तू जवळ हवासा

Submitted by प्रतिक सोमवंशी on 6 May, 2019 - 00:20

एकटीने मज राहवेना, तू जवळ हवासा
बघून स्वप्नी तुला, मज मिळतो जरा दिलासा

रात अवसेची, चांदण्यांचे गोडवे गाते
रडून थकलेली मी, टाकते जरा उसासा

मिटताच डोळे पुन्हा, तू का उठवायला येतो
होतात हाल माझे, जसा पाण्याविन मासा

छळणे तुझे बटांना, मज मुळीच नवे नाही
तो स्पर्श जाणीवेचा, वाटतो नवा नवासा

बघ कस नभपटलावर, चांदण खुलून आलय
त्या शुभ्र चांदण्यांमध्ये, दिसतोस तू जरासा

©प्रतिक सोमवंशी
Instagram @shabdalay

विषय: 
साहित्य
काव्यलेखन
शब्दखुणा: 
तू जवळ हवासा
प्रेमाची गजल
मराठी गजल
Groups audience: 
गुलमोहर - गझल
Group content visibility: 
Public - accessible to all site users
शेअर करा