उपवासाचे थालिपीठ आणि चटणी

थालिपीठ **
१. दोन ते अडीच वाटी शिंगाड्याचे पीठ
२. दोन वाटी राजगीऱ्याचे पीठ
३.२ उकडलेले बटाटे
४.हिरव्या मिरच्या ४-५
५. आल्याचा तुकडा
६. जिरे चमचाभर
७. मीठ (सैंधव किंवा नेहमीचे )
८. दाण्याचा कूट अर्धी वाटी
९. तेल
१०.दोन तीन मोठे चमचे दही
११.Aluminium foil

चटणी**
१. अर्धी वाटी शेंगदाणे
२.अर्धी वाटी पाणी
३.अर्धी वाटी दही
४. २-३ हिरव्या मिरच्या
५.आल्याचा तुकडा
६.मीठ व साखर
७.फोडणीसाठी तूप व जिरे.

चटणी*
सर्व साहित्य मिक्सर मधून फिरवून घ्या. व फोडणी टाका. घट्ट पातळ आवडीनुसार करा मी थोडी मध्यम ठेवते .उपवासासाठी तूप जिरे फोडणी करून घाला. मी तेल- मोहरी फोडणी केली आहे कारण आमच्या घरी कोणी उपास करत नव्हते.

थालिपीठ*

मिरच्या, चमचाभर जिरे व आले मिक्सर मधून काढून पिठात टाका. सर्व साहित्य एकत्र करून थोडे पाणी घालून तिंबून घ्या.

नेहमीच्या थालिपीठा प्रमाणे. व foil च्या मदतीने थापवून तव्यावर दोन्ही बाजूला तेल घालून भाजून घ्या. Foil ला सुद्धा एक थेंब तेल लावून पसरवून घ्या म्हणजे लवकर वेगळे होऊन तव्यावर टाकताना सहज निघेल.

टाकल्यावर आच मध्यम ठेवून झाकावे व चुर् हा नेहमीचा आवाज आला की उलटून दुसऱ्या बाजूने भाजून घ्यावे. दोन्ही बाजूला अर्धा चमचा प्रत्येकी तेल घालावे.

मी थोडी तुपाची बेरी घातली मोहन म्हणून... वाटी लोळत होती व रिकामी करून धुवायची होती म्हणून! तुम्ही एक चमचा तूप/ तेल काहीही घालू शकता.

*******

*

*

*

*

*

*

*

*

*

*

दही बटाटा व दाण्याचे कूट यामुळे खूप खुसखुशीत होते. मुलांना आवडते व वेगवेगळी पीठं पोटात जातात. नेहमीच्या थालिपीठापेक्षा पचायला हलके आहे. तसे पटकन होते.

**आम्ही उपवासाचे पदार्थ रुचीपालट म्हणून खातो. एवढ्या साहित्यात पोळीपेक्षा लहान व पुरीपेक्षा मोठी अकरा थालिपीठं झाली.
धन्यवाद