कन्फेशन

बरेचजणं भांग असूनही तुळस असल्याचा आव आणतात.. तुम्ही तर कन्फ्शन करून सिद्ध केलत की तुम्हीही तुळसच आहात.
मला तर साॅरी बोलणच जिवावर येतं..फक्त जवळच्यांसाठीच कधीतरी निघतं.

तुमचे मनोगत वाचले. त्यामध्ये उल्लेख केलेला तुमचा आधीचाही लेख वाचला होता. तुम्हाला तुमच्या चुकांची जाणीव होते यावरुन तुमच्यामध्ये चांगुलपणा शिल्लक आहे, त्याला टिकवुन ठेवा. नाती तोडायला काहीच वेळ लागत नाही पण जोडणे फार अवघड असते हे लक्षात असु द्या.

You are being too hard on yourself! इतक्या लहान वयात मरण्यापूर्वी वगैरे विचार डोक्यात पण यायला नकोत. मला वाटतं की तू तुझ्यापेक्षा वयाने मोठ्या लोकांमध्ये अधिक वेळ घालवत आहेस का? तसं असेल तर शक्य असल्यास आपल्या वयाच्या किंवा तुझ्याहून लहान मुलांच्या बरोबर (चौथी पाचवी आणि त्या पेक्षा लहान) जास्त वेळ घालवता आला तर बघ! चंपक, ठकठक, चाचा चौधरी असं काहीतरी हलकंफुलकं वाच, पत्ते कॅरम वगैरे खेळ आणि मायबोलीवर आजिबात येऊ नकोस!! अर्थात अभ्यास, शाळा/कॉलेज सांभाळून. मोठ्या माणसांच्या आसपास पण राहू नकोस. आत्ता लहान आहेस तोवर लहानपण एंजॉय कर!
हा खूप सुंदर सुखाचा काळ असतो आयुष्यातला.
तू एक चांगली माणूस आहेस आणि माणूस म्हटलं की चुका/गैरसमज असणार. It's not being भांग, it's part of being human. अतिविचार करणं फार वाईट असतं. You might ruin a moment by overthinking things. ही सवय आत्ताच प्रयत्नपूर्वक मोड नाही तर खूप त्रास होईल पुढे आयुष्यभर - हा एक फुस.

पंचवीस पण लहानच वय आहे अगं! अतिविचार करण्याचं वय definitely नाही! इतका विचार नाही करायचा स्वतःबद्दल. ताईला मदत केलीस ना अंगण साफ करायला? झालं तर मग.
इतका विचार करत बसलीस प्रत्येक गोष्टीत तर आयुष्यात मजा कशी करणार?

इतकं वाईट नको गं वाटून घेऊस
माणूस आहोत आपण. कधीकधी चुकीचे वागणे, मूड स्विंग, फटकळ बोलणे घडून जाते.
घडल्यावर वाईट वाटून घेऊन उपयोग नसतो.
अजून चांगलं वागायला, इतर कोणत्या मार्गाने भरपाई करायला आयुष्य पडलंय.

चुकीची जाणीव झाली आणि आपण इथे ते व्यक्त केलत ही खूप छान गोष्ट आहे. इथून पुढे तुम्हाला या अनुभवाचा उपयोगच होईल

ताई, निदान तुम्हाला तुमच्यातील तृटी जाणवत आहेत हे फार महत्त्वाचं आहे. आता यापुढे यावर मेहनत घेऊन मनात पॉझिटिव्हिटी रुजवायचा प्रयत्न करा. एखादा छानसा छंद जोपासा, मित्रमैत्रीणी जमवा, समाजकार्य करा. इच्छा असेल आणि शक्य असेल तर एखाद्या चांगल्याश्या काउंसेलर कडे जाण्यासही हरकत नाही. तुम्हाला यात यश लाभो अशी सदिच्छा!

निशा,
मला वाटते तुमच्या भावना तुम्ही मागे व्यक्त झालात तेव्हाही प्रामाणिक होत्या आणि आताही आहेतच. भावना हे जिवंत असल्याचे लक्षण आहे... दुसर्‍यांच्या वागण्याची संदर्भपट्टी वापरून आपल्या वागण्याबद्दल वैषम्य वाटून घेऊ नका कारण...
झुठा रैन बसेरा... साचा दर्द मेरा
झालेली पीडा तेव्हाही खरी होती आता ही आहेच..'त्यावेळी' आपले वागणे चुकल्याची जाणीव आता होत आहे, हे अनुभवांची शिदोरी वाढल्याचे लक्षण आहे...हा प्रवास आहे निरंतर चालू असतो. एका भावनेत ऊमाळा, वैषम्य, मनस्ताप अडकून राहिले नाही म्हणजे झाले.

