फ्रेंच ओपन टेनिस २०२१.

आता खरी फ्रेंच ओपन स्पर्धा सुरु झाली.

ज्या पातळीवर टॉप ५ टेनिस प्लेयर्स खेळत आहेत ते बघुन बहुतेक टेनिस स्पर्धा आता फक्त ३ राउंड्सच्याच कराव्यात असे मला वाटु लागले आहे.

ज्या पद्धतीने सिट्सिपास खेळतोय ते बघुन नदालला तो टफ फाइट देउ शकेल अस वाटतय, अर्थात नदालला आधी श्वार्ट्झमन व जोकोव्हिकला हरवायला लागेल. तो ते करेल अस वाटतय त्याच्या पहिल्या ४ राउंड्स बघुन.

फेडररने आता फ्रेंच ओपनचा नाद सोडुन द्यावा. विंबल्डनला ड्रॉ अनुकुल असेल तर तिथे तो अजुन जिंकु शकतो.

अश्विनी,अचुक निरिक्षण!सहमत.

पण मी ईथे आजच्या दोन्ही उपांत्य फेरीच्या सामन्यांबद्दल लिहायला आलो.

पहिला मस्तच झाला पण राफा- जोकोव्हिच आजची मॅच ज्यांनी पाहीली ते खरच भाग्यवान! खासकरुन पहिले ३ सेट्स. काय पातळी होती टेनिसची!काय ते एक एक शॉट्स ! काय ते एक एक अँगल्स होते शॉट्सचे! काय ते एक एक ड्रॉप शॉट्स आणी काय त्या रॅलीज! सगळेच अजब!

पण शेवटी जोकोव्हिच हा सामना जिंकला ते उचितच झाले. तो आज राफापेक्षा खरच चांगला खेळला.

राफाच्या पहिल्या सर्व्हिसने त्याला आज दगा दिला व त्यामुळे त्याचे डबल फॉल्टही खुप झाले.

चौथ्या सेटमधे फारच अँटीक्लायमॅक्स झाला. पहिल्या ३ सेटसाठी साडेतिन तास अत्यंत उच्च प्रतिचे टेनिसचे प्रात्यक्षिक या दोघांनी दाखवल्यावर चौथा सेट १५-२० मिनिटात उरकला गेला.

मला वाटते की नदालचा फ्रेंच ओपनमधला अस्त आज आपल्याला पाहायला मिळाला. मला नाही वाटत की परत तो फ्रेंच ओपन जिंकेल. पण त्याने इथे १३ वेळा जिंकुन एक जबरदस्त लेगसी मागे ठेवली आहे.

जोकोव्हिच ज्या पद्धतिने खेळत आहे ते बघुन या वर्षी तो इल्युझिव्ह ग्रँड स्लॅम पुर्ण करेल अस मला वाटते व नदाल, फेडररला मागे टाकुन तोच सगळ्यात जास्त ग्रँड स्लॅम जिंकण्याचा विक्रम करेल असेच मला वाटते.

पण त्याधी त्याला नविन उदयास येणार्‍या टेलंटेड सिस्टिपासला रविवारी हरवायला लागेल. पण फायनलमधे जाकोव्हिच आजच्यासारखा खेळला तर सिस्टिपासला तो सहज हरवेल.

कालचा राफा वि. जोकोव्हिच सामना जबरदस्त झाला जे तुम्ही सगळे म्हणताय त्याच्याशी पुर्ण सहमत!

या दोघात अजुनपर्यंत ५९ सामने झाले आहेत. ते बहुतेक सगळेच अटितटीचे झाले आहेत.

यांच्यातली प्रत्येक मॅच बघताना असे वाटते की हे दोघेही एकमेकांचा खेळ उंचवायला एकमेकांना मदत करतात. कारण या दोघांनाही माहीत आहे की प्रत्येक पॉइंट जिंकायला सुमार दर्जाचे टेनिस खेळुन चालणार नाही. प्रत्येक पॉइंट जिंकायला त्यांना त्यांच्या पोतडीतुन जबरदस्त शॉट काढायला लागतो. कारण या दोघात कुठलीही सर्व्हिस,कुठलाही अँगल,कुठलाही ड्रॉप शॉट किंवा लॉब व कुठलेही प्लेसमेंट हंट डाउन करायची क्षमता आहे.

म्हणुनच मग या दोघांमधल्या बहुतेक मॅचमधे २५-२५ शॉट्सच्या रॅलीज आपल्याला बघायला मिळतात. अगदी अशक्य वाटतील असे अँगल्स असलेले शॉट्सचे प्रात्यक्षिक आपल्याला बघायला मिळते. ९-९ किंवा १०-१० मिनिटांचा एक एक गेम यांच्यात चालतो. कालचा सामनाही त्याला अपवाद नव्हता.

