जे सुचले ते टाक इथे (तरही)

शिजवलेले जरा मस्तच झाले
पाककृती तू टाक इथे

अमुक आज तू तेल लावले
घसरून सगळ्यांना पाड इथे

उपवासाला काय पौष्टिक
सल्ला फुकट तू फेक इथे

कमळ, चरखा, घड्याळ, हत्ती
बस उरावर, ठोक इथे

स्वेटर, मोजे, ब्रह्मकमळ ते
काढ फोटो टाक इथे

दर दहाव्या प्रतिसादानंतर
धन्यवाद तू फेक इथे

समस्त बाप्ये घाबरती का
ते बळेच दादा होती इथे

चढला डोंगर, सुचला वृत्तांत
दुसर्‍याच दिवशी टंक इथे

विपु, समस, अन विपत्र खाते
फिरवी रिक्षा रोज इथे

दोन डझनांची कर्तबगारी
क्रमशः पिडूनी टंच इथे

आखाड्यातल्या पैलवानाला
'जमीनी'वर शब्द सुचे
मतला, काफिया, तरही देऊन
सुचली गझल टाक इथे

सरकार दरबारी तक्रारीला
नाही तुझिया अंत इथे

गर्दी जमवून गप्पा छाटी
दिवसभर तू पडिक इथे

दात घासले, आंघोळ केली
जे सुचले ते टाक इथे

अस्तित्व आपुले दाखवण्या तू
जे सुचले ते टाक इथे