल. पण जे होणारच होते. कारण मुलगी आजारी आहे. बरी होताच रोज हे करायचे ठरवले होतेच. इथे धागा दिसला म्हणून लिहिले. पण आज निदान मुलापासून सुरुवात करतो. या आधी तो लहान असल्याने त्याचा अभ्यास मी फार घ्यायचो नाही.

@रमड
(हे मी जितके वाचलेय पाहिलेय ऐकलेय आणि जे मी फॉलो करते त्यावरुन लिहीतेय)
ग्रॅटिट्युड जर्नल :
सार: आपल्या दैनंदिन आयुष्यात आणि भूतकाळातही घडलेल्या चांगल्या घटना/प्रसंग/मिळालेली मदत/व्यक्तींची मदत/साथ इत्यादी इत्यादी जे काही चांगले अनुभवलेय त्या सगळ्या प्रती कृतज्ञता प्रेम व्यक्त करायचे लिहून.
याचा हेतू हा की आपल्याला चांगलं काय घडतय याची दखल घ्यायची सवय लागते. छोट्यातल्या छोट्या चांगल्या गोष्टी असतात बरेचदा नकळत त्यांची दखल घेतली जात नाही एरव्ही. या निमित्ताने त्यांची नोंद होते.
एक वाईट आठवण जशी इतर त्याच प्रकारच्या आठवणी मनात जागवतं तसच एक चांगली आठवण इतर चांगल्या आठवणींची जाणीव करुन देते
लिखाणाचा पॅटर्न शक्यतो असा असतो (पण असाच असला पाहिजे अशी सक्ती नाही)
१) शक्यतो एका व्यक्ती/घटनेसाठी एक दोन ओळीत लिहावे
२) लिहीताना वर्तमानकाळात वाक्य असावे
३) रोज तेच किंवा वेगळे लिहीले तरी चालते
४) जर १५ वाक्य रोज लिहायचा नेम केला आपण तर त्याचे ३ शक्यतो समान भाग करायचे म्हणजे ५-५-५
अ) पहिले पाच आज घडलेल्या ५ घटना व्यक्ती यांच्याप्रती कृतज्ञता १-५ वाक्य/पॉईंट्स
ब) दुसरे पाच - काल ते भूतकाळातल्या कोणत्याही ५ घटना व्यक्ती यांच्याप्रती कृतज्ञता
क) तिसरे पाच हे भविष्यात जे चांगले घडावे अशी इच्छा आहे त्याविषयी ५ वाक्य आणि ती वाक्य वर्तमानात ते घडलेय/मिळालेय अशा प्रकारे लिहून कृतज्ञता व्यक्त करायची

हे लिहीताना सुरवातीला किंवा शेवटी युनिव्हर्सचे आभार मानायचे कारण आपल्याला हे अनुभवायला उर्जा पुरवली जिवंत ठेवले

यात कोणी युनिव्हर्स म्हणते कोणी देव किंवा गुरु कोणी नेचर एलिमेंट्स म्हणते आणि आम्ही यातले काहीच मानत नाही असे म्हणणे असेल त्यांनी किमान व्यक्ती आणि घटनांचे आभार मानून बाकी सोडले तरी चालते. जे आतून वाटते तेव्हढेच करावे. चांगल्याची नोंद आणि चांगल्याप्रती कृतज्ञता भाव हे महत्वाचे बाकी ज्याची त्याची सजावट.

यातला भाग ३ जो भविष्यातील मॅनिफेस्टेशनचा आहे त्याचीही सक्ती नाही. जे मॅनिफेस्टेशन करतात किंवा ज्यांना ते करणे पटते किंवा ज्यांचे लॉजिकल माईंड त्यावर तितका आक्षेप घेत नाही त्यांनी हे करुन बघावे वाटले तर करावे. ज्यांना हे "कै पण नका सांगू" टाईप वाटते किंवा "एव्हढं सोडून बोला" म्हणणे आहे त्यांनी याकडे कानाडोळा करुन इग्नोरावे.
जे भाग ३ लिहीणार आहेत त्यांच्यासाठी टीप शक्यतो भाग ३ म्हणजे एका अर्थाने आपल्या मागण्याच त्या. तर या मागण्या जास्त आणि आधीचे घडून गेलेले कमी असे करु नये. आधी मिळालेय काय ते जास्तीत जास्त प्रमाणात बघून त्याप्रती कृतज्ञ राहून मग तेव्हढेच किंवा कमी मागणे लिहावे. म्हणून तो ५-५-५ चा नियम. म्हणजे किमान १० गोष्टी आधी मिळालेल्या लिहिल्या जातील. त्या निमित्ताने आठवल्या जातील,त्यांची जाणीव राहील मग मागा ना ५ मागण्या

