'स्वतः'च्या मुलांचे फोटो सोशल साईट्सवर प्रकाशित करणेबाबत

बाळ जन्मल्या जन्मल्या त्याला उचलून मित्रांच्या घरी जा.
गुडमॉर्निंग ! हे माझं बाळ. आवडलं का ? तो हो म्हणाला की ताबडतोब दुस-या मित्राकडे निघा. त्याला बाळ दाखवा. दिवसात किमान शंभरेक चं लक्ष्य ठेवा. दुस-या दिवशी आपला कुत्रा घेऊन पुन्हा त्यांच्याकडे जा. पुन्हा तोच क्रम.

घरी फ्रीजला दांडी बसवली की गडी काढा, मित्रांकडे फिरा. सर्वांना ही बातमी सांगा.
प्रत्यक्ष आयुष्यात असे आपण वागत असू तर क्षणाक्षणाचे अपडेट्स अपलोड करण्यात मला तरी काहीही वावगे दिसत नाही. उलट वेळेची बचतच होतेय टेक्नॉलॉजीमुळे !

( एका व्हॉटस अप फॉरवर्डेड मेसेज वर आधारीत )

बाय द वे आपले बरेच फोटो आपल्या मोबाईल मध्ये असतात आणि त्याच मोबाईल मध्ये आपण बरेच अ‍ॅप्स टाकतो जे आपले फोटो अ‍ॅक्सेस करत असतात. हा धोका आपण लक्षात घेतोय का? त्याबाबत काय केले पाहिजे असं आपलं मत आहे? (हा प्रश्न जेन्युइनली विचारत आहे. सार्कॅस्टिकली नाही)

वेल, कोणतीही अ‍ॅप डाऊनलोड केली की '----(अ‍ॅपचं नाव) would like to access your photos/your contacts' असा मेसेज पॉपप होतो. त्यावर ओके आणि डोन्ट अलाऊ असे ऑप्शन्स येतात ते पाहिलेत का?

ज्याचा त्याचा प्रश्न आहे. पण फेसबूक वर रोज एक फोटो टाकणे किंवा आपल्याच जुन्या फोटोवरच्या कमेंटला उत्तर देणे, लाईक करणे असे करून दिवसातून सतत फेसबूक वर दिसत रहाणारे लोक जास्ती दिसायला लागले आहेत. सतत टाकल्या जाणार्‍या फोटो व स्टॅटस मागे खरे आयुष्य काहीतरी वेगळेच असू शकते. पण जिथे जाउ तिथे सेल्फी घेण्यासारखेच हे आहे. मध्यंतरी एक घटना वाचनात आली होती कि बाहेरगावी जाणार्‍या लोकांनी एअरपोर्ट वर आलो आता अमुक ठिकाणी पोचलो, उद्या तमुक ठिकाणी जाणार इ इतके तपशीलवार टाकले कि चोरांना घर लुबाडायला अगदी सोपे झाले! इतकेच काय पण मला फेसबूक वर एकमेकांना "हॅपी अ‍ॅनिव्हर्सरी" "हॅपी बर्थ डे" म्हणणार्‍या नवरा बायको मंडळींची काळजीच वाटते. अ‍ॅनीव्हर्सरी, बर्थ डे (मुलांचे, स्वतःचे) जगजाहिर करू नये कारण बर्‍याच लोकांच्या पासवर्डसमधे अशा तारखा असतात. इतकेच नव्हे तर पासवर्ड रिसेट करताना विचारल्या जाणार्‍या प्रश्नात अशा तारखा विचारणारे प्रश्न बरेच लोक ठेवतात (लक्षात ठेवायला सोपे म्हणून). ज्याला तुमची आयडेंटीटी चोरायची आहे अशा माणसाला तुमच्या फेसबूक पोस्टसचा माग ठेवून अशी उत्तरे मिळवणे शक्य झाले आहे (अशा घटना सेलेब्रीटीज च्या बाबतीत घडल्या आहेत)
ज्यांना आपल्या बद्दल खरच जिव्हाळा, ममत्व असतो, त्यांच्यासाठी फेसबूक ची गरज पडत नाही. पिकासा, व्हॉटसअ‍ॅप वर पर्सनल मेसेज करून त्यांना फोटो पाठवता येतात आणि अगदी स्काईप वरून चॅट पण करता येते. आणि ते केले जातेच कारण असे लोक स्वतःहून संपर्कात रहातात व त्यांच्याशी संपर्क ठेवला जातोच. असे लोक वाढदिवसाला लक्षात ठेवून व स्व तःहून फोन, मेसेज करतात. फेसबूक वर उगाच ५०० लोक "मित्र" असतात त्यातले अनेक कोणीतरी कधीतरी एकदा भेटले म्हणून मित्र होतात. बसल्या बसल्या हातात फोन असतो व वेळ घालवायला म्हणून बरेचसे लोक इकडे तिकडे लाईक करत बसतात. तेव्हा आयुष्यात घडण्यार्‍या प्रत्येक गोष्टी साठी फेसबूक प्रदर्शन मांड्णे मला आवडत नाही. कधीतरी एखादा फोटो किंवा काहीतरी टाकणे वेगळे आणि रोज एक फोटो, काहीतरी बाष्कळ स्टेटस मेसेज टाकणे मला विचित्र वाटत.
दीड मायबोलीकरांशी अगदी सहमत. आपल्या वैयक्तिक आयुष्याचे किती प्रदर्शन मांडायचे हे ज्याचे त्यानी ठरवावे आणि मी त्यातला नाही.

