निसर्गाच्या गप्पा (भाग ३०)

नविन धाग्याबद्दल अभिनंदन...

वा , अभिनंदन ! नवीन भाग आला ! नितीन , मस्त प्रस्तावना !

मस्तच
नवीन भागाबद्दल शुभेच्छा
इन मिन तुम छा गये

मस्तच ईन मीन तीन
वाचते आता ...

वाह.. खुप सुंदर शब्दबद्ध केलय नि..
त्याच्या आगमनाची आस आहे. वातावरण बदलु लागलयं खरं.. यावेळी तो लवकर बरसेलस दिसतोय.

ईन मीन, छानच प्रस्तावना....
तप्त उन्हाळ्याचे वर्णन आणि आगामी आशादायक पावसाळ्याची चाहूल आणि इंतजारही छान...
यावर्षी पावसाळ्याची वाट सगळेच जण जरा जास्तच आसुसुन पहात असतील.... मीही....
पण तरीही आपल्या वाट पहाण्यात आणि दुष्काळाने होरपळलेल्यांच्या वाट पहाण्यात खूप अंतर आहे... वेगळी तीव्रता आहे...
शेती तर राहू दे पण पिण्याच्याही पाण्यासाठी तरसणार्‍या माणसां प्राण्यांसाठी हा वरुणराजा लवकर बरसू दे... चांगला बरसू दे... आणि योग्य बरसू दे ही प्रार्थना.....

हायाॅॅल!!!....
नविन धग्याची प्रस्तावना खूप छान!!! अगदी प्रत्ययकारी वर्णन!!!

सुरुवातीचे निरुपण सुंदर आहे.

वाचता वाचता एक जाणवलं - निसर्ग माणसाला सदोदीत भरभरून देत असतो. पण माणूस असा करंटा की त्या देणार्‍याचे हात घ्यायचे सोडून ते हात तोडायला बघत असतो.

सुंदर प्रस्तावना. मग सविस्तर लिहितो.

शांकली, खूप दिवसांनी आलीस माबो वर
स्वागत आहे !

नितीन.. प्रस्तावनेतील कोलाज भावला.. सुंदर लिहिली आहेस.

ईन मीन, छानच प्रस्तावना....>>>> + ११

सर्व निसर्गप्रेमींना मकर संक्रांतीच्या >>>>>>

पाऊस नेहमीप्रमाणे व्यवस्थित पडणार आहे.. पण आपण त्याचे काय करणार आहोत हाच प्रश्न आहे !

दिनेश ,अगदी बरोबर .
पाऊस अगदी व्यवस्थित पडला तरी पाणी टंचाई असतेच सपल्याकडे.

परवा ( म्हंजे आपल्या मराठी च्या परवा हो!! ) बहिणीशी गप्पा मारताना एक जम्मत समजली..

आपण सर्रास कलौंजी म्हणजे कांद्याचे बी असेच मानत आलोय ... पण तीच तर जम्मत आहे. कलौंजी , कांद्याच्या बिया नाहीतच मुळी..
कांद्या च्या बिया जरी रुपाने, आकाराने,रंगाने' कलौंजी' सारख्या दिसत असल्या तरी कलौंजी च्या चवी,फ्लेवर च्या बाबतीत अगदीच निराळ्या असतात.

या काळ्या बिया आहेत Nigella sativa . Ranunculaceae परिवारातील एका वनस्पती ला लागणार्‍या फळांच्या या बिया आहेत , ज्यांचा उपयोग आपण स्पायसेस मधे करतो.ही वनस्पती वर्षातून एकदा फुलते. पाच ते दहा पाकळ्या असलेली फिकट गुलाबी,निळ्या,पांढर्‍या रंगांची फुले अतिशय नाजूक असतात.
याला येणारी फळे मात्र आकाराने मोठी असून प्रत्येक फळा तील कॅप्सूल तीन ते सात संयुक्त follicles ने बनलेला असतो,त्यात भरपूर बिया असतात..

आणी हो,आपला कांदा मात्र Allium cepa कुळातला आहे.. काय माहीत तो मनातल्या मनात Nigella sativa
ला म्हणतही असेल.. आप मे और हम मे दूर दूर का भी रिश्ता नही है जी!!

इन मिन तुम छा गये!! छानच प्रस्तावना..

वर्षू , मस्त माहिती. हे काहींचं नव्हते माहित.

वर्षू मस्तच माहिती गं..

नवीन भागाच्या शुभेच्छा.. सुंदर प्रस्तावना
वर्षू मस्तच माहिती

वा! सफेद बोगन वेल आणि प्रस्तावना दोन्ही मनाला गारवा देणारी..:)
ईन मीन तीन, लाजवाब लिखाण...

एक छोटासा कीस्सा शेयर करते...

"पिवळ्या गुलबाक्षीच्या बिया "

माझ्या चुलत सासु बाईकडे पिवळी पण गुलबाक्षी छटा असलेली गुलबाक्षी खुप बहरली होती..
मी त्यांच्याकडे जेव्हा जेव्हा जायचे तेव्हा त्या गुलबाक्षीच्या अवती भोवतीच घुटमळायचे..
ईतकच काय तर आम्ही दोघी चहा / नाश्ता पण पायरी वर बसुन करायचो , अन मग तस न तास
गप्पा रंगायच्या .. पायर्‍यांच्या अगदी पायथ्याशी गुलबाक्षी फुललेली असायची, तीच्या बाजुलाच गोकर्णाचा वेल जरा नागमोडी होऊन वर चढवलेला... हिरव्या कंच पानातुन, गर्द निळी फुले सारखी लक्ष वेधुन घ्यायची,
त्याला लागुनच लाल आणि मोतिया रंगाच्या गावराण गुलाबचे ताटवे फुलले असायचे... जोडीला शेंद्री, गणेश वेल, झेंडु, अबोली यांची पण सोबत असायची...

