HORN - (NOT) OK - PLEASE

बर्‍याचदा प्रतिक्षिप्त क्रिया म्हणुन हॉर्न वाजवतात. तुझ्या मागे मी आहे नाहीतर गपकन वळशील हे सांगणारा संदेश हा हा असुरक्षिततेतुन येतो. काही माणसे ही गोंगाटप्रिय असतात त्यांना हॉर्न ही सुविधा नसुन त्यांचा अधिकारच वाटतो. तो वाजवला नाही तर आपले अस्तित्व कोलमडून पडेल याच भय वाटत.

आमचे सर सांगायचे अणुबॉम्ब प्रत्येक देशाजवळ असणे गरजेचे आहे, पण त्याचा वापर टाळण्याचा प्रयत्न केला पाहिजे...........तसेच ते लॉग टेबलबद्दल सांगायचे.........आणि तेच हॉर्नबद्दल सुद्धा लागू पडते.

बर्‍याचदा प्रतिक्षिप्त क्रिया म्हणुन हॉर्न वाजवतात. तुझ्या मागे मी आहे नाहीतर गपकन वळशील हे सांगणारा संदेश हा हा असुरक्षिततेतुन येतो. >>>> अगदी. मी १००% याच कारणासाठी हॉर्न वाजवते.
मुर्ख बायकर्स रस्त्यावर सैरावैरा गाड्या चालवत असतात, त्यांना 'मी मागे आहे' हे सांगण्यासाठी किंवा 'ए गाढवा' हे म्हणण्यासाठी हॉर्न वाजवला जातो.

माझं पण मत हेच आहे की वाहनांना हॉर्न नसला तरीही चालेल. फक्त अगदी अतिशय तिरके वळण असेल तरच या वळणावरून मी येतेय इतकं सांगण्यापुरतं हॉर्न ची गरज भासू शकते/भासते.

गेल्या काही दिवसात माझ्याही टु व्हिलर चा हॉर्न नव्हता वाजत. माझं काही अडलं नाही.
त्याच दरम्यान मी सोसायटीच्या पार्किंग मधुन बाहेर निघाले होते, पुढे एक घोळका चालला होता, त्यात म्हातारे, लहान मुलं इ सगळे होते, मी त्यांच्यामागून हळू हळू गेले, हॉर्न तर तसाही वाजत नव्हता. शेवटी घोळक्यातल्या एका बाईचे लक्ष गेले तिने पाहिलं आणि सगळ्यांना बाजूला व्हायला सांगितलं, आणि मला उद्देशून म्हणाली अगं हॉर्न वाजवायचा की... मी काही बोलले नाही. फक्त हसले.

हॉर्न वाजवून आपल्यासाठी जागा निर्माण करून घेणं हे इतकं सवयीचं झालंय की तो आपल्याला आपला हक्क वाटतो.

हि समस्या भारतातील काहीच शहरांपुरती आहे का ? मुंबईत आणि इथे अंगोलातही माझे घर अगदी हमरस्त्याच्या शेजारी आहे. क्वचितच हॉर्न कानावर पड्तो !

प्रदूषणाचे म्हणाल तर रस्त्यावर मध्यभागी चालणाऱ्या बायकांसाठी किंवा कानाला इअर फोन लावून चालणाऱ्या कॉलेज कन्यकांसाठी आपण कर्णा न वाजवता जर ब्रेक लावला तर करण्याने होणाऱ्या ध्वनी प्रदूषणापेक्षा गाडी चे पेट्रोल जास्त जाळून अधिक प्रदूषण होईल.
बाकी उगाच कर्णा वाजवत जाणारे लोक उच्छाद आणतात हि वस्तुस्थिती.

काही काही वेळा कर्कश्श हॉर्न वाजवणार्‍या लोकांच्या कानाखाली तेवढ्याच कर्कश्श ओरडून एक खेचावी असे वाटते, आणि त्याहीपुढे जाऊन शूट अ‍ॅट साईट असा कायदा असावा की काय असे वाटते.

हि समस्या भारतातील काहीच शहरांपुरती आहे का ? नाही शाघाई शहर पण कारण नसताना हॉर्न वाजवण्यासाठी प्रसिध्द होते. तिथे पण वन वे मध्ये विरुध्ध दिशेने गाडी वरुन हॉर्न वाजवत जात होत्या. ( जश्या पिंपरी चिंचवड मध्ये मुम्बई पुणे हायवे च्या साईड रोड वर उलट्या दिशेने गाड्या हॉर्न वाजवत जातात ) .
२००७ मध्ये शाघाई मुन्सीपाल्टीने शहरात कारणाशिवाय हॉर्न वाजवल्यास दंड केल्यापासुन कमी झाले आहे. २०१३ पासुन त्यानी ही पेनल्टी उपनगरात पण लागु केली आहे.

सचिन काळे हा लेख वर्त॑मानपत्रात आला पाहिजे असे वाटते.

गेले तीन वर्ष हॉर्न न वाजवता गाडी चालवत आहे. कुठेही काही अडत नाही. हॉर्न वाजवला काय, नाही वाजवला काय, लोक काय हटत नाहीत. गाढवांना हॉर्न वाजल्यावर काय करावं हे कळतं पण माणसं ढिम्म असतात.

पहिल्यावर्षी हॉर्न नादुरुस्त झाला, दुरुस्त करायला पैसेच नव्हते म्हणून ठेवला तसाच. नंतर सवय झाली हॉर्नलेसची! हॉर्ण वाजवण्याची उबळ येणे हा प्रकार जसा कमी होत गेला तसा रस्त्यावरचा अवेरनेस वाढला व.मानसिक शांतीही प्राप्त झाली.

