अनाकलनीय मराठी - १

असो एक सांगा
तो ईमेल का ती ईमेल?

सरपण अर्पण घरपण>>> तुमच्यासाठी कायपण///

थवा = तवा
ढग = डग

हे प्रा दिपक देशपांडे यानी फेमस केलेले

अपारमेंट, डिपारमेंट

>>वैवकु मला ही काही गोष्टी खटकतात
उदा. मी करिन च्या ऐवजी मी करेल, खाईल, जाईल.>>

हल्ली 'सकाळ' च्या बातम्यांमधे पण हेच वाचायला मिळते.

आणि एखादी गोष्ट मिळाली असं आपण म्हणतो त्याऐवजी काही लोक भेटली म्हणत>>
अनुमोदन.

अहो लोकांना हल्ली नोकरी पण "भेटते"!!

साडी घातली बद्दल नाही का लिहिलं कोणी अजुन?

हल्ली 'सकाळ' च्या बातम्यांमधे पण हेच वाचायला मिळते.<<<

अजुनतरी सकाळमध्ये असे वाचलेले नाही. असे होत असल्यास कमाल म्हणायची.

रिया <<< अगदी अगदी

साडी घातली म्हंटले की 'हवेतच साडीच्या निर्‍या वगैरे घालून' वरून साडी घातल्या'गत' वाटते.

साडी घालणे बद्दल... खरेच गमतीशीर आहे ते
शिवाय चप्पल पायात घालणे शर्ट अंगात घालणे हेही मजेशीर आहे

हल्ली 'सकाळ' च्या बातम्यांमधे पण हेच वाचायला मिळते.<<<काय सांगता !!! मग पुढारी बिढारी तर वाचायलाच नको मग ....तसेही मी हल्ली म.टा. वाचतो लोकसत्ता व सकाळ फक्त रविवारीच तेही पुरवण्यांसाठी .....
"रद्दी"साठी 'टाईम्स' सुरू करावा म्हणतोय

ती ई मेल का तो <<<< तो ....तो ईमेल !!! आमच्याकडे तर बुवा असेच म्हणतात

सरपण अर्पण घरपण>>> तुमच्यासाठी कायपण>>>> एकदम रिक्श्याच्या मागे लिहिल्यासारखं

केसाचं अनेकवचन केसं आणि बटाट्याच बटाटी

बटाटी?
हे कुठंच ऐकलं नाही

मला पण ही सवय आहे...ऑफीसमध्ये एक काकू होत्या...त्यांचे मोबाईल कुठला घ्यावा यावरून बराच काळ दळण चालले होते..शेवटी मी म्हणालो की जास्त विचार करू नका घेऊन टाका कुठला पण...
त्यावर त्या म्हणे....अय्या घ्यायचा आणि टाकायचा पण..मग घ्यायचाच कशाला...

आता बोला...:(

लाईट गेली
टमाटी
चारलं (भरवलं)

हे शब्द पण कानाला खटकतात.

काही घरात पानात पदार्थ 'वाढ' म्हणण्याऐवजी 'घाल' म्हणतात.

एका मित्राच्या बायकोच्या माहेरी "घाल" म्हणायची पद्धत होती. त्यावर हा तिला सारखा म्हणायचा "कुत्र्याला खायला घालतात आणि माणसाला जेवायला वाढतात!"

छान लेख आहे आणि चर्चा ही मस्तच.

माझ्यासाठी "ती इमेल वाचली".

यःकश्चित, लेख आवडला.?

पण तुम्ही मायबोलीवरील इतर ठिकाणचे मराठी वाचत नाही का?

मराठी आता इतकी समृद्ध, संपन्न भाषा झाली आहे की त्यात इंग्रजी, हिंदी असे सगळे शब्द, वाक्प्रयोग येत असतात. उदा. कोपर्‍यात ऐवजी कॉर्नरमधे, जुळ्या मुली ऐवजी ट्विन गर्ल्स, भाषा ऐवजी लॅन्ग्वेज वगैरे.

असो.

येशिल करशिल ही मलातरी धमकी वाटते ....निदान ताकीद वगैरे

नागपूरला हे शब्द प्रयोग नेहेमीच ऐकले. ही धमकी नव्हे, किंवा येशील का असे विचारणेहि नव्हे. पुण्यात आम्ही ये, कर म्हणत असू. नागपुरला येशील, करशील असे म्हणण्याची पद्धत होती.

