निकालांचे अंदाज - लोकसभा निवडणूक २०१४

रत्नागिरी - कॉंग्रेस - श्री निलेश राणे >> हा अंदाज नक्कीच चुकेल असे वाटते. आणि चुकावाच अशी ईच्छा आहे.

डेलिया, +१

किंकरा, खडके ऐवजी खडसे हवं.

किंकर, ५ वर्षांत नीलेश राणेंनी जे 'कार्य' केले आहे त्याचे फळ त्यांना यंदा नक्कीच मिळेल. मागच्या वेळेस सुरेश प्रभूंना बळजबरीने घोड्यावर बसवले होते. आणि तेव्हाही "१ लाखाचे मताधिक्य घेऊन येणार" अशा वल्गना करणार्‍या राणेंना ४८,००० मताधिक्य होते, तेदेखिल रत्नागिरीने हात दिला म्हणुन.

सांगलीतली काँग्रेसची म्हणे एक लाख नावं पुण्यात आलेली आहेत.. म्हणजे सांगलीतून कमी झाली.. की तिकडे पण आणि इकडे पण आहेत.. जर फक्त पुण्यातच असतील तर सांगली कॉग्रेसला जड जाईल..

पुण्यात काल जो काही राडा झाला आहे तो बघता कदम यायची शक्यताच अधिक आहे.. पण एकूणात टक्केवारीत वाढ झाल्यामुळे बीजेपीला फायदा होऊ शकेल..

कानावर आलेल्या बातमी नुसार.. बरीचशी सुशिक्षित नावंच यादीतून गायब आहेत.. ज्यातले बरेच जण यंदा कमळाला वोट देण्याची शक्यता होती.. तेव्हा पुण्यासाठी सध्या तरी अळीमिळी गूपचिळी..

सॉरी अवान्तर प्रश्न ( खरे तर पेपर वाचायचीच ईच्छा नाहीये म्हणून ) इथे विचारतेय. सुळे बाई कशाला रडत होत्या?:अओ: त्यान्च्या पप्पा आणी दादानी लाखोना रडवले आहे, आपण पण मागे पडायला नको म्हणून का?

मनसेला एखादी जाग मिळणे सुध्दा अवघड आहे. नाशिकला महानगरपलिकेत सत्ता असुनही मनसेचा खासदार येणे अवघड दिसते. हीच परिस्थिती मुंबईची आहे.

NDTV महायुतीला ३७ जागा मिळतील म्हणून दाखवत आहे. आणि मनसेला १ जागा.

लोकांच्या प्रतिक्रिया घेऊन केलेले अंदाज जास्त बरोबर वाटतात.

महायुतीच्या नेत्यांच्या तोंडात भारी दम आहे तर काँग्रेस आघाडीला निवडणुका कशा जिंकायच्या हे पाठ आहे.

१०० % खात्री देता येतील अशा ४-५ च जागा आहेत असे दिसते.

बारामती - राष्ट्रवादी - सौ सुप्रिया सुळे
नाशिक - राष्ट्रवादी - श्री भुजबळ छगन
बीड - भारतीय जनता पक्ष - श्री. गोपीनाथ मुंडे
सातारा - राष्ट्रवादी - श्री उदयनराजे भोसले
सोलापूर - कॉंग्रेस - श्री सुशीलकुमार शिंदे

नागपूर - भारतीय जनता पक्ष - श्री नितीन गडकरी (हे निवडून यावेत अशी इच्छा. पण ब्राम्हण उमेदवार आणि मोठ्या संख्येने असलेले दलित मतदार, ह्या दोन्ही कमकुवत बाजू.)

