चित्रपट कसा वाटला - ६

केजीफ नावाचा अत्यंत अताक्रिक सिनेमा पाहिला
लॉजिकची अक्षरशः माती करून टाकलीय. नक्की कोण कोणाच्या विरोधात आहे हेच समजत नाही. हिरो तर सुपर लार्जर दन दाखवलाय. काय ती हाणामारी आणि काय ते डायलॉग!! प्लस पूर्ण पिक्चर अंधारात शूट केलाय की काय असं वाटल. मध्येच गाणी सुरू होतात ती संपतात कधी ते ही समजत नाही. कोणाकडे कितीही रिकामा वेळ असला तरीही हा सिनेमा बघू नये.

हे असले Bad आणि Dad वाले संवाद पोरांनी ऐकले तर ते चुकीचे वागल्यावर त्यांना बॅड बॉय, बॅड गर्ल बोलायची सोय राहणार नाही. नाहीतर उलटून म्हणतील, ईफ आय ॲम बॅड, यू आर माय डॅड..
मागे एका रिक्षावर स्टिकर होता - MY DAD My GOD.. आम्ही रिक्षाच्या आत बसलो असल्याने मुलीने तो आतून उलटा वाचला.. MY DAD MY DOG .. झाले, महिनाभर तेच आठवून हसत होती..

त्यामुळे अश्या डायलॉगना सेंसॉर कात्री लावेल तर बरे होईल. आधीच आपल्याकडे आयांच्या तुलनेत बापांना मानसन्मान आदर तसा कमीच मिळतो.. आयुष्य जाते कमावण्यात आणि हे असे फटक्यात काढून घेतात.
जमल्यास कोणीतरी वेगळा धागा काढा यावर. ईथे अवांतर नको

च्रप्स - डेथ ऑन नाईल पाहिला. थोडा स्लो आहे पण मस्त आहे. अ‍ॅगाथा क्रिस्तीची स्टोरी आहे त्यामुळे मूळ स्टोरी भारीच आहे.

MY DAD My GOD च्या उलटे
DOG yM DAD YM असे होईल ना ?

डेथ ऑन नाईल >> मला पण आवडला . मी प्वारो सिरिजमध्ये बघितला होता. त्यापेक्षा थोडा वेगळा आहे.

>>>"if you are bad, I am your dad"
एकदम राजेंद्रनाथ स्टाईल "माय फादर ही इज अ‍ॅट दादर .... हुई उई"

केजीएफ आधी पाहिला होता तेव्हां ऐकू आला नव्हता. त्यामुळे डब पाहिला कि नाही हे पण कळले नाही. एकूणच गोंधळ होता सगळा. हाणामार्‍या एकदम अतार्किक, अचाट वाटल्या. आता कंटाळा नाही तर बोअर होऊ लागलंय असे फाईट सीन्स पहायला.
जॅकी चॅनच्या फाइट सीन्स मधे किमान त्याला ब्लॅक बेल्ट आहे हे लॉजिक क्लिअर असतं. त्याचे स्टंटस पण पहायला विश्वसनीय वाटतात. शिवाय तो मारही खातो. शेवटी ते किती धोकादायक आहे हे पण दाखवलं जातं.
अर्जुन मध ले रस्त्यावर पाठलाग करत केलेले फाईट सिक्वेन्सेस अस्सल वाटतात. घायल मधला बाजारातला गोळी मारायचा प्लॅन फसतो तो सीन. हे पर्फेक्ट लिहीलेले आणि एक्झेक्युट केलेले सीन्स आजही बघावेसे वाटतात.

केजीएफ नावाचा अर्थच माहिती नव्हता म्हणून मग गुगल केलं. त्याच्यानंतर लक्षात आला प्रकार. रॉकीची गोष्ट केजीएफ मधे सोन्याचं स्मगलिंग करणा-या एका बाहुबलीवर आहे. त्याच्या आईने केजीफ १ च्या वेळी केस केली होती बदनामी केल्याची.

त्याच्या आईने केजीफ १ च्या वेळी केस केली होती बदनामी केल्याची. >>> हे सुपर लोल आहे.

हो जॅकी चॅन एकदातरी जबरी मार खातो त्याच्या पिक्चर्स मधे. आणि तो स्वतःला इतका सिरीयसली घेत नाही. एका पिक्चर मधे तो व कोणीतरी व्हिलन एकमेकांच्या नडग्या एकमेकांवर आपटतील अशा लाथा घालत असताना दाखवले आहेत. सुमारे १५-२० वेळा शेक हॅण्ड केल्यासारखे एकमेकांच्या पायावर पाय आपटतात. पण नंतर दोघेही पाय धरून विव्हळताना दाखवले आहेत

एक फन्टास्टिक बीस्ट नावाचा सिनेमा लागलाय. मी आता असले सिनेमे टाळायला हवेत. आधीचे पाहिले नव्हते तरी जाते तशी यालाही गेले. त्यामुळे मग पहिल्या १० मिनिटानंतर अर्धातास झोपेत घालवला. त्यानंतर जादूच्या घटना पाहून आले. त्यामुळे आधीचे माहित नसेल तर पाहु नये. माहित असेल तरी किती आवडेल माहिती नाही.

