विषण्ण करणारा अनुभव - लोणावळा

एस आर डी,
ही वरची पोस्ट म्हणजे काय आहे?
काही कळले नाही.

ती पोस्ट तुम्हाला उद्देशुन नव्हती हे लिहुनही तुम्ही तुमच्यावर ओढवुन घेत असाल तर तुमच्या बाबतीतही हे माझे शेवटचे पोस्ट.

वरची पोस्ट: वेळेचं गांभिर्य /नाणं पोटात गेल्याचं गांभिर्य .काहींना एकाठिकाणी विनोद वाटेल दुसय्राला व्यवहार.बघा पटतंय का?

"नेमेची येतो मग पावसाळा" ... हा धागा वर काढला कारण फेबु वर एक संबंधित व्हिडीओ पहायला मिळाला:
लोणावळ्याला जाण्यापूर्वी हे पहा आणि ठरवा......

https://www.facebook.com/ahe.na.apratim/videos/974214386011214/

बाsssssपरे
ब्बाब्बौ!!

बापरे!

माझ्याही बाबतीत असाच एक अनुभव आहे.आम्ही दापोलीला गेलो होतो समुद्रावर .माझी मुलगी खुप चं एन्जॉय करत होती पण भरती असल्याने पाणी नि कचरा जरा जास्तच दिसत होता.असच खेळता खेळता तिचा पाय प्लास्टिक च्या पिशवित अडकला नि तोल जाउन ती पडली आणि गुडघ्याला फुटकि बिअरच्या बॉटलने चांगलेच कापले खुपच रक्त गेले.जास्त वाईट याचेही वाटले की माझी मुलगी खाल्लेल्या चॉकलेटचे रेपर पण चुकुनहि रस्त्यात टाकत नाही तिलाच लोकांच्या कचरा कुठेही टाकण्याच्या घनेरड्या वृत्तीचा त्रास सहन करावा लागला

एक विनंती. कृपया या दिवसात लोणावळा टाळाच. खुप भयंकर परीस्थिती उद्भवू शकते. आमची मित्र मंडळी तिथे रेस्क्यू ओपरेशन राबवतात, तेही स्वतःच्या खर्चाने. आपला वेळ काढून कौल आला की धावत सुटतात. एक मुलगा सेल्फीच्या नादात दरीत कोसळला. पण गर्दीमुळे रेस्क्यूवाली मंडळी तिथपर्यंत पोहोचू शकली नाहीत.दुसऱ्या दिवशी त्याचा मृतदेह काढण्यात आला.

हा व्हिडियो वॉट्सअपवर सुध्दा फिरतोय. ती गर्दी आणि चेंगराचेंगरी पाहून लोक कशाला मरायला जातात तेच कळंत नाही.

सुनटुन्याने लिहिले आहे त्याप्रमाणे खरंच या दिवसात लोणावळा टाळणेच इष्ट.

मीपण कालच पाहिला हा विडियो, अगदी काटा आला अंगावर, किती ती गर्दी.

मैत्रीणी मागे लागल्यात कुठेतरी पिकनिकला जाऊया विथ फॅमिली पण सगळीकडेच हा नजारा असेल म्हणुन धीरच होत नाही

लोणावळ्याला मागील रविवारी अतिगर्दीमुळे पोलिसांनी नवीन येणार्‍या पर्यटकांना रोखलं आणी परत पाठवलं.
विकांताला लोणावळा एकदम, 'नो-नो', विकडे ला कदाचित परिस्थिती बरी असेल.

>> सार्‍या गाड्या चालणार्‍या लेनच्या उजव्या व डाव्या बाजुला लाईनमधे लागतात आण मधला मार्ग पूर्णपणे अँब्युलन्स व तत्सम आकस्मिक सेवांसाठी चालणार्‍या गाड्यांसाठी राखीव ठेवतात..

एका वर्षीच्या महाबळेश्वर ट्रीपची आठवण झाली. तिथल्या पालिकेने पर्यटकांकडून कराच्या नावाखाली शेकडो रुपयांच्या पावत्या फाडायला जागोजागी हर एक चौकात माणसे पेरली आहेत. आणि ह्या पैशाच्या बदल्यात पर्यटकांना मिळतो तो प्रचंड ट्रॅफ़िक जाम, पार्किंग सुद्धा करता येणार नाही अशी बाजारपेठ, गर्दीचे शून्य नियोजन असलेले आणि कसल्याही सोयी सुविधा नसलेले पॉइंट्स. पालिका यातील कोणतीही गोष्ट देण्याची जबाबदारी घेत नाही. रस्त्यावर गुंड उभे करून पैसे लाटायची अधिकृत लुटालूट मात्र इमाने इतबारे सुरु असते.

