ग्रेस

"ग्रेस"

मी मुळात मायबोलीवर आलो ते वैभव जोशीचा इंटरव्ह्यु बघून! स्पृहा जोशीच्या 'खजिना' मध्ये तो भरभरून बोलला 'मायबोली' बद्द्ल.
दुसर्‍याच दिवशी मायबोली जॉइन केलं. त्याने त्या दीड पावणेदोन तासांच्या गप्पांमध्ये कविता, गझल, बकीचे कवी जसं की बालकवी, ग्रेस इ. याबद्द्ल जे काही बोललयं त्याला तोड नाही. खाली खाली त्याची लिंक देतोय. ज्यांंना बघावं वाटेल त्यांनी बघावं!!

https://www.youtube.com/watch?v=Jpm_u4JbqUc

मी डिप्लोमाच्या सेकंड इअर ला असताना वैभव जोशी ची 'कधी तरी' नावाची गझल ऐकली. फाउंटन ची संगीत नाटके शोधत होतो युट्युब वर सो याच्या गझलांच्या सी.डी. च आणि संगीत नाटकांच प्रॉडक्शन लेबल एकच होतं. मी ती गझल ऐकली चांगली चार दिवस सलग ऐकली. आणि त्याला पाचव्या दिवशी फेसबुक वर 'फ्रेंड रिक्वेस्ट' सेंड केली. दुसर्‍या दिवशीच अ‍ॅक्सेप्ट झाली. मी भरून पावलो होतो.
काही दिवसांंनी घरात विषय निघाला वैभव जोशीचा माझ्यामुळेच बहुतेक!!
आई कडून मला कळालं की वैभव जोशी मुळात सोलापूरचा आहे. आईच्या श्रीराम सोसायटीच्या शेजारच्या उजनी कॉलनीतच रहायचा. आणि आई जिथे प्रोग्रॅमिंग शिकवायची (सुहास मॅडम च सुयश इन्स्टिट्युट) तिथेच तो नोकरीला होता काही काळासाठी.
त्याच्याशी फेसबुक वर थोडं फार बोललो दोनदाच बोललो. त्या खजिना कार्यक्रमानंंतर त्याला फेसबुकवर एक पत्र (पी.डी.एफ. फॉर्म मध्ये) टाकून फेसबुक डीअ‍ॅक्टिव्हेट करून मायबोलीवर आलो.
या पुर्वार्धाबद्द्ल क्षमस्व!!

जेव्हा खजिना मध्ये ग्रेस विषयी बोलला आणि त्याच्या काही फेसबुक पोस्ट मध्ये ग्रेस बद्द्ल लिहीलेलं मी जे वाचलं होतं.
त्यावरून मी देखील एक शब्दांजली वाहिली होती युअरकोट डॉट कॉम वरती ग्रेस ला जी खाली लिहीली आहे. ( वेभव जोशी ने एक शब्दांजली वाहीली आहे त्याच्या फेसबुक वर मग मी ही प्रयत्न केला. आणि प्रामाणिकपणे सांगतो 'शब्दांजली' हा प्रकार वैभव जोशी मुळे कळाला.)

वाहता वारा थांबत नाही
धरलेला हात सोडवत नाही
काळाचं आभाळ पोकळ नाही
"भय इथले संंपत नाही"

फिटली आस पुन्हा लागते
मिळाली वेळ आपुली नसते
गिळली तहान जळ देते
"मज तुझी आठवण येते"

ग्रेस मी पहिल्यांदा ऐकला तो सातवी आठवीत आकाशवाणी वर त्याच्या 'भय इथले संपत नाही' या गाण्यातून आणि दुसर्‍यांदा 'ती गेली तेव्हा' यातून ऐकला. तेव्हा फारसंं कळत नव्हतंं पण ऐकून आत कसंंसच झालं. मी अजुनही ग्रेस पुर्ण काय पण एक टक्का ही वाचलेला नाहीये मी मान्य करतो. आणि माझंं अस मत आहे की तुम्ही ग्रेस एक टक्का ऐका नाहीतर शंभर टक्के , मायक्रो , पिको, नॅनो मध्ये ऐका (अर्थात एखादीच कविता वाचलेले , त्यातिल एखादच कडवं वाचलेले आणि दोन ओळी वाचलेले हे त्या मायक्रो, पिको,नॅनो कॅटेगिरीत येतील) ग्रेस तेवढाच पोळतो, तेवढाच अस्वस्थ करतो!!

मी मध्यंंतरी ग्रेसला शब्द्श: ऐकण्यासाठी युट्युब वर आणि अख्या गुगल वर बरच सर्फिंग केलंं. मला फारसंं काही मिळालं नाही. एकंदरीत ग्रेस फारच थोड्या प्रमाणात अ‍ॅव्हेलेबल आहे. मी 'नक्षत्रांचे देणे' या 2009 साली (कदाचित) सुरू झालेल्या कार्यक्रमाचा भाग पाहीला.
त्यात फक्त ग्रेसच शब्द्श: बोललाय! आणि मी प्रांजळपणे मान्य करतो मी ग्रेसचा आवाज लहानपणी ऐकलेला असला तरी अत्ता अत्ता मला आवाज कळायला लागलाय!!

https://www.youtube.com/watch?v=jYb_GGUhzdQ&t=20s ---> नक्षत्रांचे देणे (इपी-1)

माझी अशी एक निर्मळ इच्छा आहे की या कोरोनाच्या पडीक काळात ग्रेस विषयी मायबोली वर वाचायला मिळावं. ग्रेस बद्द्ल जाणून घ्यायला मिळावं.
मी नवीन आहे. मला माहीत नाही ग्रुप, धागे यातला फरक. पण तुमच्या पैकी कोणीतरी फक्त 'ग्रेस' विषयी बोलण्यासाठी किंवा ग्रेसच्या कविता समजून सांगण्यासाठी एखादा ग्रुप अथवा धागा तयार करू शकेल का?
किंवा हाच धागा ग्रेस 'ग्रेस' विषयी बोलण्यासाठी किंवा ग्रेसच्या कविता समजून सांगण्यासाठी वापरता येऊ शकतो क?
ग्रेस कितीही वाचला तरी अनाकलनीय आहे मान्य! निदान वाचायला तरी मिळो देवा!!

आज ग्रेस ची जयंती नाही अथवा पुण्यतिथीही नाही!
मुळात ग्रेस ही एक आठवण आहे जिची साठवण करण्यासाठी मन उचंंबळून येत असतं.

टीप: वैभव जोशी आणि ग्रेस या दोघांंचा अख्ख्या लेखनभर एकेरी उल्लेख केला कारण ....
वैभव जोशी --> माझ्यासाठी देव आहे कविता, गझला, गाणी यातील!
ग्रेस --> या सगळ्या कवींची आई होतो. आपल्या प्रत्येक कवितेतून, मुळात जे कवी आहेत या सगळ्या बाळांना सावरण्यासाठी पावलो पावली ओघळतो...काळाची कल्पना देत ओघळतो!!