राडा

Submitted by जागू-प्राजक्ता-... on 15 July, 2015 - 03:23

विषय वाचून जरा वेगळच वाटल असेल ना? बर आता थोड स्पष्टीकरण.

आमच्याइथे आठवड्यातून एकदा तरी हा राड्याचा सीन होत असतो. राडा चालतो तो आमच्या परीसरात फिरणार्‍या सापांच्या जातींवर. एखादा साप दिसला की त्यांच्यावर हल्ला चढविण्यासाठी कर्कश्य आवाजात पहिला साळुंखी पक्षी आपल्या कर्कश्य आवाजात पुढाकार घेतात मग बाकीचे सैन्य जमते. ह्यात एक दोन कावळे , दयाळ, खार असे हे टोळके असते.

बर्‍याचदा धामण जातीचा साप असतो. हा झाडावर चढून पक्षांनी घातलेली अंडी, पिल्ल वगैरे खायला जातो म्हणून हे सगळे सैन्य त्याला हुसकावण्याच्या प्रयत्नात असतात. ह्यात सगळ्यात धिट असतात ते साळुंखी पक्षी तडक त्या धामणीवर चोचीने वार करतात.

मी खाली फोटो देत आहे त्यात धामण काही मला पुर्ण टिपता आली नाही पण त्या नाट्याच्यावेळी ज्या पक्ष्यांच्या, प्राण्यंच्या हालचाली होत्या त्या दाखवण्याचा मी खाली थोडक्यात प्रयत्न करते.

नारळाच्या झाडावर चढलेले हे उत्सवमुर्ती. ह्याच फोटोत डाव्या बाजूला साळुंखी पक्षी वार करण्यासाठी आलेली दिसते.
१)

नंतर धामण झाडाच्या झावळ्यांच्या खोपच्यात लपली तेंव्हा तिला शोधण्याची एकेकाची धडपड आणि चेहर्‍यावरचे हावभाव पहा.

२) साळुंखी

२) हा दयाळ त्या नारळाच्या झाडाखालच्या तारेवर.

३) खाली तर नाही ना सटकला?

४) कावळा

५) खारू ताईंचे हावभाव पहा.

६) मी खाली पहाते तू वर पहा

७) जाशील कुठे आता तू.

हा राड्याच्या प्लान संध्याकाळी चालू होता. बराच वेळ ती धामण बाहेर येण्याची मी टेरेस वरून वाट पहात होते. पण ती काही येत नव्हती. मग मला एका कामानिमित्ताने बाहेर जावे लागले त्यामुळे हे नाट्य कधी संपुष्टात आले ते कळले नाही. पुढच्यावेळी पूर्ण टिपण्याचा प्रयत्न करेन.

विषय:

निसर्ग

शब्दखुणा:

निसर्ग

Groups audience:

गुलमोहर - प्रकाशचित्रण

Group content visibility:

Public - accessible to all site users

शेअर करा

भारी आहे राडा!

Submitted by स्वाती२ on 15 July, 2015 - 08:09

राडा रॉक्स !! मस्त

Submitted by कंसराज on 15 July, 2015 - 08:25

धाग्याचं नाव आणि लेखिकेचं नाव

धाग्याचं नाव आणि लेखिकेचं नाव चमकून जाऊन परत परत २-३ वेळा वाचलं>>>+१
मस्त लेख.

Submitted by देवकी on 15 July, 2015 - 11:37

Camera dhamchya hatat

Submitted by रीया on 15 July, 2015 - 11:52

भारी ..

Submitted by रोहित ..एक मावळा on 15 July, 2015 - 14:59

मस्त जमलाय राडा .. खारुतैचे

मस्त जमलाय राडा .. खारुतैचे हावभाव सही टिपलेत एकदम ..

Submitted by मैथिलीपिंगळे on 15 July, 2015 - 15:24

सहीचे.

Submitted by अमितव on 15 July, 2015 - 15:48

लय भारी फोटू

लय भारी फोटू राड्याचे.

खारुताई फारच सर्वात गोड, माझी आवडती.

Submitted by अन्जू on 15 July, 2015 - 16:10

आयला! काय जबरी आहे हे! भारीच!

मला आधी वाटलं हे काय म्हणून आत डोकावलो. पुढे साप वगैरे बघून मला वाटलं लोकं गर्दी करतात त्या राड्याबद्दल लिहित आहेस की काय पण पुढे हे भारीच निघालं!
मला खरं तर आनंद होतोय हे वाचून कारण मी भारतात असताना तरी पबलिक साप दिसला की फार राडा करायचे आणि लगेच मारायला वगैरे निघायचे. साप दिसला आणि त्यापुढे इतकं कौतूकानी सगळे मोमेंट्स टिपलेत त्याचच मला नवल वाटत आहे. पुढे पक्षांनी त्याला मारलं वगैरे तर वाईट वाटेल पण ती नॅचरल ऑर्डर म्हणावी लागेल. भारी वाटलं वाचून.

केपी, शिक्रा म्हणजे?

Submitted by वैद्यबुवा on 15 July, 2015 - 16:30