निसर्गाच्या गप्पा (भाग-१३)

ओक्के.. जागू, आता नर्सरीतून आल्यावर सांगते कोणती झाडं आणली ते..

जागू, दिनेशदा आणि शांकली आभार.
आतच ठेवून बघते फुले येतात का? आणि आले कि टाकते पुन्हा फोटो.
खुप आवडते येथे येऊन वाचायला. पण तुम्हा लोकांसारखे समर्पित नाहीये मी.
जागू, टाक ग नाव तुझ्या वरच्या यादीत. शरमाशर्मी येईन.
असो, हे पान असेच ओघळत रहो.

जागुले धन्य आहेस गं बाई तू .. खास आई कडे जाऊन खराटा प्रात्यक्षिक करून लगेच फोटो डकवलेस ही..
__/\__

तुझ्या आई ला पाहून खूप आनंद वाटला आणी त्यां चा उत्साह पाहून इतकं छान वाटलं ना... लक्की यू जागु!!!

जागू - खराटा प्रात्यक्षिकाकरता मनापासून धन्स...
तुझ्या आईला आवर्जून नमस्कार सांग...
तुझ्या आईचा उत्साह तुझ्यामधेही उतरलेला दिसतोय ....
खूपच चांगली गोष्ट .....

मेकिंग ऑफ खराटा....मस्तच गं जागू. तुझी आई ग्रेट आहे. या वयात त्यांचा उत्साह आणि कामातली सफाई खूप शिकण्यासारखी आहे. तुझ्या आई वडिलांना नमस्कार सांग.
सुमंगल, ते रोप कदाचित बाल्समचंही असू शकेल बरं का. (बाल्सम आपल्या तेरड्याच्या कुळातलंच आहे.)

ह्म्म्म्म्म्म्म्म्म्म्म्म्हा!!!!!!!!! वास भरून घेतला चाफ्याचा

जागू, खराटे पुराण मस्तच

मला हिरवा चाफा पहायचाय.

जागू धन्य आहेस बाई!
आता मात्र मला खराटा करावाच लागेल.
आईला नमस्कार सांग हं!
तुझ्या आईचा उत्साह तुझ्यामधेही उतरलेला दिसतोय >>>>>>>>>> अगदी अगदी!
जरा वेगळा विषय आहे पण रहावत नाही म्हणून लिहिते.....
आंबेडकर जयंती अक्षरशः दिवाळी सारखी ४ दिवस चालू आहे. मगापासून २ तास झाले.........."मुझिक"
इतक्या जोरात लावलंय की खिडकीच्या काचा थरथरताहेत. दारं खिडक्या "गच्चिम" बंद आहेत तरीही !
टीव्ही .....फक्त चित्रच पाहतेय. कारण बाहेरच्या आवाजापेक्षा टीव्हीचा आवाज मोठा केला तर मी ठारच बहिरी होईन.
आणि गाण्यांचा चॉइस? काहीच लॉजिक नाही. १) आया है राजा २) सात समुंदर पार मै तेरे३)हिम्मतवाला, मधेच इन्गिश गाणी. आणि जमल्यास "भीमस्तवनही"!
रात्री तर छळवादच!......................(खूप रागाने डोळे फिरवणारी बाहुली)

जागू, हिरवा चाफा पिवळा पडतो का फुलल्यावर? मी हिरव्याच रंगाचा पाहिला आहे, अस कधीच नव्हता पाहिला.

बरं इथे मला कोणी देऊ शकत असेल तर एक सल्ला द्या. माझे एक गुलाबाचे रोपटे मेले
उन्हे, पाणी, खत, माती सगळे ठीक आहे (असे निदान मला वाटते) तरी असे का झाले असावे.
दुसर्‍याची पाने पिवळी पडत आहेत व कळ्या गळाल्या... असे का होत असेल? काय करु?

सकाळची उन्हे डायरेक्ट मिळतात झाडांना. मग दुपारची तीव्र उन्हे मिळत नाहीत पण बाहेरच्या उजेडातच आहेत झाडे. नवीनच घेतली होती रोपटी

जागू अगं बये, कसला उरका आहे गं तुला. धन्य आहे तुझी. बाकी खराट्याचे फोटो लै भारी.

माती तशीच ठेवली होती जागू. रोपटी ह्याआधीपण लावली आहेत. हे असं पहिल्यांदाच पाहते आहे, म्हणून कळत नाहीये, काय होतेय ते.

शांकली +१००
जागू ग्रेटच आहेस,
चाफा पण मस्त, अजून प्रत्यक्ष पाहिअलेला नाही हिरवा चाफा.

खराटे पुराण मस्तच झालय.

जागू आणि तुझ्या आईच्या उत्साहाला hats off ...फेटे उडवा... फेटे उडवा....

