वादसंवाद १ - अ‍ॅम्बिशन अमेरीका

वेळ असल्यास सांग, जरा बोलायचंय तुझ्याशी..

बस्स एक मिनिट हां, एवढा मेसेज टाईप करतो..

माझ्यापेक्षा जास्त ईम्पॉर्टंट आहे का तो?

(चाईला).. एक मिनिट
बस्स एक्कच मिनिट..
हं चल झाला.. बोल आता.. ऐकतोय

तो मोबाईल ठेव आधी बाजूला..

च्च.. ठिकाय, चल बोल आता

आपले फ्युचर प्लान्स काय आहेत?

ओह प्लान.. प्लान काय, फिरायला जाऊया कुठेतरी या विकेंडला. सीफेस. नाहीतर पाऊस असेल तर लॉंग ड्राईव्ह.. लोणावळा? वॉट से..

मी विकेंड प्लान नाही विचारत आहे.. तू आपल्या फ्युचर बद्दल काय विचार केला आहेस?

मी येत्या विकेंडच्या पुढच्या फ्युचरचा विचार कधी करत नाही.

तुला सिरीअसली नाहीच बोलायचे आहे का यावर?

यावर? .. कश्यावर?

लग्नानंतर आपण कुठे सेटल होणार आहोत?

कुठे म्हणजे?

मला अ‍ॅब्रोड जायचे आहे. माझे लहानपणापासूनचे ड्रीम आहे ते..

मग जा..

म्हणजे तू नाही येणार..

मी कश्याला, माझे नाही तसले काही ड्रीम..

पण तुला प्रॉब्लेम काय आहे? तुझ्या फिल्डला तिथे खूप स्कोपही आहे. रश्मी सांगत होती मला..

कोण रश्मी? तिचा काय संबंध? आणि कुठेय स्कोप?

युएस.. किंवा युके.

अरे व्वाह म्हणजे डिसाईड सुद्धा केले.

येस्स

पण मला नाही ईंटरेस्ट, ईंडिया सोडून जाण्यात.. आणि मला माझ्या आईवडीलांना सोडूनही जायचे नाहीये.

मग त्यांनाही बरोबर घेऊन जाऊया.

काय संबंध? तुझे स्वप्न आहे अ‍ॅब्रोड सेटल व्हायचे.. त्यासाठी तू मला नेणार.. आणि सोबत माझ्या आईवडिलांनाही. क्या बात है! वाह..

मुलगी लग्नानंतर सोडतेच ना आपल्या आईवडिलांना, मग तुला काय प्रॉब्लेम आहे.

कुठचा विषय कुठे नेतेस. तुला लग्नानंतर तुझ्या आईवडिलांपासून वेगळे राहावे लागणार म्हणून मी सुद्धा राहायचे.. आणि एका शहरात वेगळे राहणे आणि वेगळ्याच देशात राहणे यात फरक आहे. नुसते आईवडिलच नाही तर बहिणभाऊ, मित्र मैत्रीणी, नातेवाईक, सारेच ओळखीच्या लोकांपासून दूर जाणे. जिकडे आपल्या कोणीही ओळखीचा नाही तिकडे जाणे. कोणी सांगितलेय.

तुझ्याकडे काही अ‍ॅम्बिशन वगैरे नाही का?

काय अ‍ॅम्बिशन? अ‍ॅब्रोड सेटल होणे हे अ‍ॅम्बिशन असू शकते? अ‍ॅम्बिशन करीअरमध्ये असते. जर तुझ्या फिल्डमध्ये तुला आपल्या देशात स्कोप नसेल आणि त्यासाठी अ‍ॅब्रोडला जावे लागले तर ते ठिक आहे. त्याला अ‍ॅम्बिशन बोलू शकतो. पण अ‍ॅब्रोडलाच जायचे हे कसे अ‍ॅम्बिशन असू शकते..

माझे आहे

ओके, मग जा..

म्हणजे तू नाही येणार माझ्याबरोबर..

नाही.

...."

ओके हे बघ, तुला जर खरेच असे वाटत असेल की बाहेर जाणे हेच तुझ्या आयुष्याचे ध्येय आहे, आणि नाही गेलीस तर आयुष्यभर तुझी ईथे घुसमट होत राहील, तर या कारणास्तव तू माझ्याशी लग्न नाही केलेस तरी चालेल. आपण आताच वेगळे होऊया. ईटस ओके. आय कॅन अंडरस्टॅंड.

ईटस नॉट ओके..
तू मला एक कारण सांग की तुला का नाही जायचेय, काय प्रॉब्लेम आहे?

प्रॉब्लेम काय त्यात, मी नाहीये कम्फर्टेबल असा दुसर्‍या देशात, अनोळखी लोकांत जाऊन राहायला. आणि ईथे सारे सुखात चालू असताना मला त्याची गरजही भासत नाही तर का जाऊ?

का उगाच इमोशनल होत आहेस?

इमोशनल नाही, उलट प्रॅक्टीकल बोलतोय. मला तू अशी अट ठेवलीस की तुझ्याशी लग्न करायचे असेल तर बाहेर जावेच लागेल तर सिरीअसली मला पुन्हा विचार करावा लागेल. आणि म्हणून तुलाही सांगतोय तुझ्यासाठीही हा एवढा महत्वाचा इश्यू असेल तर तु सुद्धा पुन्हा विचार कर. लग्नानंतर पुढेमागे माझे विचार बदलतील वा तू माझे मन वळवशील या आशेवर राहू नकोस.

मला माझ्या मुलांना या देशात नाही वाढवायचेय. बाहेर त्यांना चांगल्या फॅसिलिटी मिळतील.

हे तू आता उगाच वादाला वाद घालतेस. आपण ईथेच राहून वाढलो ना. काय वाईट झाले आपले. आणि मुलांचीच काळजी असेल तर त्यांना चॉईस दे ना. लेट देम डिसाईड कुठे राहायचेय. उलट जन्माला यायच्या आधीच तू मुलांपासून त्यांचा देश तोडायला बघतेस.

असा काही देश तुटत नाही. आपण सुट्ट्यांमध्ये इथे येत जात राहणारच.

हो, फक्त पाहुण्यासारखे. मुलांना आपला देश तोच वाटणार जिथे ते राहणार.
अर्थात यात काही चुकीचे नाहीये, पण होणार हे असेच.

असे गरजेचे नाही. आपण त्यांच्यावर तसे संस्कार करायचे.

कसले संस्कार? आपला खरा देश भारत आहे आणि भारतावर पहिले प्रेम करा हे बिंबवणार त्यांच्या मनावर? मग त्यांनी तुला विचारले की तुम्ही तो देश सोडून का इथे आलात तर काय ऊत्तर देणार? माझे अ‍ॅम्बिशन होते यूएस युकेमध्ये राहणे.

थोडक्यात तुला माझे ऐकायचे नाहीयेच..

ऐकतोय की, पण पटत नाहीये. आपले विचार या बाबतीत टोटली डिफरन्ट आहेत. सिरीअसली... पुन्हा विचार कर.

......"

- ऋन्मेष