स्वत:ला गाईड म्हणवणाऱ्या भुरट्यानी तर किळस यावी इतका कहर केला आहे. पर्यटकांना रस्ते नीट सापडू नयेत म्हणून रस्त्यांवरील दिशादर्शक खुणा आणि बोर्डवरची अक्षरे खरवडून खोडून टाकली आहेत (जेणेकरून रस्ते दाखविण्यासाठी का असेना, गाईड घेतील अशी अपेक्षा).

बाहेरच्या देशांत पर्यटनाचे पैसे घेतात. पण तशा सुविधाही ते देतात. इथे मात्र पर्यटन म्हणजे पैसे मोजून मानसिक त्रास सहन करणे असा प्रकार आहे.

निल्सन, एक ठिकाण आहे. पवना हट्स. ३१ ची तारीखही रवीवारची आहे. करा प्लॅन.

माझा असाच अनुभव माळशेज घाटा बद्दल आहे, लोक रस्त्यावरच दारू पिऊन नाचत होते, पोलिस आले की तेवढ्या पुरत थांबायचा आणि गेले की परत सुरू..फॅमिली ला घेऊन जाण्याचे ही ठिकाणे आता राहिली नाहीत, त्यापेक्षा एखाद्या वॉटर पार्क मध्ये गेलेले चांगले. आणि खरा पाउस अनुभवायचा असेल तर एखादा ऑफबीट किल्ला जिथे अशी गर्दी नसते. एक वाटते की लोणावळा सारख्या सर्व निसर्गमय ठिकाणी दारूबंदी केली तरी अर्धि गर्दी गायब होईल.

पुण्या मुंबैच्या खुराड्यात राहणारे जेव्हा निसर्गाच्या सानिध्यात जातात तेव्हा कीती ओरबाडू अन कीती नाही असे त्यांना होते.आमच्यासारख्या गावाकडच्या लोकांत ही ओरबाडू वृत्ती नाही.

गर्दी होणे स्वाभाविक असले तरी दारू पिऊन धिंगाणा घालणे हे काही स्वाभाविक नाही..

पुणे मुंबई आणि गावाकडचे लोक ही तुलना करणे चुकीचे आहे. मानसिकता चांगली वाईट असलेले लोक दोन्हीकडे असतात.

गर्दी होणे स्वाभाविक असले तरी दारू पिऊन धिंगाणा घालणे हे काही स्वाभाविक नाही.>>>>>>+१०००

शूट अ‍ॅट साईट, दॅट्स ईट !

आमच्यासारख्या गावाकडच्या लोकांत ही ओरबाडू वृत्ती नाही.>>> आत्यंतिकपणे असहमत.ही वॄत्ती असणारे दोन्ही पक्षी असतात.

नाही देवकीजी ,काही अपवाद असतील गावाकडेहि पण सरसकट ओरबाडू वृत्ती नाही.

काहीही हाँ ! शहरी लोकांचे सरसकटीकरण का ? उदा. मी आणि माझ्या शे दोनशे नातेवाईकांमधे असे कोणीही नाहीये.

उलट मी जे फालतू प्रकार करणारे पाहिले ते गावाकडचे होते.

>> शहरी लोकांचे सरसकटीकरण का ?
>> मी जे फालतू प्रकार करणारे पाहिले ते गावाकडचे होते.
बरं.

सिंथेटिक जि, गावातली लोकसुद्धा लबाड असतात हो. आज कुठल्याही किल्ल्यावर जा, तिथे आसपासच्या गावातील मंडळी दारू पिऊन धिंगाणा करतात. शिवजयंतीच्या आदल्या दिवशी राजमाची किल्ल्यावर मुक्काम करून स्वतःच्या डोळ्यांनी पहा. रात्री धिंगाणा करून सकाळी शिवज्योत घेऊन जातात. गेल्या आठवड्यातच माबोकरांचा सह्यमेळावा रसाळगवर होता. स्थानिक गावकरी दारू पार्टी करीत होते गडावर आणि त्यांना सोबत होती मनसे चा "खेड" शहराध्यक्ष वैभव खेडेकर याची. दारू पिऊन झाल्यावर देवीचा पुजारी गाभाऱ्यात जाऊन झोपलेला.