अमरावती -शिवसेना - श्री. आनंदराव आडसूळ (नवनीत कौर यांचे सेलीब्रिटी स्टेटस अडचणीत आणू शकते.)
चंद्रपूर - भारतीय जनता पक्ष - श्री अहिर हंसराज (आपच्या वामनराव चटपांमुळे काँग्रेस आघाडी विजयी होऊ शकते)
अकोला - भारतीय जनता पक्ष - श्री.संजय धोत्रे
बुलढाणा - शिवसेना - श्री प्रताप जाधव (ह्या दोन्ही जागा महायुती जिंकण्याची शक्यता)
वाशीम - कॉंग्रेस - श्री . मोघे शिवाजीराव (भावना गवळींचा दांडगा जनसंपर्क आणि अमित देशमुखांचा माणिकराव ठाकरेंच्या उमेदवाराला विरोध. शिवसेनेच्या विजयाची जास्त शक्यता)
हिंगोली - शिवसेना - श्री सुभाष वानखेडे (सुर्यकांता पाटील यांचा राष्ट्रवादीच्या उमेदवाराला विरोध. शिवसेनेच्या विजयाची जास्त शक्यता)

औरंगाबाद - शिवसेना - श्री. चंद्रकांत खैरे (शांतिगिरी महाराजांच्या भूमिकेवर विजय अवलंबून.)
जालना - भारतीय जनता पक्ष - श्री दानवे रावसाहेब (विजयाची शक्यता)
उस्मानाबाद - शिवसेना - श्री रवि गायकवाड (पद्मसिंह पाटलांना पाडणे फार अवघड. अजित पवारांचे चिरंजीव प्रचारात उतरले आहेत म्हणे.)
लातूर - भारतीय जनता पक्ष - श्री सुनील गायकवाड (अमित देशमुखांच्या पाठींबा असल्याने दत्ता बनसोडे विजयी होण्याची जास्त शक्यता)
पुणे - कॉंग्रेस - श्री विश्वजित कदम (गिरीश बापट यांच्यामुळे ब्राम्हणांची मते कुणाला जातात हे महत्वाचे. त्यांची नाराजी भाजपला त्रासदायक. तसेच सुरेश कलमाडीमुळे विश्वजित कदम यांच्यासाठी अवघड.)
मावळ - शिवसेना - श्री श्रीरंग बारणे (लक्ष्मण जगताप निवडून येण्याची जास्त शक्यता.)
शिरूर - शिवसेना -श्री शिवाजी आढळराव (अशोक खांडेभराड यांच्यामुळे देवदत्त निकम जिंकण्याची शक्यता)
माढा - राष्ट्रवादी - श्री विजय सिह मोहिते पाटील (अजित पवारांची सदाभाऊ खोत यांना छुपी मदत मोहिते पाटीलांना अडचणीत आणू शकते.)

मुंबई उत्तर मध्य - कॉंग्रेस - प्रिया दत्त (२४% मुस्लिम मते. आणि सपाच्या फरहान आझमीची उमेदवारी. मोदी लाट आणि मनसेची मदत - पुनम महाजन निवडून येण्याची जास्त शक्यता)

सध्या whatsapp वर १ मेसेज फिरत आहे.

लक्ष्मण जगताप - ३७३०८४
श्रीरंग बारणे - ३४०५९४
राहुल नार्वेकर - ३०५३६०

लक्ष्मणभाउ जगताप - ३२४९० मतांनी विजयी.

खखोदेजा.

@पिल्या - निवडणूक आयोगाकडे तक्रार करा.

@पिल्या- खखोदेजा काय अहो खोटेच आहे हे.असे मेसेजेस सध्या कोल्हापूर, सोलापूर, मावळ आदी ठिकाणी त्या त्या उमेदवारांचे समर्थक पसरवत आहेत..कोल्हापुरात प्रा मांडलिक ४० हजार मतांनी विजयी तर दुसरीकडे महाडिक ९० हजार मतांनी विजयी असे मेसेजेस दोन्ही बाजूने येत आहेत.मावळमध्ये बारणे विजयी होतील असा अंदाज आहे.सट्टेबाजारात त्यांचेच नाव आघाडीवर असल्याचे म्हणतात.बाकी खरे काय ते १६ मेला समजेलच की.

