Submitted by विदेश on 29 January, 2016 - 22:51
बोलतो मी जास्त जेव्हा चुप बसवती का मला
गप्प असतो मात्र तेव्हा बोल म्हणती का मला
वाटते ना कायद्याची आजही भीती कुणा
लाच देता काम होते ते हुडकती का मला
ओळखीचे चांगले ते समजुनी मी भेटता
विसरुनी उपकार माझे दूर करती का मला
सांगतो सर्वास माझी जात मी माणूसकी
घेउनी बाजूस कानी परत पुसती का मला
चार येती कौतुकाचे शब्द कानी ऐकण्या
दोन डोळे मत्सराचे हाय दिसती का मला ..
.
विषय:
Groups audience:
Group content visibility:
Public - accessible to all site users
शेअर करा