आणि तो वरचा बॅड - डॅड संवाद भयंकर आहे.

त्याच्या आईने केजीफ १ च्या वेळी केस केली होती बदनामी केल्याची. >>> 
पुत्राचे सहस्र अपराध माता काय माने तयाचा खेद !

तो व कोणीतरी व्हिलन एकमेकांच्या नडग्या एकमेकांवर आपटतील अशा लाथा घालत असताना दाखवले आहेत. सुमारे १५-२० वेळा शेक हॅण्ड केल्यासारखे एकमेकांच्या पायावर पाय आपटतात. पण नंतर दोघेही पाय धरून विव्हळताना दाखवले आहेत >> हो तो जबरदस्त प्रकार आहे. बहुधा त्याच सिनेमावर जुडवा उचलला होता.

"सुमारे १५-२० वेळा शेक हॅण्ड केल्यासारखे एकमेकांच्या पायावर पाय आपटतात. पण नंतर दोघेही पाय धरून विव्हळताना दाखवले आहेत" -

जॅकी चेनचे सगळे सिनेमे मस्त असतात.

फारेन्ड तो सीन अंधूक आठवतोय.

लहानपणी ईंग्लिशमध्ये जॅकीच बघितला जायचा. कारण त्याचा पिक्चर बघायला कधी भाषेची अडचण यायची नाही. सुट्टी पडली की केबलवाला दर दुपारी त्याचेच पिक्चर लावायचा हे ठरलेलेच. आता नावेही आठवत नाही. पण "आर्मर ऑफ गॉड" हा आमचा सर्वात फेव्हरेट. पुन्हा पुन्हा बघायचो.

अस्मिता - बदनामीची केस बहुधा पुत्राने सहस्र अपराध केलेच नाहीत अशा क्लेमवर आहे

ओह फा म्हणजे हे, 'रहा एक फाऊल पाऊल पुढं' आहे तर

. सुमारे १५-२० वेळा शेक हॅण्ड केल्यासारखे एकमेकांच्या पायावर पाय आपटतात. पण नंतर दोघेही पाय धरून विव्हळताना दाखवले आहेत>> एवढ्यावेळा "शेक पाय "केल्यावर दुखरे पाय शेकुनच घ्यावे लागणार

केजीएफ च्या खर्‍या रॉकीबद्दल जाणून घ्या.
https://www.bbc.com/marathi/india-61133686?fbclid=IwAR18FHw6KJl5KmaGU0CF...

Who am I मूव्ही आहे तो बहुतेक, आणि तो फायटींग सीन माझा फेवरेट आहे

नेटफलिक्स वर एक इन्स्टंट फॅमिली नावाचा मुव्ही पहिला
ठीक ठाक आहे
एक नवरा बायको तीन अनाथ मुलांना दत्तक घेतात आणि मग त्यांच्यात शेवटी कसे bonding होते वैगेरे
हॉलिवूड वाले पण आपल्या लव्ह ट्रँगल सारखे तेच तेच विषय दळत असतात

हे डॅड बॅड मारी नावाच्या चित्रपटात ऐकले होते. पण मूळ इंग्रजी वेस्टर्न सिनेमात कुठं तरी असेल. सुट्समध्ये हार्वी आणि माईक जे movie quotes एकमेकांना फेकून मारतात त्यात ऐकल्यासारखं वाटतंय.

'मी वसंतराव' बघितला. बरा आहे. वाईट नाही, पण अजून चांगला असायला हवा होता! अनिता दातेचं काम मस्त. राहुल देशपांडेकडून अभिनयाच्या अपेक्षा नव्हत्याच, त्यामुळे जो अभिनय त्याने केला आहे, तो चालून जातो. मुळात तो वसंतरावांचा नातू असल्याने आपण त्याच्याकडे त्याच दृष्टीने बघतो.
आलोक राजवाडे सगळीकडे एकाच सुरात बोलतो आणि एकाच प्रकारचा अभिनय करतो का?

पुलंचं पात्र आवश्यकतेपेक्षा जास्त 'लाईट' केलंय असं माझं मत.
भीमसेन जोशींचं पात्र असायला हवं होतं असंही वाटलं.

यात पु ल नाहीयत- चिरपुटकर आहे …

आमच्या गावात येणारे एक शो. पण उठाठेव करुन जाऊ नये असंच आता वाटतंय. धन्यवाद.

राजमा चावल पाहिलाय का कुणी ? या वीकेंडला प्लान आहे.

येस .. राजमा चावल मस्त चित्रपट आहे.. फुल्ल टाईमपास...

राचा कुठे आहे?
ओ वर की थै?

थँक्स च्रप्स.
फी - मेरकू नै समझती ये भाषा.
हमकू पूरा पूरा उलगडके बोलो.

राचा कुठे आहे?
ओ वर की थै? >>> OTT वर आहे. नेटफ्लिक्स