मुंबई ईशान्य - भारतीय जनता पक्ष - श्री किरीट सोमय्या.
सोमय्यांचे पारडे अजूनही जड आहे मात्र आधी सोमय्या विरुद्ध संजय दिन पाटील अशी लढत अपेक्षित होती तिथे आता किरीट सोमय्या विरुद्ध मेधा पाटकर अशी मुख्य लढत होईल असे सध्या चित्र आहे.संजय दिन पाटील मागे पडलेत असे परवा एका ठिकाणी वाचले आहे. हे जर समजा खरे असेल तर आपने आणि मेधाताईनी आणखी जोर लावला तर आप महाराष्ट्रात खाते उघडेल की काय असे चित्र आहे. महाराष्ट्रात आपकडून मेधा पाटकर (मुंबई) आणि चंद्रपूर मध्ये वामनराव चटप या दोघांकडून अपेक्षा आहेत.वामनराव चटप यांनी चंद्रपूरमध्ये २००९ ला स्वबळावर लढून मोठी मते (१ लाख सत्तर हजार) घेतली होती.

कोल्हापूर - राष्ट्रवादी - महाडिक धनंजय>>>> बाकि सगळीकडचे माहित नाही. पण कोल्हापुर, सांगली आणि हातकणंगले याचे अ‍ॅनालिसिस कसे केले ते जरा प्लिज लिहाच.... किंकर आणि बाकि कुणी जाणकार असतील त्यांनी.

जाता जाता, आमच्या विधानसभा संघात ८०-८२ % मतदान झाले आहे आणि कोल्हापुर लोकसभा ७४ %.

सातारा (शुअर सिट) ५७ % झाले आहे.

सांगलीवरती वसंतदादा घराण्याचा एकछत्री वगैरे अंमल अजिबात नाही. भरपूर भाउबंदकी आहे.

मतदानानंतर एकेक सुरस कथा ऐकायला मिळताहेत.

सिंधुदुर्गात हाथ दाखऊन अवलक्षण करणाऱ्या पक्षाच्या उमेदवाराने प्रती मतदार १०० रुपये वाटले.
काय हे, एका मताची किंमत फक्त १००??? मला कीव येतेय माझ्या गाववाल्यांची.

अरे इकडे कल्याणमध्ये या, याच्या पेक्षा कितीतरी पटीत नवनिर्माण चाललय.

@किंकर- आपचा पाया भक्कम नाही हे एकदम मान्य मात्र काही मतदारसंघात त्यांना आशा नक्कीच आहेत.महाराष्ट्रात त्यांना मेधा पाटकर आणि वामनराव चटप कडून पेक्षा आहेत त्यामध्ये या दोन्ही उमेदवारांचे स्वताचे कार्य/वलय बर्यापैकी आहे.मतदार कधी कधी सगळ्यांनाच धक्का देवून आश्चर्यकारक निकाल नोंदवतात. तरीही वरील दोघे लढत आहेत त्या मतदारसंघात भाजपचेच (ईशान्य मुंबई- सोमय्या, चंद्रपूर- हंसराज अहिर) पारडे जड आहे.
बाकी कोल्हापूरमध्ये काट्याची लढत आहे.२००९ ला मंडलिकानी एनसीपीला अपक्ष राहून धोबीपछाड दिला होता. महाडिकांची बाजू तुम्ही वर सांगितली मात्र तिथे शिवसेनेची हक्काची दोनेक लाख मते आहेत त्यात मंडलिकांची स्वताची ताकद, मोदी करिश्मा वगैरे मुद्दे लक्षात घेतले तर शिवसेना तिथे राष्ट्रवादीला धक्का देवू शकते.

सांगलीवरती वसंतदादा घराण्याचा एकछत्री वगैरे अंमल अजिबात नाही. भरपूर भाउबंदकी आहे >> लोकसभेसाठी गेल्या काही निवडणुकात कायमच दादा घराण्याचा उमेदवार निवडून आलाय (अण्णासाहेब गोटखिंडेंच्या नंतर). दादांच्या नंतर प्रकाशबापू आणि विष्णूअण्णा/मदन यांच्यात बरेच इश्शूज होते पण आता प्रतीक आणी मदन बर्‍यापैकी आपापला एरीया सांभाळून आहेत (मदन - महापालिका आणि आमदारकी, प्रतीक/विशाल - कारखाना आणि खासदारकी)

बाकी कोल्हापूरमध्ये काट्याची लढत आहे >> सतेज पाटलानी जर मनापासून काम केलं असेल तर मंडलिकांना जड जाइल.

