Submitted by अमेलिया on 13 August, 2012 - 12:40
तुझ्या रंगांचं एक बरंय
ते झेलणारी फुले आहेत त्यांच्याकडे
स्वतःचं अस्तित्व विसरून
रंगच होऊन जाणारी..
आणि मग भिजली दवांत
की लाजणारी, जपणारी तुझ्या रंगांना
हळुवार पाकळ्यांत
डोलणारी, झुलणारी तुझ्या कवेत
मलाही होता आलं असतं
तुझ्या रंगांत न्हालेलं एक फूल
तर किती छान!
मग भेटले असते मी तुलाच
तुझ्यातून
अन हसला असतास तू
माझ्याच आतून
खरंच तुझ्या रंगांचं हे फार बरंय
अस्पर्श कळीलाही माझ्यामधल्या
भास देतात ते फुलाचा!
विषय:
Group content visibility:
Public - accessible to all site users
शेअर करा
अन हसला असतास तू माझ्याच आतून
अन हसला असतास तू
खुप छान.
माझ्याच आतून ........
छान आहे
छान आहे