नागपूरला हे शब्द प्रयोग नेहेमीच ऐकले. ही धमकी नव्हे, किंवा येशील का असे विचारणेहि नव्हे. पुण्यात आम्ही ये, कर म्हणत असू. नागपुरला येशील, करशील असे म्हणण्याची पद्धत होती.>>>

अरूण दातेंच गाणं आठवलं, "येशील येशील येशील राणी, पहाटे पहाटे....":-)

काहीजण "तो तिथे उभा राहिलाय" ला "तो तिथे उभारलाय" असं म्हणताना ऐकलय.

महाराष्ट्रात बरेच ठीकाणी (गाव आणि शहरे दोन्ही) फिरलो, भटकलो.... तेव्हापासुन फारसे शब्द खटकत नाही. प्रत्येक बोलीभाषेची ती नजाकत आहे. तिथल्या मराठी भाषेचं व्याकरण त्या प्रांताच्या शेजारी असलेल्या दुसर्‍या भाषेनुसार चालत असावं. उदा. विदर्भात हिंदी, चंद्रपुर/ गडचिरोली - तेलुगु तर कोल्हापुर - कन्नड, इ. चुभुदेघे.

अर्थात या सगळ्या भाषा कर्ता कर्म क्रियापद अश्याच वापरल्या जातात, त्यामुळे क्रियापदं बदलतात इतकच. पण त्याच धर्तीवर इंग्रजी वापरणे थोडसं विचित्र वाटते, पण होइल सवय हळूहळू....

जरा जास्तच गंभीर झालं की काय ?

मस्त लेख.... पोटापाण्याच्या सोयीसाठी शुभेच्छा... कोरियात येणे (पुढच्या शिक्षणासाठी) असल्यास कळवावे.

अधिक - एक नवराबायको होते (!)

आई समर्पण बाबा अर्पण मुले दर्पण तर्पण ...वा काय घरपण असेल नै घराला >>>>

दर्पण अर्पण सोमण ???

दर्पण अर्पण सोमण.. कायपण...

अजून एक खटकतं ... देऊसपर्यंत, खाऊसपर्यंत. (देईपर्यंत)

वरती कुणीतरी लिहिलय बहुतेक... मला पण खटकतं - करुयात, घेऊयात (करूया, घेऊया). आणि हो..
मी करील... मी खाईल

बटाटी .... मी ऐकलाय. कोकणात, घाटावर.. मुंबईतही.

दर्पण, अर्पण, तर्पण, आता सारे ओपन (ण) करुन टाका

करुयात, घेऊयात मला नाही बाई खटकत. (मी तसच म्हणते ) मला केल्ते,गेल्ते जाम खटकतं
बाकी सगळ्याच पोस्टींना अनुमोदन

ते करुयात, घेऊयात ऐवजी काहीजण करूत, घेऊत म्हणतात त्याने मस्तक डिस्प्लेस होते.

मस्तक डिस्प्लेस

मी तुला म्हणालेलो (मी तुला म्हणालो होतो ऐवजी)

तू काल आलेला (तू काल आला होतास ऐवजी)

ती तिथे दिसलेली (ती तिथे दिसली होती ऐवजी)

===============

हे कोणाला खटकत नाही का?

काहीजण "तो तिथे उभा राहिलाय" ला "तो तिथे उभारलाय" असं म्हणताना ऐकलय.<<<

नशीबवान आहात, 'काहीच जणांना' असे म्हणताना ऐकले आहेत. ती कोल्हापुरी शैली आहे. मला घरी रोज ऐकायला मिळते.

बाथरूममध्ये - ह्या ऐवजी 'बाथरुमात' असेही म्हणतात कोल्हापूरमध्ये!

दाद्या

मला नाही खटकत ते आलेला, गेलेला... मी तसचं म्हणते
आल्ती गेल्ती पेक्षा बरं

उभारलाय हे सोलापूरकडचे शब्द आहेत. माझ्या मामाचा मित्र सोलापूरचा त्यामुळे त्याच्या बोलण्यात कायम असे शब्द असायचे. आणी मराठीचे शॉर्टकट आणी हिंदीकरण करण्याचा मान मुंबईकरांकडे जातो. आलेला, गेलेला हे मुंबईचे लोकच वापरतात. तु गाणे म्हणशील का ऐवजी तू गाणे बोलशील का असे वारंवार ऐकायला मिळते.

मला लाईट आली / गेली असे ऐकले की जाम पिसाळायला होते. तसेच चाय प्यायली.:अओ:

यःकश्चित मस्त लेख आहे हो.

टुनटुन, चाय प्यायली जितकं इरिटेटींग आहे तितकंच चहा पिले पण आहे.... हे ऐकलय का कधी?