जयंत पाटलांविषयी प्रश्न विचारला होता, पण मग लक्षात आलं की ते आमदार आहेत

ते आणि राजू शेट्टी विरोधी गट आहेत का?

किंकर, सॉरी टु से दॅट पण कोल्हापुर सांगली आणि हातकणंगले, तुम्ही फारच सुपर्फिशिअल मत नोंदवले आहे. प्रचंड प्रमाणत मतदान झाल्यामुळे काही सांगता येणे केवळ अशक्य आहे. १२ लाख मतांमध्ये ५००० - १०००० ने निवडुन येइल अशा शक्यतेत एवढ्या कॉन्फिडेंटली कसे काय लिहले याचेच आश्चर्य वाटले म्हणून डीटेल लिहा म्हटले.

जाता जाता, राष्ट्रवादीचे हक्काचे मतदार जास्त स्ट्रेस केल्यामुळे आणी आता मतमोजणीवेळी केंद्रनिहाय मोजणी होणार नसल्यामुळे शिवसेनेला मतदान करुन मोकळे झाले आहेत आणि आदल्या दिवशी रात्रीपर्यंत धनुष्यबाण खांद्यावर घेउन नाचणारे सकाळे ७ वाजता एकगठ्हा घड्याळाला किल्ली देउन आले आहेत.

राजु शेट्टींच्या बाबतीतः काँग्रेसची मते एकगठ्ठा आहेत, राजु शेट्टींची विखुरलेली. काँग्रेसच्या संस्थात काम करणारी जनता त्यांनाच मत देणार पण त्यांची पुढची पिढी कमळ बघुन शेट्टींना मत देणार.

सांगलीची बाकि झाकली मुठ सव्वा लाखाची आहे . ती २५ लच् उघडेल

आज सकाळपासून २-३ प्रत्यक्षदर्शींकडून कळाल्याप्रमाणे औरंगाबादेत शिवसेनेकडून बोगस मतदानाची पुर्ण तयारी झाली आहे. बहूतांशी बुथवर नेमलेल्यापेक्षा जास्त कार्यकर्ते आहेत. बर्‍याच ठिकाणी २०० मीटरच्या आतच काँग्रेस आणि सेना दोन्ही पक्षांची टेबल लागलेली आहेत. याबाबींवर आक्षेप नोंदवल्यास सुरवातीला त्याची दखल सुद्धा घेतल्या गेली नव्हती. जरा आरडा-ओरडा करून नियम दाखवल्यावर कार्यकर्त्यांची संख्या कमी करणे आणि टेबलची जागा बदलणे केल्या गेलं.

दोन ठिकाणी सेनेचे कार्यकर्ते निवडणूक ड्युटीवरील कर्मचार्‍यांशी कानगोष्टी (अगदी कानात निरोप देणे) करताना पण दिसले.

शिवसेनेकडून बोगस मतदानाची पुर्ण तयारी झाली आहे>>> बोगस मतदान करणे आता येवढे सोपे राहिलेले नाही. थँक्स टु शेषनसाब.... त्यावेळी चालु केलेली चळवळ आताशी बाळसे धेउ लागलीय.

निवांत, ज्यावेळी एखाद्या पक्षाचे कार्यकर्ते निवडणूक अधिकार्‍याच्या कानात मतदानकेंद्राच्या आत जावून काहीतरी सांगतात आणि अधिकारी काळजी करू नका आपण दुपारनंतर बघून घेवू असं म्हणतो त्यावेळी आपल्यासारख्यांनी काय समजायचं?

(हे वर लिहिलेलं कल्पित नाहीये, आई मतदानाला गेली असताना तिने बघितलेला आणि ऐकलेला संवाद आहे हा. ती त्या भागातल्या स॑गळ्याच पक्षांच्या लोकल कार्यकर्त्यांना ओळखत असल्याने तिला कळालं. तिने कार्यकर्ता आत कसा काय येवू शकतो याबद्दल आक्षेपही नोंदवला. त्यानंतर अर्थात्च जे २-४ कार्यकर्ते बुथच्या आत होते ते बाहेर गेले.)

किंकर खास तुमच्यासाठी...
http://epaper.pudhari.com/details.aspx?ID=450083&boxid=212144779&pgno=10...