वळूया!

Submitted by नीधप on 9 January, 2016 - 10:54

प्लॅस्टिकचं हृदय,
प्लॅस्टिकचेच भळभळणारे रक्त,
दोन शब्द विंदांचे, दोन शब्द पाडगावकरांचे,
एक कल्पना शांताबाईंची, एक यमक गदिमांचे,
अजून काही ह्याचे, तजून काही त्याचे
दुनियेभरचे तरल फरल फोटो
सगळा स्टॉक डब्यात व्यवस्थित भरून ठेवलाय.

सिच्युएशन, मूड, ऑडियन्सचा अंदाज घेऊन
तुपावर बेसन भाजून..

हमखास डोळ्यातून पाणी, हृदयातून हुंकार,
घशातून उसासा, अजून कुठूनतरी अजून काहीतरी
काढायला लावणारे
काव्यबोळे वळायला घ्यायला हवेत..

या.. वळा चार काव्यबोळे..
तुमचेही हात लागूद्यात..
मराठी नेटजगताचं वर्‍हाड मोठं, भिंत मोठी..
सर्वांना पुरायला हवेत.

आणि बेदाण्यासारखा फोटो खोचायला विसरू नका
या लवकर.. सुरू करू काम...

- नी

विषय: 
काव्यलेखन
शब्दखुणा: 
काहीच्या काही कविता
तूप
बोळे
मराठी साहित्याचे खांब
बेसनाचा लाडू
तरल
Groups audience: 
गुलमोहर - कविता
Group content visibility: 
Public - accessible to all site users
शेअर करा

Lol agadi

Submitted by अमितव on 9 January, 2016 - 18:19

नी Lol

Submitted by अभि_ on 11 January, 2016 - 22:03

Proud शेवट आवडला Happy
मला वाटलं, एका सर्टन वयानंतर, काही वळण वगैरे की काय...
असो... सध्या काव्यही मनापासून होत नाही, तर हे प्लॅस्टीकचे काव्यबोळे तरी कसे वळायचे बुवा ...

Submitted by हर्षल_चव्हाण on 11 January, 2016 - 23:08

shirshak vachun pudheel vichar manat aale he Nmrapane sangu ichchite:

1. kusheevar vaLuya

2. bidya vaLuya

3. pora/gura vaLuya

4. vatee vaLuya

Submitted by वत्सला on 11 January, 2016 - 23:17

छान !
<< सगळा स्टॉक डब्यात व्यवस्थित भरून ठेवलाय.>> नवनवीन सिरीयल्सचे एपिसोड वळायलाच हा स्टॉक जास्त उपयोगी !

Submitted by भाऊ नमसकर on 1 May, 2016 - 22:26