हा तयार झालेला खराटा. आमच्या इथे ह्याला बुताराही म्हणतात >>>>> काहीजण हिराची झाडू म्हणतात. माझी एक मैत्रीण सलेतरा म्हणते.

http://www.maayboli.com/node/42459 हे बघा जरा प्लीज.

किंगफिशर

कालच पक्षांसाठी पाण्याचं मातीचं भांडं आणलं. तर आधी साधनाचे आवडते पक्षिराज अगदी झुंडीने आले पाणी प्यायला. अगदी पिकनिकला आल्यासारखे उंडारत होते. त्यांना इग्नोर मारलं.
पण हे होले पहा.......होलेच ना?

मानुषी, होले मस्तच आलेत

मानुषी, खुपच छान. पाणी पिताना पक्षी बघणे म्हणजे निव्वळ आनंद.

सध्या दुपारी १२ ते १२.३० दरम्यान २-३ बुलबुल येतात. पाणी तर पितातच पण त्या भाड्यात डुबकी मारून आंघोळसुद्धा करतात. अंग फुगवून बसतात. तसे धीट आहेत. २ फुटावर उभे राहीले तरी उडून जात नाहीत.

कालच पक्षांसाठी पाण्याचं मातीचं भांडं आणलं.>>>>> मातीचं भांडं ठेवण्यात काही कारण आहे का? मी स्टीलचेच ठेवले आहे.

खुप दिवसांपासुन बरच काही वाचायचं राहिलं होतं. आज सकाळपासुन वेळ मिळेल तसं वाचुन काढलं..

जागु, आईला खराखुरा सा. न. घाल माझ्यातर्फे ...

मधु म......... मला वाटतं स्टीलच्या भांड्यात पाणी लवकर गरम होत असणार.. विशेषतः या उन्हाळ्यात. त्यामानाने मातीच्या भांड्यात थंड रहात असणार.
आणि जेवढे लवकर गरम होईल तेवढेच त्याचे बाष्पीभवनही लवकर होत असेल.??????????
जाणकार प्रकाश टाका.......शशांकली, दिनेशदा, जागू........

<<खुप दिवसांपासुन बरच काही वाचायचं राहिलं होतं. आज सकाळपासुन वेळ मिळेल तसं वाचुन काढलं<< +१
जागु...तुझ्या आईला सलाम!

खराट्यावरुन आठवलं. गावाकडे असतांना आज्जी तुरीच्या काड्यांचा, मेंदीच्या झाडाच्या वाळक्या काड्यांचा खराटा करायची. एकदा गंमत झाली. असाच अवेळी पाऊस झाला, भरपुर. मेंदीच्या काटक्यांचा खराटा रात्रभर अंगणार भिजत राहिला. दोन दिवसांनी बाहेर काढला तर खराट्याला छान छोटी छोटी हिरवीगार पानं फुटलेली. जगण्याची इतकी तीव्र इच्छा बघुन मजा वाटली.

जागू, आईंना काम करताना बघून खरोखर पाय धरावेसे वाटले. त्यांचा उत्साह कणभराने तरी आम्हाला लाभो.
मधू, धातूची भांडी उन्हात चमकतात त्यांनी पक्षी बुजतात. कावळ्यांना सवय असल्याने त्यांना फरक पडत नाही.

आर्या, तुरीचा मूळांना पण मस्त आकार असतो. मी त्यापासून काही शोभेचा वस्तू केल्या होत्या. ( बहिणीच्या लग्नात, १९७९ ला )

---

आभाळात संध्याकाळी मोरपिशी हिरवा रंग मला गेल्या ४/५ वर्षांपासूनच जाणवायला लागलाय. गोव्यातल्या घरातूनही रोज सूर्यास्त बघत असे, पण हा रंग नसे. आफ्रिकेत आल्यापासून मात्र हि छटा जवळजवळ रोजच दिसायला लागली आहे.

काल आमच्याकडे सूर्याने, मस्तच रंग दाखवले !

दिनेशदा मस्त रंग आहेत सुर्याचे

http://www.maayboli.com/node/42465
हे पहा

खराटा, पक्षांसाठी भांडी.... मस्त.
मी गेल्या वर्षी प्लॅस्टीकच्या पसरट भांड्यात पाणी ठेवायचे. पक्षी कधी दिसले नाही, पण सकाळी परत स्वच्छ पाणी भरायला गेले की त्यांची पांढरट पिसे व विष्ठा दिसायची. हं आता त्यावरुन कोणते पक्षी ते मात्र नाही सांगु शकणार

दिनेशदा, आकाश अगदी दिवसंरात्रीही सुंदरच भासते. तुमच्या फोटोत तर कित्ती ते रंग उधळलेत. छान.