नॉनस्टिकची काळी बाजू

चांगला आहे लेख. माझ्या डॉ. बहिणीने सांगितल्यापासुन मी नॉन्-स्टिक कोटींग जरासेदेखील निघायला लागले की ते पॉट्स लगेच टाकुन देते. ते फारच नुकसानकारक असते म्हणे. बाकी मी नॉनस्टिक भांडी (व्यवस्थित conditionमधली) वापरतेच.

बाप्रे, हे काहीच माहीत नव्ह्तं.

थोडंसं कोटिंग निघालं तरी आपण बरेच जण तसंच सर्रास वापरतो. दोसे करताना गरमही किती होतं पॅन. जर नॉनस्टीक नाही तर दोश्यासाठी पर्याय काय. माझ्याकडे फुच्युराचा तवा आहे, त्यावर नाही होत दोसे.

बर्‍याचदा माहितच नसतं.. मला तरी आधी इतकं नीट माहित नव्हतं.. काही दिवसांपूर्वी अ‍ॅक्सिडेंटली वाचली.

मी वाचलेल्या काही सूचना:
१. भांडी साफ करायला खरखरीत्/स्टीलची जाळी वापरु नका
२. ही भांडी खूप तापवू नका. (मी हे सर्सास करत आली आहे :() - तापवल्यास त्यातून केमिकल्स निघतात
३.ह्या भांड्यासोबत स्टीलचे चमचे वगैरे वापरु नका.
४. थोडं जरी खराब झालं तरी फेकून द्या.

मी ईकोसोल्युशन का कुठल्यातरी कंपनीची pfoa नसलेली नॉनस्टिक भांडी बघितली आणि ती आणायच्या विचारात आहे...

बीडाचा तवा म्हणजे कास्ट आयर्न ना? हार्ड अनोडाईज्ड वेगळं आहे ना? हा लेख वाचून मी ही नॉनस्टिक काढायच्या बेतावर आहे. फ्युचुराचा हार्ड अनोडाईज्ड तवा आणि एक कढई घेऊन आले आहे. हळूहळू बाकी भांडीही रिप्लेस करेन.

फ्युचुराचा हार्ड अनोडाईज्ड तवा आणि एक कढई घेऊन आले आहे. >> माझ्याकडे पण कुकर, छोटी आणि मोठी आणि एक अगदी पिल्लु कढई, फोडणीचं भांडं आहे. एक झाकणवालं क्युटसं भांडं आहे. सगळा सेट फ्युचुराचाच आहे. भरपुर पैसे घालवले आहेत. हा धागा चालु झाल्यापासुन प्रार्थना करते आहे कि त्याबद्दल काही वाईट ( म्हणजे ते अपायकारक असते वगैरे) वाचायला मिळु नये. एवढं सगळं टाकुन देणं जीवावरच येइल. पण त॑री काही असेल तर सांगा. मी इतक्या मोठ्या प्रमाणात ते वापरते आहे तर माहित असलेलं चांगलं.

बाय द वे, या तव्यावर दोसे/थालीपीठ होत नाहीत. त्यासाठी नॉनस्टीक तवा ठेवावाच लागला आहे.

हे एक वाचायला मिळालं.
http://www.ehow.com/info_8702796_differences-between-castiron-hardanodiz...

वेळ्काढु ते अ‍ॅल्युमिनिअम असावं (नककी माहीती नाही)

स्टील, कास्ट आयर्न, हार्ड अनॉडाईज्ड आणि सिरॅमिक असे चार पर्याय नॉनस्टीक ला..

मी स्टीलकडे वळलेय, पण चिकटणे, स्वच्छ करायला त्रास वगैरे त्रास होईल असं वाटतय एकंदर

अनेक प्रकारची माहिती वाचून सगळ्यात कास्ट आयर्नचा ऑप्शन बरा वाटतोय एकंदरीत. (पुन्हा एकदा आजी जे वापरायची तेच वापरायचं :))

प्लॅस्टिक सोडून काच/चिनीमाती आणि नॉनस्टिक सोडून बीड

नानबा, वेळकाढू

१०० % अनू मोदन !!

परत या आपल्या मूळा कडेच !!

बीड.
नोनस्टिक असत ना?
Almost impossible to type in Marathi on apple prods
:रागः

मी सध्या wolfgang puck चा स्टील सेट घेतला आहे नॉनस्टिक नको म्हणून्..आणि वेळकाढूने म्ह्टलं आहे तसं मध्यम आच ठेवून केले की चिकटत नाही काही..आता सवय होते आहे हळूह्ळू

माझ्याकडे फोडणीपात्रापासून सगळं हार्ड आनोडाईज्ड आहे. फक्त एक नॉनस्टिक तवा आहे. तो बंद करीन वापरायचा आता. पण सुस्थितीत आहे आणि फक्त पोळीसाठी वापरतेय. हार्ड आनोडाईज्ड पण आहे तवा... आता तोच काढेन.

मी वापरतो नॉन स्टीक, पण ती नेहमीच मंद आचेवरच ठेवतो. (माझे बहुतेक पदार्थ
असेच केलेले असतात.)
चपातीसाठी नॉन स्टीक वापरु नये कारण तशी गरजच नसते. चपाती तव्याला
चिकटण्याचा प्रश्नच नसतो आणि चपातीला दमदार आच लागते ती लोखंडी तव्यावरच मिळते.
डोसा तव्याला न चिकटण्यासाठी काही युक्त्या म्हणजे,
१) त्यात अंडे घालणे
२) तव्यावर मिठाचे पाणी शिंपडून तो साफ करुन मग तापवणे
३) त्यात थोडा रवा मिसळणे.
खुपदा पहिला डोसा तुटतो पण नंतरचे चांगले होतात.

