सैरभैर

सैरभैर

आज ५ जुन
उद्या मान्सून
उद्याच यायचं भेटायला तर
ये होउन मुसळधार
वेळीच पाउस सुरू होण्याचं
सुख आहे अपरंपार

नाही तर असं कर
उष्म्यानं हैराण माझी आई ठेवते बर्फाची पिशवी माथ्यावर दुपारी
तू होउन ये ती पिशवी
नाहीतरी तुझं येणं तिच्यासाठी वळवाच्या सरी
जिवलग टपो-या गारा बिलोरी

किंवा दुपारी येणारा पोष्टमन बन तू
जसा थकलेला तो
माझ्या व्हरांड्यात विसावतो
मी दिलेलं सरबत पिउन पुन्हा भटकंतीला जातो
मला वाटतं सेवा घडली देवाची
किंवा तू पोष्टमन बनलीस तर देवीची

नाहीतर हो प्राध्यापक कोठुरकर
माझे अर्थशास्त्राचे लेक्चरर
क्लास आहे त्यांचा उद्या बाराला
झोपायला एकदम चांगला
तू बनलिस कोठुरकर तर
अर्थशास्त्रातल्या आकड्यापेक्षा
पाहीन तुझ्या वेणीतला

सर्वोत्तम म्हणजे बनून ये परिक्षेची सुपरवायझर
आणि सांग मला की "कॊपी कर"
आय नीड इट बाई
तुझ्या माथ्यावर अक्षता फेकून आलो
तेव्हापासून अभ्यासाला हात लावलेला नाही