हो सायो.

वेल - सेटींग मधे जाऊन प्रत्येक अ‍ॅप चा फोटो किंवा वैयक्तिक माहितीशी संपर्क बंद करता येतो.

हे नव्हतं माहित. शोधते.

मी नाही टाकत फेसबुकवर माझे अथवा माझ्या कुटुंबियांचे फोटो. कधीतरी व्हॉट्सअ‍ॅपवर माझ्या निकट वर्तुळांत शेअर करते. हा माझा चॉइस आहे.
आता मुलगा त्याचं स्वतःचं फेसबुक अकाउंट ऑपरेट करण्याइतका मोठा आहे - तो टाकतो त्याचे आणि त्याच्या मित्रमैत्रिणींचे. तो त्याचा चॉइस आहे.

कोणालाही - अगदी घरच्या मंडळींनाही - विचारल्याशिवाय त्यांचे फोटो प्रकाशित करू नयेत असं माझं वैयक्तिक मत आहे,.

इथे अमेरिकेततरी शाळा किंवा अन्य संस्था तुमच्या मुलांचे फोटो (ग्रूप फोटोसुद्धा) आणि इतर माहिती पब्लिकली शेअर करण्याआधी पालकांची लेखी परवानगी घेतात - आणि नकाराचा मान ठेवतात.

आमच्या एका निकटवर्तीयांच्या मुलाचा फेसबुकवर टाकलेला फोटो विचित्रपणे मॉर्फ करून अनेक लोकांना इमेल करण्यात आला, नंतर दोन वेगवेगळ्या लोकांचे फेसबुकवरचे फोटो विचित्र फोटोशॉप करून ती मेल त्यांच्या contacts मधल्या लोकांना पाठवली गेली, ही अगदी सध्याचीच घटना आहे

हे कोणाच्याही बाबतीत होऊ शकते. त्यामुळे,
१. शक्यतो फेसबुकचे अकाऊंटच न काढणे,
२. काढल्यास प्रोफाईल जितकी प्रायव्हेट ठेवता येईल तेवढी ठेवणे,
३. आपले नाव, वय, राहाण्याचे ठिकाण आणि इतर खरी माहिती फेसबुकवर न दाखवणे,
४. कोणतेही फोटो न टाकणे.
हे खबरदारीचे त्यातल्या त्यात काही उपाय आहेत.