असा मी कसा मी निराळा निराळा

नसे ओळखीचा तुझ्या मी जगाला
मशीदी मधे शोधतो विट्ठलाला

तुझ्याशी अबोला करायास जाता
तुझ्या लोचनांनी हसावे कशाला

मना रे, कशाला जळावे पुन्हा तू
पुन्हा आसवांनो जरा या घराला

नका कुंडलांनो दिवे मालवू रे
तिच्या सावलीला बघा घात झाला

कशाला पुरावा कशाला दुरावा
पहा, माफ केले तरी मी तुम्हांला *

तिचा शेर प्रत्येक जेथे असावा
करू द्या अशी शायरी शायराला **

असा मी कसा मी निराळा निराळा
स्वतः मीच धिक्कारतो रे स्वतःला

कुठेही करावा कडेलोट माझा
नसावा तिचा गाव त्या पायथ्याला

- Kiran..

(माझी पहिलीच अ.गझल आहे. )

* नव्या द्विपदीची भर.
** दुसरी नवी भर