असेच लिहावे का? हाच सिक्वेन्स हाच रेशो असावा का? तर असे काही नाही. तुम्ही ३ रा भाग स्किप करा तुमची इच्छा. ५-५ फॉर्मॅट फॉलो नाही झाला हरकत नाही. एक काहीतरी समोर फॉर्मॅट किंवा साचा असला सुरवातीला की सोपे होते काम आपले इतकेच. सवय लागली एकदा मनाला की आपोआप आपण आपली लय पकडतो
हे लिहूनच काढायचे की मनात आभार चालतील? - दोन्ही चालेल. जर्नल लिहीण्यामागे दोन हेतू. लिहीताना आपण मनात उच्चारही करतो आणि ते कागदावर उतरवतो तेव्हा अधीक पक्केही होते (अभ्यास कसा पक्का व्हायला आपण लिहून बघायचो तसे काहीसे) आणि काही काळाने कधी जर आपल्याला low feeling आले किंवा आपल्या मनाला एक बुस्टर डोस गरजेचा आहे वाटले तर या उदास मनस्थितीवाल्या काळात मेंदू प्रिचिंग मोडाला स्विकारत नाही की काहीच चांगले त्यावेळी दिसत नाही. अशावेळी हे जर्नल वाचायला घेता येते. Silver lining दिसायला ते मदत करते.

यापेक्षाही प्रत्यक्ष आभार मानणे योग्य नाही का? - ते तर मानावेतच त्या त्या वेळी पण तरी या नोंदी म्हणजे आपणच आपल्यासाठी करुन ठेवलेली सोय आहे.

जर्नल कोणते घ्यावे- बाजारात फॅन्सी जर्नल मिळतात. हे म्हणजे जीमला जायला जीमचे टीशर्ट घेतात काहीजणं त्या प्रकारात मोडेल. घेऊ शकता पण गरजेचे नाही ते. मी तर घरात जुन्या कोऱ्या डायऱ्या पडल्यात कुठून कुठून भेट मिळालेल्या त्याच वापरते.

रोज लिहावे का? - तर हो रोज लिहावे. नेम केलाय तसे लिहावे पण त्याचे प्रेशर घेऊ नये. जसे आपण म्हणतो मला अर्धातास व्यायाम करायचाय रोज पण आज वेळ नव्हता तर मी २० मिनिटेच केला किंवा सकाळी नमस्कार चुकले पण मी रात्री घातले नमस्कार. तसेच हे. करणे महत्वाचे. एखाद दिवस राहिले तर राहिले. त्यादिवशी किमान मनात तरी ग्रॅटिट्युड द्यावा जमल्यास आणि दुसऱ्या दिवशी सुरुवात करावी लिहायला.

वर्तमान काळात कसे लिहायचे याचे उदाहरण:

१) रमडमुळे आज ग्रॅटीट्युड जर्नल बद्दलचे विचार लिहीण्याची संधी मिळाली त्याबद्दल मी तिची आभारी आहे
२) सुमेधाने या जर्नल लिखाणाची मला आठवण करुन दिली त्याबद्दल मी तिची आभारी आहे (हा मुद्दा आहे खरेतर सहा महिन्यांपुर्वीचा)
३) व्यायामाचा नेम पुर्ण केल्याबद्दल मी स्वतःची आभारी आहे (हे घडणार आहे संध्याकाळी खरेतर) (असेच आज संध्याकाळी करणार असलेले भविष्यातील मागण्यांमधे येते असे नाही तर अगदी - ॠषिकेशला सोलो ट्रिप करुन आले त्याबद्दल माझे, मला सहकार्य केलेया प्रत्येकाची मी आभारी आहे. आता ही माझी मागणी झाली. जिचा पुर्ण होण्याचा काळ/ तारीख आत्ता मला माहिती नाही आहे. मी नोंदवत आहे म्हणजे सबकॉन्शिअसली यावर माझे मन काम करेल बॅकग्राऊन्डला आणि ती एकदिवस मी जर्नल मधे "आजच्या चांगल्या नोंदी विभागात लिहेन")

मीपण सांगू?
रोज 20-25 मिनिटं व्यायाम करायलाच हवा आहे. सुरूवात झाली आहे पण मधेच अवसान गेलं असं होऊ नये म्हणून इथे लिहिलंय. योगासनं हा माझ्यासाठी बेस्ट व्यायाम आहे. काही कारणास्तव (दुचाकी चालवायचा ताण जास्त झाला तर खूप पाठ दुखते.) योगासनं झाली नाहीत तर त्याला पर्याय 20 मिनिटं चालणं.
करणार म्हणजे करणार म्हणजे करणारच.

Gratitude डायरी नावावरून अंदाज आला होता.. पण अधिक माहिती मिळाली ... चांगली संकल्पना आहे.
रोजच्या आयुष्यात सकारात्मक बाजूकडे बघा म्हणजे आयुष्य अजून छान होईल..
Thank you for sharing!

थँक्यू कविन! खूप छान, तपशीलवार समजावून दिले आहेस. इतके दिवस काय आणि कसं लिहायचं हे न कळल्याने जर्नल लिहीत नव्हते. आता लिहीन. कन्सेप्ट आवडली आहे.

