Submitted by महेश मोरे स्वच्छंदी on 5 August, 2019 - 04:30
आज त्याची पावले उंबऱ्याला लागली
- महेश मोरे (स्वच्छंदी)
आस ज्याची नेमकी जीवनाला लागली
आज त्याची पावले उंबऱ्याला लागली
बाण नव्हता एकही काळजाला लागला
पण शिकाऱ्याची नजर पाखराला लागली
एकदाही भेटली, बोलली नाहीच पण
वाट बघण्याची सवय अंगणाला लागली
पावसाशी काल तर बाप होता भांडला
आज त्याची एक झळ वावराला लागली
'प्रेम'..असताना तसा रोग होता चांगला
त्यात झुरण्याची चटक माणसाला लागली
ती मजेने बोलली, "मी तुझी आहे कुठे ?"
हाय त्याची मग तिच्या काळजाला लागली
फक्त थोडेसे गवत मालकाने टाकले
दावणीची ओढ मग वासराला लागली
Groups audience:
Group content visibility:
Public - accessible to all site users
शेअर करा
