Submitted by निखिल मोडक on 28 September, 2021 - 10:32
थकल्या सगळ्या ह्या पाऊलखुणा
येशील पुन्हा ह्या वाटेवर ना?
वाटेत उन्ह ते अजुनी पडे
तू ऊब सावलीची होशील ना?
दारात प्राजक्त अजूनी उभा
तू बहर तयाचा होशील ना?
ते तळे कधीचे आसुसले
तू मेघ सावळा होशील ना?
तो मारवा कधीचा तळमळतो
तू षड्ज शेवटी होशील ना?
अडखळले प्राण डोळ्यांशी
तू दिठी तयांची होशील ना?
थकल्या सगळ्या ह्या पाऊलखुणा
येशील पुन्हा ह्या वाटेवर ना?
© निखिल मोडक
विषय:
Groups audience:
Group content visibility:
Use group defaults
शेअर करा