घराबाहेर न पडलेले लोक लवकर मॅच्युअर होत नाहीत. यु आर नॉट अलोन.... तुमच्यासारखे भरपूर आहेत... त्यात तुमची काहीही चूक नाही... स्वतःला दोष देणे बंद करा... हे मी तुम्हाला आधीच्या धाग्यावरही सांगितले होते... परत लिहितो...
तुम्ही कन्फेशन करताय खरेच कौतुकास्पद आहे...
आपल्यात कमी आहे हे accept करणे हीच महत्वाची पायरी...बहुतांश लोकांना तेच कळत नाही... तुम्हाला ते समजले आहे... आता फक्त त्यावर काम करणे बाकी आहे...हळूहळू भांगेपासून तुळस होत जाल नक्की... शुभेच्छा...

राधानिशा, तुझी आत्ताची पोस्ट वाचून जरा काळजी वाटली आणि माझे सल्ले उगीच दिले असंही वाटलं. अशाअर्थी की मी फार वरवरचा सल्ला दिला होता. Sorry for that.
वैद्यकीय मदत तर तू घेत असशीलच. त्याने तुला लवकर बरं वाटू दे. एका छान समृद्ध, आरोग्यपूर्ण आणि आनंदी आयुष्यासाठी तुला खूप सार्‍या शुभेच्छा!

'ग्रज' इज माय मिडल नेम. पण अ‍ॅस्ट्रॉलॉजिकली, माझ्या बाबतीत तरी, वृश्चिक स्टॅलिअम मुळे ते होते असे माझे मत आहे. बट एव्रीथिंग कम्स अ‍ॅज अ पार्ट & पार्सल. तेव्हा मला दु:ख, लाज, गुन्हेगार वगैरे काहीही वाटत नाही.

लोकंही फार 'दूध से धुले' नसतात. तेव्हा काही हरकत नसते जरा ग्रज धरण्यात.

बिनधास्त रहा. एका कानाने ऐका दुसर्‍याने सोडा.

आपण आपल्या पायाखालची जमीन बघावी. फार पुढचा मागचा विचार करणं तुमच्यासाठी फार फार घातक आहे. अस्तित्वात नसलेले प्रॉब्लेम्स आपण विचार करकरून निर्माण करतोय असं तुम्हाला वाटत नाही का?

तुम्हाला फक्त येईल तो क्षण एन्जॉय करायची गरज आहे.

एक फुकट/ अनाहूत/ आगाऊ सल्ला : रिलेशनशिपमध्ये आहात का? बहुतेक तरी नसाव्यात कारण 25 वयात जे प्रेम वगैरे असतं ते भरपूर टाईम / इमोशनली कन्झ्युमिंग असतं पण हो त्यात पडाल तर वरवरच पडा! (नाहीतर रोगापेक्षा इलाज भयंकर अशी परिस्थिती व्हायची).

वैद्यकीय मदत तर तू घेत असशीलच. त्याने तुला लवकर बरं वाटू दे. एका छान समृद्ध, आरोग्यपूर्ण आणि आनंदी आयुष्यासाठी तुला खूप सार्‍या शुभेच्छा! >> +१००
विशीत सामान्यपणे अनेक ध्येय दिसत असतात उदा: व्यवसाय्/नोकरी, लग्न्/जोडीदार, प्रवास इ. आपल्या ध्येयांवर लक्ष केंद्रीत असले की भावाने पुस्तके नेली काय नि आणली काय काही फरक पडत नाही. सध्या ध्येय काय आहेत? अगदी नोकरी इ नाही पण पुढ्च्या ४ दिवसात काय साध्य करायचे आहे?

तुम्हाला 'इनर इंजिनिअरिंग' चा कोर्स करायला जमेल का? सध्या ऑन्लाइन शिकवतात.
आजूबाजूच्या लोकांना उत्तम अनुभव आहे. सुरूवातीला रोज ४० मि. (सकाळी २० आणि संध्याकाळी २०) आणि नंतर २० मिनिटं द्यावी लागतील.
वर सगळ्यांनी सांगितलं आहेच , जास्त विचार करू नका. समजा आला खूप राग , पश्चाताप झाला आणिनंतर माफी मागायची लाज वाटत असेल तर बिनधास्त इथे येउन लिहा, मनात ठेउ नका उगाच.

Radhanisha,
मी कुठल्याही कोतबो वर सल्ला देत नाही. कारण काही जणांना लिहून पूर्णपणे व्यक्त होता येत नाही मगं ते वरवरचे वाचून काही चुकीचे सांगण्यात येऊ नये म्हणून.
पण एक साधी विनंती , तू अजिबात इमच्युअर नाहीस. तसे सारखे स्वतःला सांगून कमी लेखू नकोस. शिवाय तुझ्या सारखे या भूतलावर कोणी नाही हे लक्षात ठेव. You are unique in your own way. You are still finding your way to cope up with the stress which is a lifelong process. माझी भाची तुझ्याएवढी आहे, त्यामुळे तुझी पोस्ट वाचून तळमळायला झाले. तू स्वतःच्या भावनांचे अवलोकन करू शकतेस हे खूप मोठे प्रिविलेज समज. You are being honest with your emotions. तू तुझ्या doctor ला विचारून ध्यान सुरू करू शकतेस का , म्हणजे याच भावनांकडे तुला थोडे तटस्थपणे पहाता येईल. कारण तुझ्या नकारात्मक भावना म्हणजे तू नाहीस. त्याच्यातन बाहेर येता येईल का बघं कारण हा pattern असतो you have to train your brain to come out of it. Believe me it is possible to some extent with regular meditation. मलाच का असा विचार करू नकोस , I can handle it, I have been handling it, I will be fine असे म्हणत रहा.
तुला अहो जाहो केले नाही कारण लहान आहेस आणि मला मोकळेपणाने बोलता यावे म्हणून, तुला शुभेच्छा. मला कधीही बोलावे वाटले तर विपू कर. Please go see your therapist until you are all better and make a plan. नकारात्मक भावना येतात पण त्यातनं बाहेर येता आलं पाहिजे, तुला सकारात्मक रहाता येत नसेल तर न्युट्रल रहा (मी तसेच करते कधी कधी). तुला खूप शुभेच्छा आणि hugs !!
सल्ला पटला नसेल , किंवा राग आला/दुखावले असेल तर क्षमस्व.

