नंदा.....एक छोटी बहीण

छान आहे लेख .. मलाही नंदा म्हंटलं की "ये समाँ" आणि प्रभू तेरो नाम" ही गाणीच आठवतात ..

सुरेख लेख अशोकराव. समयोचित.

मला अतिशय आवडणारे गाणे "ये समा समा है ये प्यार का" त्यानंतर मला "प्यार हुआ है जबसे" हे देखिल खुप आवडतं. त्यात लताच्या आवाजातील प्रत्येक खेळकर अदा नंदाने छान पेलली आहे. "गुलाबी आंखे" हे तर सुरेखच गाणे पण त्याच "द ट्रेन" मधील "किसलिये मैने प्यार किया" यात तिने मस्त अभिनय केला आहे. प्रियकराची आतुरतेने वाट पाहणारी प्रेयसी म्हणुन नंदा छान दिसली आहे.

http://www.youtube.com/watch?v=m9Dd1E2YKqA

बाकी तिच्या अभिनयगुणांचं चीज झालं नाही असं मात्र वाटतं.

आदरांजली.

छान लेख अशोक.. माझी आई तिचा उल्लेख नेहमी बेबी नंदा असाच करते. मी लहानपणी म्हणायचो, आणखी कुणी दुसरी नंदा आहे का ?

मराठीत "शेवग्याच्या शेंगा" मधे पण ती बहिणीच्या भुमिकेतच होती. लावणी झाली ग रागिणी हा मात्र पुर्ण झाला नाही कधी. त्या चित्रपटात लता आशाच्या गाण्याबरोबरच, मन्ना डे आणि सुलक्षणा पंडित यांनी गायलेले, " बिताई रतिया किनु संग" हे बिलासखानी तोडी मधले सुंदर गाणे आहे. तूफान और दिया मधे देखील, वसंत देसाईंनी
म्हाणे चाकर राखो, पिया ते कहा, मुरलीया बाजेगी जमुना के तीर.. अशी ३ सुंदर मीरा भजने लताकडून गाऊन घेतली
होती.

इत्तेफाक मधे तिच्या तोपर्यंत रुढ झालेल्या प्रतिमेचा मस्त उपयोग करून घेतला होता.

परदेसीयोंसे ना अखिया मिलाना, हे गाणे आधी मुबारक बेगमच्या आवाजात रेकॉर्ड झाले होते. लताने धमक्या वगैरे देऊन ते स्वतःच्या आवाजात रेकॉर्ड करून घेतले असे नैरोबीच्या एफ एम रेडीओ वर सांगितले होते.

नंदा, वहिदा, हेलन आणि साधनाचा अगदी अलिकडचा फोटो मधे फेसबूकवर झळकत होता.

<<<<
Saee | 25 March, 2014 - 05:04
ठहरिये होश में आ लूं तो चले जाईयेगा.. हे तिचं आणि शशी कपूरचं गाणं अप्रतिम आहे..>>>>

धन्यवाद या गाण्याची आठवण करुन दिल्याबद्दल

मामाश्री लेख चांगला आहे . मला फक्त गाणी माहिती आहेत त्यातही बरीचशी गाणी ऐकूनच माहिती आहेत . इथली नावे वाचून सिनेमे शोधते आता .

त्या मराठी(आहेत) होत्या हे मला वाचून समजले .

दिनेश., तो फोटो विकीवर आहे.
आ.न.,
-गा.पै.

मस्त लेख !!

अशोकजी नेहेमीप्रमाणे माहितीपुर्ण लेख !
नंदा यांनी मराठी चित्रपटात कधी काम केले नाही का ?

मस्त लेख! नंदाची एवढी माहिती मला नव्हती... ही ओळख करून दिल्याबदद्ल धन्यवाद.

हे मराठी चित्रपट मला माहीत नव्हते. ( राजन जावळे माझ्या आत्याचा, अलका आचरेकरचा नवरा.)

हम दोनो मधले, प्रभु तेरो नाम पण नंदावरच चित्रीत झालेय. अल्ला तेरो नाम पेक्षा त्याची चाल कठीण आहे. म्हणून गुणगुणता येत नाही.

अशोक, तुमच्याकडे एवढा जबरदस्त माहितीचा साठा कसा काय ?
"सांगत्ये ऐका" वर आधारित "भुमिका" चित्रपट, हे माहित नव्हते.

माझी एक आठवण म्हणजे, "सांगत्ये ऐका" मधे काम केलेले एक कलाकार "राम यादव"
आमच्या घराजवळ रहायचे, आजोबांबरोबर त्यांच्या घरी गेलो होतो एक दोनदा.