माझे नुकतेच लग्न झाले होते... काकुंनी माझी आवड ओळखली आणि एक दिवस मला त्यांनी पिवळ्या
गुलबाक्षीच्या बिया दिल्या. मला ईतका आनंद झाला होता...आपली आवडीची वस्तु आपण न मागताच कोणी आपल्यला दिली तर आनंद गगनात मावत नाही ना!

मी खुप हौसेने त्या एका कुंडीत रुजवल्या..दर वर्षी त्याला छान फुलं पण येतात..
काकु जाउन आता ४ वर्षे झालीत , पण त्या कुंडीतुन दर वर्षी पावसाळ्याच्या सुमारास रोप वर येतं.
आत्ता पुन्हा १० दिवसापुर्वीच त्या कुंडीतुन गुलबाक्षीचे रोप डोकावु लागले..:) आणि गुलबाक्षीच्या रुपानेच
का होईना, काकुंची आणि माझी भेट घडते...

वा सायली काय सुंदर लिहिले आहेस. किती सुन्दर वाटलं वाचताना.

इनमिनतिन, सुरेख प्रस्तावना!
वर्षू,सायू, मस्तच.

अतिशय सुंदर प्रस्तावना नितीन दा…
निसर्ग आपली हरित संपदा ज्या ऋतूमध्ये अक्षरह: उधळतो त्या ऋतूच्या आगमनाची चाहूल लागायला सुरुवात झालीये. सगळी सृष्टी आतुरते वाट पाहतेय त्याची. जवळपास प्रत्येकाच्या आवडीचा असा हा पाऊस. काळ्या मातीची कुस उजवणारा, तिला आईपण बहाल करणारा पाऊस…
या वर्षी महाराष्ट्र तहाणलाय नेहमीपेक्षा जास्त…शहरी भागात देखील आठवडयातून एकदा पाणी मिळतंय तिथे ग्रामीण भागाबद्दल काय बोलणार ? तहान लागली कि विहीर खाणण्याची सवय लागलेले आपण सारे या जलरूपी धनाचे रक्षण करणार आहोत कि नाही; कि पाणी वाचवा हे फक्त होळी नि उन्हाळ्यात करण्याच्या गोष्टी आहेत ? असेल तेव्हा दिवाळी नि नसेल तेव्हा शिमगा हि वृत्ती सोडून आता ३६५ दिवस जल व्यवस्थापन करण्याची आपल्या प्रत्येकाची जबाबदारी आहे. आपण वाचवलेला, आडवलेल, जिरवलेला प्रत्येक थेंब उद्या आपल्याच कामा येणार आहे. "जल हैं तो कल हैं " अस म्हणतात ते काही खोटं नाही.
प्रत्येक सजीवाला नवसंजीवनी देणा-या या वर्षा ऋतूच्या आपणां सर्वांना खूप खूप शुभेच्छा !
या पावसाळ्यात प्रत्येकाने एक तरी झाड लावून जगवूया…
बाकी; सुज्ञास सांगणे न लागे .

वर्षूताई मस्त माहिती आणि प्रचि...
सायली, हळवी पण आणि आनंददायी पण अशी छान आठवण....

नवीन भागाबद्दल अभिनंदन आणि शुभेच्छा!
वर्षू खूप नवीन आणि छान माहिती. मला नायजेला ती कुकरी शो वालीच फक्त माहिती होती.
नितीन प्रस्तावना आवडली. पण संक्रान्त....नाही कळ्ल!
सायु किती छान आठवण रहाते ना अश्या जिव्हाळ्याच्या कृतीतून एकमेकांची!

गुड न्यूज....समर .....खर्राखुर्रा समर.....खर्खरचा समर....पाऊस सध्या तरी थांबलाय. आणि तापमान चक्क....३१ से.
कडक ऊन शरिराला आणि डोळ्याला सुखद ऊब देतंय!

मस्तच प्रस्तावना नितीन

धन्यवाद _/\_

पण माणूस असा करंटा की त्या देणार्‍याचे हात घ्यायचे सोडून ते हात तोडायला बघत असतो.>> माधव अगदी अगदी.

पण आपण त्याचे काय करणार आहोत हाच प्रश्न आहे ! >> दा यावेळी नाम सारख्या संस्थांच्या कार्यामुळे चित्र थोड आशादायक आहे.

सायु - वा छानच आठवण

भरत - सोलाआणे सच.

भरत अगदी मनापासून लिहिलंस ना म्हणून इथपर्यन्त पोचतंय..
सायु खूप मधुर आठवणी आहेत तुझ्या.. सो क्लोज टू युअर हार्ट छान!!
मानु..३१ डि. म्हंजे कैच नै.. इकडे ये म्हंजे कळेगा तुमको गरम किसको बोल्ते
आणी ती नायजेला ना.. तिच्या रेस्पींपेक्षा तिच्या ब्यूटी कडे आणी इश्टाईल कडेच जास्त लक्ष असते माझे

माधव, अगदी खरं!!!