दोसा करण्यापेक्षा त्याच घटकाच्या इडल्या केल्या तर चांगले.
कॉपर बॉटम स्टीलचा तसा फायदा नाही कारण तांब्याचे कोटींग अगदीच पातळ असते. जेवण शिजवण्यासाठी मातीची भांडी सगळ्यात उत्तम आणि तेला तूपाचा
कमीत कमी वापर करणे, कधीही योग्य.
रच्याकने, आमच्या ऑफिसमधे फुलके करण्यासाठी मातीचे खापर वापरतात.
त्या खापराला, झार्‍याला असतात त्याप्रमाणे छिद्र आहेत. त्यामूळे फुलका परत
गॅसवर भाजावा लागत नाही.
असे खापर मी भारतात बघितले नाही. कुंभाराला सांगितले तर देईल करुन तो.

आमच्या ऑफिसमधे फुलके करण्यासाठी मातीचे खापर वापरतात. >>> याचा फोटो असेल तर टाकाल का प्लिझ्झ

मातीचा तवा तापायला किती वेळ लागतो? आणि त्या तव्याची सवय व्हायला किती वेळ?

दिनेश पोळ्या चिकटतात हो तव्याला.

हो, माझ्याकडे माझा तवाही साधाच आहे पण तो जास्त तापला की पोळ्या चिकट्तातच. काल पहिल्यांदाच डोश्याचा नॉनस्टीक वापरला आणि पोळ्या पहिल्यांदाच झक्कास झाल्या.

बीड : नोनस्टिक असत ना

पूर्वी आमच्याकडचे बिडाचे भिडे सठीसमाशीच वापरले जायचे तेव्हा प्रत्येकवेळी याला पीठ चिकटून बसणार असे टेन्शन असायचे. पण जसा त्याचा नियमित वापर (महिना/१५ दिवसांतून एकदा) केला तसे त्याला पीठ अजिबात चिकटत नाही. अर्थात तेल वापरायला लागते. अगदी थोडे तेल(काही थेंब) टाकून कालथा/ कांदा/ नारळाची कीस यांनी पसरून घ्यायचे.
कदाचित प्रत्येक दोश्याला तेल टाकायची गरजही नसेल.

फोटो, आज उद्या टाकतो.
मातीचा तवा तापायला २ मिनिटेच लागतात. सवय व्हायला २/३ दिवस.
कोकणात म्हणजे रायगड ते गोवा, अनेक भागात मातीचे तवे वापरात असतात.
रायगड भागात, भोकर आणि कोंडा वापरुन त्यात केक सारखा एक प्रकार करतात.
गोव्यात मासे तळण्यासाठी, कालवण करण्यासाठी, भात पेज शिजवण्यासाठी हि
भांडी बघितली आहेत मी.
दक्षिणा, पीठ जास्त सैल / ओलसर भिजवतेस का ? आपल्या आया तर तव्यावरच करायच्या ना ? कोल्हापूरला चपातीसाठी (थोडा पातळ पण खोलगट), पुरणपोळ्यांसाठी (जाड व सपाट ), भाकरीसाठी (जाड व खोलगट) , आंबोळ्यांसाठी (जाड पण काठ असलेला) असे लोखंडी तवे मिळतात. तुळशी बागेतही मिळत असतील.

बरे झाले मी नॉन्स्टीक वापरतच नाही. अशीह्च माहीती काही वर्षापुर्वी वाचली व फेकून दिली.

काही लोकं इतकी कंजूषी करतात का माहीत नसते म्हणून पण कोटींग निघाले तरी वापरत असतात.

दिनेशदा तुम्ही वर्णन केलेले सगळे तवे आमच्याकडे आहेत आणि मुंबईतच घेतलेले आहेत.
मातीची भांडी गॅसवर वापरता येतात का? आधी कळलं असतं तर! आताच आमच्याकडे खादी फेस्ट झाला त्यात मातीची वेगवेगळ्या प्रकारची भांडी दिसली (ग्रामोद्योग).

भरत मातीची भांडि सिझन करुन घ्यावी लागतात. (मूळात ती पक्की भाजलेली असावी
लागतात.)
नवीन भांडे आणले कि त्यात पाणी भरुन ते २४ तास ठेवायचे मग ओतून टाकायचे.
मग त्यात परत पाणी भरुन ते मध्यम आचेवर गॅसवर ठेवायचे. पाण्याला उकळी
येऊ द्यायची. (भांड्यात जर दोष असेल तर यावेळी गळते वा त्याला तडा जातो.)
पाण्याला उकळी आली कि गॅस बंद करायचा आणि ते पाणी ओतून भांडे उपडे
घालून सुकवायचे. मग नेहमीच्या पदार्थाना वापरता येते. अगदी फोडणीही करता येते.
फक्त धूताना शक्यतो साबण न वापरता (राख वापरायची !!) नारळाच्या शेंडीने
घासायचे. या भांड्याना थोडाफार मसाल्याचा वास लागतोच. त्यामूळे भाजी / भाताची
भांडी वेगवेगळी ठेवायची.
या भांड्यात केलेले जेवण चवदार तर लागतेच पण ते जास्त वेळ गरमही राहते.
(गोव्याला, फोंड्याजवळच्या स्पाईस गार्डनमधे या भांड्यात शिजवलेले जेवण चाखता
येत असे.)

दिनेश आता मला साध्या तव्यावर पोळ्या न चिकटवता भाजता येतात
पण पुर्वी जमत नसे. कणिक मी मध्यम भिजवते.