पाककृती स्पर्धा २- कडधान्याची कटोरी चाट -अस्मिता.

कटोरी
१. तिंबलेल्या मैद्याचे छोटे गोळे करून साधारण पुरीपेक्षा पातळ लाटून घेतले.
नंंतर ती लाटी काट्याने छिद्रं पाडून, एका वाटीवर अंगानेटकी पांघरून घेतली व कडा आत दुमडून जास्तीचा भाग काढून टाकला.
छिद्रं पाडणं अंडरइस्टिमेट करू नका, नाहीतर तेलात टाकल्यावर फुगून अमिबासारख्या 'सेल्फ-शेप्ड' पुऱ्या होतील. शिवाय आपल्याकडे थालिपीठाला 'ऑल द वे' न जाणारे भोक असते, तशीही ऑर्नामेंटल भोकं/ छिद्रं नकोत.

२. अशा तीन सारख्या आकाराच्या वाट्या ठेऊन, एकावेळी एक याप्रमाणे तळून घ्या. व्यवस्थित तळल्या गेलेली कटोरी , पूर्ण पिकलेले फळ जसे झाडापासून वेगळे होते तशीच वाटीपासून विभक्त होते.

३. मी तळण टाळण्यासाठी दोन वेगळ्या कटोऱ्याही करून बघितल्या, यात पहिली , ब्रेड थोडी ओली करून लाटून मफिन पॅनवर उलटी टाकून भाजून घेतली व दुसरी- आहे त्या पारीलाच यासोबतच भाजले. या रूपाने साधारण व गरीब दिसतात. फोटो बघा. अगदी कित्येक महिन्यात तेलपाणी न मिळालेला भिकारीच जणू.

४. सगळ्या घटकांचे रुखवत मांडून घ्या.

तळलेल्या कटोऱ्यांमधे थोडे मूग , थोडे छोले (साधारण ५१% नाहीतर स्पर्धेच्या नियमात न बसल्याने हे सगळेच बाद होईल. बघा आता कसं जमतंय. असंही कडधान्याचे तळलेले चाट म्हणजे whole purpose has been defeated व मला जवळजवळ illegal पदार्थ केल्याची मजा आली. ), थोडा कांदा, बटाटा, टमाटा, दही , कोथिंबीर, शेव टाकून गट्टम करा. शक्यतो बटाटा तळाशी असू द्या, म्हणजे सॉलीड बेस होईल व वर कडधान्यं आणि मगं इतर पदार्थ.

१.

२.

३.

४.

५.
६ ब्रेडची व बेक केलेली
१.

२..

३.
७.

८.

९.

१०.

११.