Submitted by Asu on 15 February, 2019 - 23:05
पाऊलखुणा
या, मित्रांनो या !
तरंगत या
मनाच्या माझ्या
भुसभुशीत मातीवर
पाऊलखुणा उमटवू नका
मैत्रीचा पुरावा ठेवू नका
आणि,
एकटं सोडून जातांना ....
तरंगत जा
आठवण कधी झालीच तर
मागेही वळून पाहू नका
विरहाचे गीत गावू नका
आठवणींना जागवू नका
मनाच्या माझ्या
भुसभुशीत मातीवर
पाऊलखुणा उमटवू नका.
- प्रा. अरुण सु. पाटील (असु)
© सर्व हक्क स्वाधीन
https://www.facebook.com/AsuChyaKavita
शब्दखुणा:
Groups audience:
Group content visibility:
Use group defaults
शेअर करा