हंसाबाईंनीच माझ्या आत्येबहिणींचा संभाळ केला. त्या हंसाबाईनाच आपली आई मानतात. ( आत्या आणि राजन नंतर विभक्त झाले होते व आत्याने पंडीतराव नगरकरांबरोबर विवाह केला होता.)

नंदाला आपण शाळेत घेऊन जात असू, अशी आठवण राजा गोसावी यांनी सांगितली होती.

दिनेश,
पंडितराव नगरकर म्हणजे "होनाजी बाळा" मधे ज्यांनी अभिनय केला आहे तेच ना ?

हो तेच.. आमच्याघरी नियमित येत असत. अत्यंत साधा माणूस.
त्यांनी मराठीत काही भावगीतेही गायली आहेत. ( मी गातो नाचतो आनंदे )
त्यांना संगीत कोहीनूर अशी पदवी होती.

प्रभू तेरो नाम हे कोणते गाणे?

अल्ला तेरो नाम ईश्वर तेरो नाम
सबको सन्मती दे भगवान

असे गाणे आहे.

( No Substitute Please. )

>>( No Substitute Please. )

२ गाणी आहेत. मला एकच माहीत होते. इंटरवलनंतर लगेच अल्ला तेरो नाम गाणे आहे. दोन तीन वर्षापूर्वी हम दोनो रंगीत होऊन पुन्हा थेटरात लागला होता. तेंव्हा पाहिल्याचे आठवते.

थोडक्यात छान आढावा घेणारा लेख.

---------------------------------------------------------------------------------------------------
अशोकजी,
वरील एका पोस्टमधे 'हम दोनो' मधील संपूर्ण गाणे उद्धृत केले गेले आहे.
प्रताधिकाराच्या दृष्टिकोनातून हे कितपत योग्य याचा कृपया विचार व्हावा ही नम्र विनंती.

मायबोली-प्रशासन प्रताधिकाराबाबत सतर्क असते त्यामुळे मायबोली- अ‍ॅडमिन यांचा याबाबत सल्ला घेणे योग्य ठरेल असे वाटते.

चांगला लेख आहे.
नेट वर त्यांनी त्यांच्या बालवयातील भूमिका केलेल्या चित्रपटाविषयी पाहत असताना खालील लिंक सापडली ,

http://www.youtube.com/watch?v=16POR9SZ9WY

ह्यात ४.२४ मिनिटानंतर जी बालकलाकार आहे त्या बेबी नंदाच आहेत का?

अशोकजी,
धन्यवाद.

सई परांजपेंनी 'अंगूठाछाप ' नावाची एक छोटी फीचर फिल्म काढली होती प्रौढ साक्षरतेच्या प्रचारासाठी .त्यात एक आजोबा मनी ऑर्डर स्वीकारताना पोस्टमनच्या रिसीटवर सहीचा निशाणी अंगठा देतात . ते पाहून शालेला जाणारी मुले कुत्सितपणे हसतात आणि आजोबाना 'अंगूठाछाप ' म्हणून हिणवतात. त्यावर आजोबा सही शिकण्याचा निश्चय करतात पण लोक हसतील म्हनून नातवाला घेऊन रोज दूर रानात जाऊन लिहावाचायला शिकतात . महिन्यानन्तर पोस्तमन आल्यावर चक्क सही ठोकून मनी ऑर्डर घेतात ! नर्मविनोदी (सईस्टाईल) आणि खूप प्रभावी फिल्म होती. त्यातील वृद्ध आजोबा म्हणजे राजन जावळे होते . बहुधा ऐशीच्या दशकात ही फिल्म आली होती. बाकी सांगत्ये ऐका मध्ये जावळेबद्दल माहिती आहेच.....

सुंदर रीतीने आठवणी जागवून खरी श्रद्धांजली वाहणारा लेख .प्रतिसादही तसेच.
आपको दिलमें बसा लूँ या गाण्याची गोडी अवीट.
सई, तुला अर्धवट आठवतोय तो सिनेमा नंदा- सुनील दत्त यांचा 'आज और कल' , हा पु.ल.देशपांडे यांच्या 'सुंदर मी होणार ' या नाटकावर आधारित होता हे अशोकनी सांगितलेच ,हे नाटक एलिझाबेथ आणि रॉबर्ट ब्राऊनिंग या कवी-दाम्पत्याच्या खऱ्याखुऱ्या प्रेमजीवनावर आधारित होते अशी आणखी एक टिप्पणी ..