७. ३० ची कात्रज- हडपसर ( द्वीशतशब्द कथा )

Submitted by कवठीचाफा on 18 December, 2013 - 11:06

आजही कात्रज-हडपसर बस गर्दीनं गच्च भरलेली होती, हिवाळ्यातले दिवस, अंधार लवकर, त्यामुळे तर गर्दी आणखी जास्त. खरं तर अशी गर्दी करण्याची `त्यांना' आता काहीएक गरज नव्हती पण, सवय.. ती अशी सहजासहजी मोडणारी थोडीच ?
" पुढे सरका, आत येणार्‍यांना जागा द्या ", " जरा सरकून घ्या की, बाकीचेही तिकीट घेऊनच प्रवास करतायत " आवाजांची सरमिसळ प्रत्येक थांब्यावर आणखी वाढत जात होती.
मध्येच कुणाचंतरी भांडण उसळलं, पार धक्काबुक्कीपर्यंत, या सगळ्या भानगडीत बसला एक झटका बसला. तसे सगळेच शांत झाले. बस भैरोबा नाल्याला थांबली होती. आधीच भैरोबाचं नांव, त्यात ते घडलं ....
अचानक कुणीतरी आजूबाजूला वावरत असल्याची प्रत्येकालाच जाणिव झाली, मघाची भांडणं आणि आरडाओरडा कमी कमी होत बसमध्ये शांतता पसरली.
अस्तित्वाची जाणिव होती पण दिसत काहीच नव्हतं, कुठल्यातरी सीटवरून एक दबकी किंचाळीही ऐकू आली, पण तिथे नेमकं काय झालं हे पहायला जायची कुणाच्यातच हिंमत होत नव्हती. जमेल तितकं बाजूला राहून ते सगळं समजून घेण्याचा प्रयत्न करत होते..
काही मिनीटं, तास गेले आणि हडपसरला एकदाची बस पुन्हा थांबली, ती सुरू झाल्याक्षणीच एक गोष्ट प्रकर्षानं जाणवली, ` ते जे काही होतं, त्याचं अस्तित्व आता जाणवत नव्हतं '.
इकडे `त्या' बस मधल्या सगळ्यांनी सुटकेचे निश्वास टाकले.

हडपसरला उतरताक्षणीच गिरीशनं व्हॉट्सप वर मेसेज टाकला ` आख्ख्या पि.एम.टी. व्होल्वोत मी एकटाच प्रवासी' आणि कमेंट्सची वाट पहात राहीला

विषय: 
गद्यलेखन
मनोरंजन
Groups audience: 
गुलमोहर - कथा/कादंबरी
Group content visibility: 
Public - accessible to all site users
शेअर करा

पुन्हा एकदा सर्वांना धन्यवाद Happy
पॅरलल युनिव्हर्सची कल्पनाही वापरता येईल...>>>> आहो गानुआज्जोबा, आधी दोन कथांमधे वापरून झालेय ती Happy

Submitted by कवठीचाफा on 19 December, 2013 - 23:09

भारी आहे... चाफा स्पेशल..
प्रतिसादातील, समजली नाही समजले पण टाईमपास..

बाकी नेहमी अश्याच दुनियेत जगतोस का रे Wink

Submitted by तुमचा अभिषेक on 23 December, 2013 - 12:51

कचा, सही ! थोडक्या शब्दात मस्तच.

गिरीची आता परत कधी बसमधे एकटा बसल्यावर घाबरगुंडी होणार. घाबरला नाही तरी एकदा तरी सगळ्या रिकाम्या सीट्स कडे नजर जातेच की नाही बघ. Proud

Submitted by मीरा.. on 24 December, 2013 - 22:32

.मस्त

Submitted by प्रथम म्हात्रे on 8 February, 2015 - 07:44

कमाल....प्रामाणीकपणे सांगते की पहिल्यांदा नाही कळली...दुसर्यांदा वाचली आणि त्यातील थरार कळला.
पण कविन यांना अनुमोदन....

Submitted by Mo on 13 February, 2015 - 02:18

tumhi lihit nahi ka ashat.. mi junya posts ani katha saglya vachlya..pan latest nahit... lihila tar bar hoil...:)

Submitted by किल्ली on 22 July, 2017 - 07:15

३ वेळा वाचल्यावर कळली......जबरदस्त!!!!!!! >>> जी कथा कळण्यासाठी ३ वेळा वाचावी लागते, अशी कथा लिहून लिहिणार्याला काय मिळतं? Uhoh

म्हातार्याला कुणी समजून सांगेल का >>> आजोबा हे what app वगैरे नाही कळायचं हो तुम्हाला.. तुम्ही अंतरदेशीय पत्र सापडतं का ते पहा Proud ">>>> Proud????? प्रतिसाद वाचून वाईट वाटले Sad

Submitted by सचिन काळे on 23 July, 2017 - 00:37

वीर प्रतापसिंग, तुम्ही मायबोलीवर नवीन असाल असे धरून सांगतो - इथे प्रतिसादांकडे लक्ष देऊ नये. काही काही गोष्टी फक्त मित्रा मित्रांच्यात असतात, बाकीच्यांना समजणार नाहीत.

तर तिकडे लक्ष देऊ नका.

Submitted by नन्द्या४३ on 23 July, 2017 - 17:10

तो जुना प्रतिसाद आहे 4 वर्षांपूर्वीचा... तेंव्हा व्हाtsapp नवीन होते, आणि तो आयडी आता नाही आहे माबो वॉर... जुन्या गोष्टी जाऊ द्या आता ...

Submitted by च्रप्स on 23 July, 2017 - 19:36

Pages