थॅन्क्यु रमड, तुझ्यामुळे माझे काम सोपे झाले. आता मला जे विचारतात त्यांना मी आता लिहून काढलय तेच पाठवू शकेन. आणि सविस्तर लिहीले गेले त्यामागेही मैत्रिणीच आहेत. त्यांच्याशी पुर्वी झालेल्या प्रश्नोत्तरांमुळे माझ्या मनात "संभाव्य प्रश्न आणि उत्तर" तयार होती यावेळी. अजून एक, एक दोन ओळीत लिहीले जरी तरी तो भाव मात्र खरा असावा बास.

कविन धन्यवाद. सविस्तर समजावून सांगितलेस.

कविन एक्सलंट कंपायलेशन. सर्वच मुद्दे. धन्यवाद.

कविन on 29 August, 2024 - 07:00>> कविन तू एक्साक्ट माझ्या मनातले लिहिले आहेस gratitude जर्नल बद्दल!! same मीही असेच करते ५-५-५!! किंवा जे काही असेल त्यात असे भाग असतात जे घडून गेले जे आज घडले व जे अजून मला घडायला हवे आहे (ते तसे घडले आहे असे कल्पून )मी जो भेटेल त्याला या gratitude जर्नल बद्दल सांगत असते..आयुष्यात खूप खूप खूप खूप फरक पडतो. म्हणजे नीट लिहाच हं भावना जाग्यावर ठेऊन !! रेमटायचे नाही उगाच

कविन धन्यवाद. व्यवस्थित समजावून सांगितलेस. मलाही सविस्तर प्रोसेस हवीच होती .

कविन, हे शेअर केले तर चालेल का?
माझेही बरेच काम वाचवले आहेस

हो हो शेअर कर की. काहीच प्रॉब्लेम नाही. हे प्रताधिकार मुक्तच आहे

gratitude जर्नल
याचा कधीतरी वेगळा धागा काढा कविन.. छान प्रकार दिसत आहे.

एक कप्पा आवरला.

संकल्पामधे चपाती किंवा भाकरी करायचे ठरवले आहे. पण आज थालिपीठ होते. माझे मीच केले.

आजचा दिवस सफल.

कविन, धन्यवाद
छान समजावून सांगितले आहे.

व्यायाम व्यवस्थित झाला.
कीबोर्ड वाजवला नाही.

पेटीवर वाजवले.
अशी चिक मोत्याची माळ
होती ग तीस तोळ्याची ग.
मस्त गणेशोत्सव माहोल तयार झाला.

कधीही सुरू केलं तर चालणार आहे का?

व्यायाम झाला छान
Refined शुगर आणि साखर घातलेले गोड काही खाल्ले नाही. स्वामी समर्थ प्रसाद स्वरूपात एक बेसन लाडू आणि एक केळ घरी आलेलं. मी केळ खातो तुम्ही लाडू संपवा अशी मांडवली केली.
मैदा तर काय प्रश्न आलाच नाही.
चपाती भाजी भाकरी भाजी असे घरचे नीट जेवलो त्यामुळे.
बाप्पा कृपेने दिवस दुसरा सुफळ संपूर्ण

आज व्यायाम ४५ मिनिटे
नो मैदा व्यवस्थीत पाळले (प्रलोभनांना बळी न पडता ऑफीसमधे ट्रिट मिळालेला वडापाव रस्त्यावर बसलेल्या एका आजींना दिला आणि नवरा सॅन्डविचेस घेऊन आला घरी त्यालाही नकार देऊन घरातलेच जेवले. )
संकल्प आजही १००% पुर्ण झाला

कविन किती सॉर्टेड विचार आहेत तुझे. छान समजावून सांगितलंस ग्रॅटिट्यूड जर्नल बद्दल. हे असं काही असतं ( (Gratitude journal) हेच माहिती नव्हतं. ५+५+५ लक्षात राहील.
>>>>अजून मला घडायला हवे आहे (ते तसे घडले आहे असे कल्पून )>>>> हे आधी कळलं नव्हतं ते अंजली कुल मुळे नीट कळलं.

कधीही सुरू केलं तर चालणार आहे का?>>> हो गं अनया, रोजच श्रीगणेशा करायचा, कधीही सुरवात कर. ( हे मा वै म आ)

धनुडी, आपण आपल्या आपल्यात 'कधीही सुरू केलं तरी चालेल' असं ठरवूया...
मी रोज पोहणे / चालणे ह्यापैकी काहीतरी व्यायाम करीन.
बिस्कीटं वर्ज्य करीन.

रोज किमान अर्धा तास व्यायाम करणे.
>> नाही झालं

रोज मुलाचा किमान अर्धा तास अभ्यास घेणे.
>> झालं

रोज न चुकता Gratitude Journal लिहिणे.
>> नाही झालं

रोज न चुकता दिवसातून किमान दोनदा मेडिटेशन करणे.
>> एकदा झालं

रोज न चुकता मुलासोबत किमान अर्धा तास स्क्रीन फ्री क्वालिटी टाइम घालवणे.
>> झालं