मग त्याची परिणीती यांच्यातला सामना म्हणजे आपल्यासारख्या टेनिसप्रेमींना एक मेजवानीच असते व यांच्यातला सामना आपल्याला एक अदभुत व अविस्मरणिय अनुभव देउन जातो. माझ्या तोंडातुन कालचा सामना बघताना व्हॉट अ शॉट! व्हॉट अ‍ॅन अँगल! व्हॉट अ रिकव्हरी! असे उदगार वारंवार येत होते व मान शेक करत या दोघांच्या उच्च पातळीच्या टेनिस खेळाचा आस्वाद मी लुटत होतो.

या दोघातल्या एपिक मॅचेस बघता आपल्याला असे सतत वाटत राहते की यापेक्षा जास्त वरची टेनिस खेळाची लेव्हल अशक्य असेल.

पण तरीही हे दोघे एकमेकांबरोबर प्रत्येक वेळी खेळताना टेनिसची अजुन एक नविन पातळी ते आपल्याला दाखवतात . मग आपण तसला सब्लाइम पातळीवरचा त्यांचा तो गेम बघुन तोंडात बोटे घालतो! कालचा त्यांच्यातला सामना असाच आपल्याला तोंडात बोटे घालायला लावणारा होता.

हे खरच ट्रॅजिक आहे की अश्या उच्च दर्जाचे सब्लाइम टेनिस खेळुनही या दोघांपैकी एक हरणार असतो.

पण म्हणुनच मला असे वाटते की राफाला खुप वाइट वाटले असेल काल हरल्यावर. बट बाय नो मिन्स ही शुड वॉक विथ हिज हेड डाउन आफ्टर हिज लॉस टु जोकोव्हिच!

खर म्हणजे कालच्या यांच्यातल्या एपिक सामन्यानंतर खरा विनर म्हणजे खुद्द टेनिस गेम स्वतःच होता!

तळटिपः कालच्या सामन्यात जेव्हा जेव्हा ते स्लो मोशनमधे पॉइंटचा रिप्ले दाखवत होते तेव्हा तेव्हा स्लो मोशनमधे बघताना अशक्य वाटणारे क्रॉस कोर्ट, डाउन द लाइन, ड्रॉप शॉट व लॉब्स ते दोघे किती ग्रेसफुलरित्या चपळाइने व लिलया हंट डाउन करत होते ते बघताना डोळ्याचे पारणे फिटत होते! या दोघांचा खेळ, फिटनेस व फुटवर्क स्लो मोशनमधे बघताना एखादी सुंदर आर्ट बघताना आपल्याला जसे वाटते तसेच मला वाटत होते. खरच या दोघांनी टेनिस खेळाला एका वेगळ्याच पातळीवर नेवुन ठेवले आहे.

काय बोलणार जोकोव्हिकबद्दल?

१९ ग्रँड स्लॅम्स अँड काउंटींग! आधी फेडरर व मग नदाल यांच्या सावलीत नेहमीच उपेक्षित राहीलेला जोकोव्हिच आता त्या दोघांना मागे टाकुन त्यांच्या पुढे जाण्याच्या उंबरठ्यावर येउन पोहोचला आहे.

टेक अ बाव जोकोव्हिच!

आज( परत एकदा!) त्याने दाखवुन दिले की कुठल्याही खेळात नुसते स्किल असुन उपयोगी नाही तर त्या खेळाच्या शिखरावर विराजमान व्हायचे असेल तर प्रचंड मोठा मानसीक कणखरपणा, चिकाटी व स्वतःवरचा आत्मविश्वासही तेवढाच महत्वाचा असतो.

हे जोकोव्हिकने त्याच्या दैदिप्यमान कारकिर्द्रित अनेक वेळा दाखवुन दिले आहे. २०२१ फ्रेंच ओपनही त्याला अपवाद नव्हते!

उपांत्य फेरीत नदालला पदच्युत करताना त्याने अत्त्युच्च प्रतिचे टेनिस दाखवुन दिल्यावरही आजच्या अंतिम सामन्यातही त ०-२ असे सेट्समधे मागे पडल्यावर परत एकदा त्याने त्याच्या तळ नसलेल्या मेंटल एनर्जिच्या रिझर्व्हॉयरचा पुरेपुर उपयोग केला व बिचार्‍या नवशिक्या सिस्टिपासला मेजर टुर्नामेंट कशी जिंकायची याचे मास्टरफुल प्रात्यक्षिक दिले! बिच्चारा सिस्टिपास! त्याचा रडवेला चेहरा बघवत नव्हता ट्रॉफी वितरण सोहळ्याच्या वेळी.

पण सिस्टिपासकडे नक्कीच खेळ आहे. तोही पुढे मल्टिपल ग्रँड स्लॅम्स जिंकु शकतो. त्याने आजच्या पराभवातुन मास्टर जोकोव्हिचकडुन होपफुली धडा शिकला असेल की जिंकण्यासाठी चिकाटी व नेव्हर गिव्ह अप अ‍ॅटिट्युड हेही तितकेच महत्वाचे असते जितके की आपला खेळ!

पण आजचा दिवसच नाही तर हे सर्व वर्षच जोकोव्हिचच्या कारकिर्द्रितले सोन्याचे वर्ष ठरु शकेल अश्या पद्धतिचे टेनिस तो खेळत आहे.

जोकोव्हिच, तुला मानाचा मुजरा!