पाककृति स्पर्धा क्रमांक ३ - मटार-पनीर चंपाकळी

Submitted by सहेली on 1 September, 2020 - 11:51

साहित्य –

सारण - पनीर, मटार, धने-जिरे पूड, मीठ, लिंबू, लाल मिरची पावडर, कोथिंबीर

पारीसाठी - मैदा, मीठ, दोन चमचे तेल, ओवा, मिरेपूड, पाणी.

तळण्यासाठी तेल

एक वाटी मैद्यात मीठ, मिरेपूड, ओवा आणि दोन चमचे गरम तेल घालून घट्ट भिजवून घ्या. कमीत कमी अर्धा तास भिजवून ठेवा.

मटारचे दाणे किंचित मीठ घालून उकडून घ्या. मऊ झालेले दाणे हाताने कुस्करून त्यात पनीर, मीठ, कोथिंबीर, धने-जिरे पूड, लिंबू, लाल तिखट, घालून नीट मिसळून जरासं मळून घ्या. चव बघा. जरा जास्त स्ट्राँग असू द्या. पारीबरोबर खाताना चविष्ट लागलं पाहिजे.

IMG_20200901_181855-1.jpg

मैद्याचा एक छोटा गोळा घेउन लांबट आकारात लाटा. फोटोत दाखवल्याप्रमाणे त्याला सुरीने चिरा द्या. सारणाचा लांबट गोळा एका बाजूवर ठेवून चंपाकळी वळून घ्या.

व्यस्थित तापलेल्या तेलात हलक्या हाताने चंपाकळी तळून घ्या. सॉस अथवा आवडीच्या चटणीबरोबर सर्व्ह करा.

IMG-20200901-WA0024.jpg

विषय: 
आयुर्वेद
पाककला
शब्दखुणा: 
चंपाकळी
snacks
Groups audience: 
मायबोली गणेशोत्सव २०२०
Group content visibility: 
Use group defaults
शेअर करा

छान

एक शंका, मधल्या चिरांमुळे सारण तेलात सुटत नाही का?

Submitted by VB on 1 September, 2020 - 12:08

जबरदस्त काम आहे
गरम गरम खायला छानच लागतील
बरोबर तिखट पुदिना चटणी

Submitted by mi_anu on 1 September, 2020 - 12:09

Wow,yum

Submitted by लतांकुर on 1 September, 2020 - 12:28

एक शंका, मधल्या चिरांमुळे सारण तेलात सुटत नाही का? >> अगदी अगदी! सगळे घटक पदार्थ घरी आहेत. संध्याकाळी करू शकते. उत्तर द्या लवकर Happy नाहीतर ऐनवेळी सामोसे करावे लागतील...

Submitted by Barcelona on 1 September, 2020 - 12:55

एक शंका, मधल्या चिरांमुळे सारण तेलात सुटत नाही का?>>> चंपाकळीच्या पाकळ्यांनी सारण बहुतेक सगळ्या बाजूंनी कव्हर होतंच. आणि पुरेसं घट्ट असलं की नाही सुटत अजिबात.

Submitted by सहेली on 1 September, 2020 - 13:07

सीमंतिनी, जरूर करून बघा आणि सांगा.
कविन, बोकलत, नताशा, चिन्नु, नीलाक्षी, VB, अनु, लतांकुरय, अवल, जाई आणि सीमंतिनी प्रतिसादांबद्दल खूप खूप धन्यवाद!

Submitted by सहेली on 1 September, 2020 - 13:10

अगदीच तोडफोड रेसिपी .. करून बघणार पण एक शंका.. तळताना सारण बाहेर येऊन फसफसत नाही का? ह्या पद्धतीचा समोसा रेसिपी पाहिली होती पण आत अजून एक पोळीचा न कापलेला लेअर होता.

Submitted by म्हाळसा on 1 September, 2020 - 13:12

Superb. सही आहे हे, एकदम इनोव्हेटिव्ह, कठीण आहे तसे. दंडवत.

उचलून तोंडात टाकावं असं वाटतंय.

Submitted by अन्जू on 1 September, 2020 - 13:51

"<<<चंपाकळीच्या पाकळ्यांनी सारण बहुतेक सगळ्या बाजूंनी कव्हर होतंच. आणि पुरेसं घट्ट असलं की नाही सुटत अजिबात>>> ओहह, तरी जर मी केले तर खबरदारीचा उपाय म्हणून अर्ध्यालाच चिरा देईन म्हणजे एक लेयर पूर्ण बंद, उरलेल्या पाकळ्या. कारण स्वतःवर तेवढा विश्वास आहे की नक्की माती खाणार

Submitted by VB on 1 September, 2020 - 14:00

आता समजलं VB , म्हणजे दोन थर येतात सारणावर पण वरच्या लेयरचाच आकाशकंदील करायचा. Thanks, for the tip. सीमंतिनी वाट पहाते फोटोची मगं करते सामान आहेच.

Submitted by अस्मिता. on 1 September, 2020 - 14:05

भारी आहे हे.
चंपाकळी फक्त गोडाची माहिती होती. ही करुन बघायला आवडेल.

Submitted by अनुश्री. on 1 September, 2020 - 18:34

<<<म्हणजे दोन थर येतात सारणावर पण वरच्या लेयरचाच आकाशकंदील करायचा. Thanks, for the tip. >>> अस्मिता☺️, त्या असे करतात की नाही माहिती नाही पण मी असे करणार आहे, कारण मला सारण तेलात सुटेल असे वाटतेय. एक पूर्ण कव्हर केले की ती भीती नसेल

Submitted by VB on 2 September, 2020 - 04:04

Pages