मनाची शक्ती नक्की परत येइल. तुम्ही यातून बाहेर पडालच. झोप - खाण्याच्या / औषधे असतील तर औषधांच्या वेळा - माफक व्यायाम आदि परफेक्ट म्हणजे परफेक्ट सांभाळा.
अजुन एक जॉब मिळत नसेल तरी स्वतःवर शिक्का मारु नका. सध्या मार्केटच डाउन आहे.
सोशल अँग्झायटी मला वाटतं पी टी एस डी मुळेही होते. निदान मला होती. तेव्हा इट विल टेक टाइम, स्वतःला फोर्स करु नका. ती अँग्झायटी नक्की जाईल.
श्रद्धा और सबुरी!!

शिवाय मुळात जे केलं ते ध्यान होतं का / ध्यान लागलं का हे समजत नाही .. पण शांत आणि छान वाटतं ते केल्यावर ..>>>>>>>
याचा विचार करायची गरज नाही , तुझ्यातल्या 'त्या'च्या अंशाला माहिती आहे काय करायचे... विश्वास ठेव, (it will be involuntarily customized to your own emotional needs ) ते तुला बरोबर मार्गदर्शन करेल. मी आवड निर्माण कर सुद्धा म्हणणार नाही कारण त्यातही एक प्रकारची नकारात्मक आज्ञा जाणवते. फक्त ध्यानाला बसं एवढेच म्हणेन !!
पुरे करते नाहीतर ध्यानाविषयी कितीही लिहीत बसेल मी Take care.

ध्यान वगैरे करा पण घराबाहेर पडा... तेच तुमच्या सगळ्या प्रॉब्लेम्स चे सोल्युशन आहे...
एखादा कोर्स करा ज्यामुळे जॉब मिळायला मदत होईल...खाली दिमाग शैतान का घर... डिग्री बेस वर बऱ्याच स्पर्धा परीक्षा देता येतात.. त्या ट्राय करा...

आपलं शत्रू आपलंच मन असतं जे सतत निगेटीव्ह गोष्टी आपल्या निदर्शनास आणुन देत असतं .या मनाला शांत करणं अशक्य असतं .प्रयत्न करुन बघा ध्यानधारणा,औषधे ,काउंसलींग, योगा ई कशानेही ते शांत होणार नाही.
आपल्या आयुष्याचा गोषवारा म्हणजे या मनाशी आपले चाललेले अखंड युद्ध जे मृत्यूच्यावेळीच संपतं.
तुमचा स्वभाव बदलेल असे जे वर सांगितले आहे त्यात मला फारसे तथ्य वाटत नाही.मी स्वतः अनेकदा माझा स्वभाव बदलण्याचा प्रयत्न करुन थकलो आहे.स्वभाव बदलण्याचा प्रयत्न करण्यापेक्षा स्वतंत्र रहा व शांततेचा अनुभव घ्या.स्वभावाला औषध नसते .
राग,गिल्ट,इर्षा,असुया,संताप ,पश्चाताप याने माणुस exhaust होतो. यांना ,या निगेटिव्ह भावनांना अडवण्याचा प्रयत्न करण्यात फारसे काही हासिल नाही .

स्पर्धापरीक्षा नको. बाकी सर्व सल्ले अगदी बरोबर.
कोणत्याही स्पर्धापरिक्षेला अनिश्चता खूप असते.

स्पर्धापरीक्षा नको. बाकी सर्व सल्ले अगदी बरोबर.
कोणत्याही स्पर्धापरिक्षेला अनिश्चता खूप असते.

Submitted by मोहिनी१२३ +11

radhanisha तुम्ही खूप विचार करून अपराधी वाटून घेऊ नका.

> Submitted by radhanisha on 17 August, 2020 - 18:23 >
TSH, FT3, FT4, B12, D3, सोनोग्राफी,
तुमच्या फॅमिली डॉक्टरशी किंवा इथे Blackcat, कुमार१ यांच्याशी बोलून आवश्यक असतील त्या इतर टेस्ट
करून घे.

https://www.mayoclinic.org/diseases-conditions/premenstrual-syndrome/exp...