पॅचवर्क आणि एम्ब्रॉयडरी - काही नमुने

Submitted by मामी on 24 July, 2014 - 00:55

माझ्या आईने केलेले हे पॅचवर्कचे काही नमुने. खूप जुने आहेत. जवळजवळ ४० वर्षांपूर्वीचे. त्यामुळे काही ठिकाणी कापड थोडं विटलं आणि विरलं आहे.

ही शकुंतला. खरंतर आईला अजून तीन नायिका करायच्या होत्या. मत्स्यगंधा, दमयंती आणि अजून एक कोणीतरी होती. त्यांची चित्रं आईनं तिच्या एका आर्टिस्ट मैत्रिणीकडून काढून देखिल आणली होती. पण ते प्रोजेक्ट काही पूर्ण होऊ शकले नाही.

शकुंतलेच्या गजर्‍याकरता, गळ्यातल्या आणि हातातल्या फुलांच्या माळेकरता खूप छान आणि नाजूक टाके घातले आहेत. तिचे केसही अगदी बारीक टाक्यांनी भरले आहेत.

दिवाणखान्यातल्या सोफ्याच्या पाठीवर घालण्याकरता बनवलेली ही चित्रे.

ही एक लहान मुलांच्या बेडवरची चादर :

चादरीवरची चित्रे जवळून :

पॅचवर्कमध्ये त्यातील कॅरॅक्टरच्या कपड्यांसाठी आकर्षक डिझाईन असलेली कापडं लागत. त्यावेळीच्या कपड्यांच्या दुकानात ताग्यातून उरलेली शेवटची थोडी थोडी कापडं एका बॉक्समध्ये घालून स्वस्त्यात विकायला ठेवलेली असत. आई नेहमी अशी कापडं निवडून निवडून आणत असे. अ‍ॅक्च्युअली, अजूनही बॅगभर कापडं घरी आहेत. ती काढून टाकायला काही आई तयार नाहीये.

यापैकी शकुंतला मी फ्रेम करून घेणार आहे. बाकीच्यांचं काय करावं ते कळत नाहीये.

विषय: 
हस्तकला
कला
शब्दखुणा: 
भरतकाम
एम्ब्रॉयडरी
पॅचवर्क
Groups audience: 
गुलमोहर - इतर कला
Group content visibility: 
Public - accessible to all site users
शेअर करा

खूपच सुंदर आणि सुबक आहे पॅचवर्क. शकुंतला फ्रेम करुन घे आणि बाकीच्या नमुन्याच्या बाजूने ४-५ इंच कापड ठेवून चौकोन काप. हे चौकोन चारही कोपर्‍यांना फेव्हिकॉल लावून जर्नल सारखे एका मोठ्या वहीत चिकटवून ठेव. प्रत्येक पानासोबत एक ट्रेसपेपर सारखा पेपर असलेली वही घे. माझ्या आत्याकडेही असे बरेच नमूने आहेत आणि तिने ते असेच प्रिझर्व केले आहेत. तिने पॅचवर्क केलेला एक पडदा माझ्याकडे आहे. लक्षात राहिलं तर फोटो काढून इथे टाकेन. "द्रौपदीची थाळी" अशी थीम आहे त्या पॅचवर्कची.

आणि हो! जमल्यास आईला विचारुन प्रत्येक चित्राखाली वहीवर पॅचवर्कसोबत भरतकामाचे उलट टिपेशिवाय अजून कुठले टाके वापरले असतील तर तेही लिहून ठेव. बटन होल, फिशबोन टाके दिसत आहेत त्या चित्रांमध्ये. माझ्या आत्याने अस्संच केलंय Wink

Submitted by अश्विनी के on 24 July, 2014 - 01:11

मामी, आई खरोखर ग्रेट आहे. बाकीचे कॅरेक्टर्स हॉरिझोन्टली प्लेस करून त्याची फ्रेम पण छान वाटेल.
अगदीच रहावले नाही म्हणून हे बघ.

mami_0.jpg

Submitted by सामी on 24 July, 2014 - 01:16

वॉव !!
बेटी तो है ही, मा भी कमाल !!

खूप छान !! शकुंतला तर लयी भारी.

कितीही मेहनत लागली तरी हरकत नाही पण हे सगळं जपुन ठेव, पाहिजे तर त्यासाठी नवीन धागा काढुन सल्ले घे जाणकारांचे.

Submitted by आशिका on 24 July, 2014 - 01:23

मामी अग कित्ती क्युट कलाकृती केल्या आहेत तुझ्या आईने. त्यांना नमस्कार पोहोचव.

खर तर काय बोलावे तुझ्या आईचे कलेबद्दल हेच सुचत नाही. पण हॅट्स ऑफ.

माझी आई पण पूर्वी खुप कलाकृती करायची. क्रोशाची दोर्‍याची तोरणे, रुमाल, वायरचे फ्लॉवर पॉट्स, लोकरीची तोरणे, शिवणकाम अजून बरेच काही पण त्यावेळी ह्या कला कॅमेराबद्ध केल्या नसल्याने आता त्याचे नमुनेही नाही राहिलेत. आई आता ७० रिच्या घरात आहे त्यामुळे आता ती ह्या कलाकृती काही करू शकणार नाही त्यामुळे मला हळहळ वाटते.

Submitted by जागू-प्राजक्ता-... on 24 July, 2014 - 02:43

माझी आई पण पूर्वी खुप कलाकृती करायची. क्रोशाची दोर्‍याची तोरणे, रुमाल, वायरचे फ्लॉवर पॉट्स, लोकरीची तोरणे, शिवणकाम अजून बरेच काही पण त्यावेळी ह्या कला कॅमेराबद्ध केल्या नसल्याने आता त्याचे नमुनेही नाही राहिलेत. आई आता ७० रिच्या घरात आहे त्यामुळे आता ती ह्या कलाकृती काही करू शकणार नाही त्यामुळे मला हळहळ वाटते.

>>> डिट्टो आजी साठी...आधि काही शिकले नाही आणि रेकॉर्ड पण केल ना ही ह्याच वाइट वाटत//

Submitted by वैशाली. on 24 July, 2014 - 03:13

मस्तं ग मामे!
आज्जींचं माबोकरांतर्फे कौतुक कर.
आणि अश्विनी म्हणते तसा एक मस्तं अल्बम करून घे.

Submitted by साती on 24 July, 2014 - 03:42

Pages