तर मंडळी, नविन वर्षासाठी "हॉर्नशिवाय एक महिना" असा संकल्प सोडा आणि फायदे तोटे सांगा.

हल्ली तर ambulance च्या सायरन ला पण सरकत नाहीत, तर हॉर्न बद्दल काय बोलावे!

रेडिओ मिरचीने चालु केला होता ना एक उपक्रम ' don't be horny' त्याचा उल्लेख हवाच इथे या धाग्यावर.

हॉर्नची गरज नाही हे ठिक, योग्य तिथे किंचितच वाजवावा हे ठिक, पण बर्‍याच वेळा मी घाबरुनच हॉर्न वाजवते. वाट्टेल तसे गाड्या चालवणारे आणि चालणारेही प्राण कंठाशी आणतात. अचानक उंच डिव्हायडरवरुन तुम्हाला न दिसता अचानक कारसमोर उडी मारणारे कोणी समोर आलं की कर्कश्य हॉर्न वाजवला जातोच. त्यात भीती आणि शिवी दोन्ही असतं. पण म्हणुन मी हॉर्न वाजवण्याचं समर्थन करत नाही. कधी कधी ती प्र्तिक्षिप्त क्रिया असते एवढच म्हणायचं होतं.

अर्थात सिग्नलला एका जागेवर उभं राहुन उग्गीच हॉर्न वाजवणार्यांना मात्र फटके द्यायला हवेत.

ऋ कडे क्लास लावलास कि काय ?

बाकि, पुण्यात हॉर्न वाजवू नये या मताला मी फारशी भीक घालत नाही. जिथे लोकांना रस्ता हा वाहनांसाठी असतो याची फिकीर नसते, माझा जीव तुमच्या भरोसे या थाटात मोबाईलवर बोलत गपकन वळणारे लोक असतात, आपल्या बाजूच्या वाहनांकडे न पाहता विरुद्ध बाजूच्या वाहनांकडे पाहत रस्ता ओलांडण्यासाठी अचानक रस्त्यावर लोक येतात तिथे हॉर्न अति आवश्यक आहे.

शिवाय रस्त्यात दोन गाड्यांवर थांबून गप्पा मारणारे, घोळक्याने चालणारे यांना आपण नेमके काय करतोय हे चांगलेच माहीत असते. अशांना हॉर्न देणे गरजेचे असते. तो अधिकार नसून "समजत नाही का हा रस्ता आहे " हे सांगणे असते आणि हॉर्नची ही भाषा अस्सल पुणेकराला चांगली कळत असल्याने तो ही दोन्ही हातांची बोटे विरुद्ध दिशेला प्रश्नार्थक वेंगाडून, चेह-यावर "काय पावटेगिरी आहे " म्हणून खांदे उडवतो.

काही महारथी तर हॉर्न दिल्यावर आत बसलेली बाई कोण आहे, दिसायला बरी आहे हे न्याहाळून मगच बाजूला होत असतात. अशांना हॉर्न दिल्यावर अजिबात राग येत नाही.

शेवटी काय... व्यक्ती तितक्या प्रकृती.

मी देखील गेल्या काही महिन्यांपासून जाणीवपूर्वक हॉर्नचा वापर टाळतो आहे, परंतु मागचे वाहनचालक कधीकधी विनाकारण हॉर्न वाजवून चीड आणतात. अनेकदा माझ्यासमोर बस उभी असते (जी माझ्यामागे रांगेत असणाऱ्या किमान ३-४ जणांना तरी सहज दिसत असेल, तरीही हॉर्न वाजवत बसतात, जणू काही यांचे हॉर्न वाजवणे ऐकून बसमध्ये चढणारे/ उतरणारे धावपळ करणार आहेत! असो.

काही गाड्यांच्या मागील काचेवर मी एक विशिष्ट प्रकारची चौकोनी (साधारण १ फूट x १ फूट) आकाराची काच बसवलेली बघितली आहे. ज्यामुळे आपल्या पुढे किती traffic आहे हे मागील वाहनचालकाला 'त्या' काचेत दिसते. (ते पाहून त्याने हॉर्न वाजवू नये, ही माफक अपेक्षा!) त्या काचेला काय म्हणतात ते कोणी सांगेल का???

लेख वर णल्याबद्धल धन्यवाद... मस्त आहे।लेख

@ सचिन काळे, च्रप्स, नुसता लेख वर आला म्हणून समाधान नका मानू. मी एक प्रश्न विचारला आहे त्याचे उत्तर द्या!!!

कैमरा डिस्प्ले असेल हो, असा काचेतून पुढचा ट्रॅफिक कसा दिसेल.

सचिनजी मस्त्त लेख

राती अपराती जे रिवर्स हॉर्न वाजीवतात त्यांना रातभर एका बंद खोलीत कोंडून हॉरन्सचे आवाज ऐकवन्याची शिक्षा द्यावी.

छान लेख!

@ च्रप्स, नाही, तो Display नव्हता. तशी technology आत्ताकुठे (गेल्या २ वर्षात) samsung कंपनीने आपल्या ट्रकसाठी वापरली आहे, Argentina मध्ये.
https://www.youtube.com/watch?v=E1h_XCaL_f0

काही महिन्यांपूर्वी बाजारात मोबाईलवरील चित्रपट मोठ्या आकारात (आणि काहीसा 3D इफेक्टमध्ये) पाहण्यासाठी एक काच स्टॅण्डसह आली होती (किंमत ६०-१०० रु.), साधारण त्याप्रकारची होती ती काच ज्याबद्दल मी म्हणतो आहे.