आकाशकंदील - बांबूच्या चोयट्यांपासून

सही! लवकर लवकर येऊ दे.

माझ्या पुतण्याने मागच्या वर्षी बनवला होता घरात कंदील काड्या वापरून.

यावर्षीच्या कंदीलासाठी उपयुक्त धागा.
बांबूच्या चोयट्या.. >>> फोटो टाका ना.. आणी पुण्यात कुठे मिळतील, साधारण किंमत कितीअ सेल तेही सांगा

अजून येउदे

लवकर करा.:)

ओके हिमकूल. तसेही या विकांताला जायचे आहेच तिकडे. यावेळि नक्की करणार

तयार झालेला आकाशकंदील पहायला नक्की आवडेल.

वॉव

हिम्या- एक सोपी, सोपी, सुपर सोपी, ३-४ वर्षाच्या मुलीसाठी आणि तिच्या हस्तकलाचॅलेंज्ड आईसाठी सोप्या कंदिलासाठी कृती सांग ना.

ए फोटो टाक ना. मग मी २ वर्षापूर्वी केलेल्या आकाशकंदीलाच्या फोटोचा झब्बू देईन.

भारीचे हे..

रैना : घोटिव कागदचि चटई करुन घ्ययचि आणि त्याचा सिलेंडर शेप करुन घ्यायच.. खालच्या बाजुला झिर्मिळ्या आणि वर टांगयला दोरा लावायचा..

धन्यवाद अवनी.
घोटीव कागद म्हणजे काय? क्रेप?

रैना घोटीव कागद म्हणजे गुळगुळित रंगित कागद मिळतो ना तो. (एका बाजूने रंगित आणि एका बाजूने पांढरा असतो तो कागद).
क्रेप झिरमिळ्यांसाठी वापरता येईल.

ओह तो कागद! थँक्स हिम्या, अल्पना

होहो रुनी- मलापण तुझ्या आकाशकंदिलाची आठवण आली व्हती.

रैना, शाळेत हस्तकला नव्हती का?
घोटीव कागद आणा असं किती वेळा आमच्या शाळेतून सांगितलंय असं आम्ही पालकांना सांगायचो याला तोड नाही..

तुझ्यासाठी सुपर सोपा सांगू का? हिम्याच्या आकृती २ प्रमाणे चोयट्या जोडून त्याला वरून चार चोयट्या जोड जेणेकरून अधिकचे चिन्ह होईल. आणि चार बाजूंनी हवा तो पेपर/ कापड लपेट. वर टिकल्या बिकल्या. चार कॉर्नरांना चार झुपके लटकव खालती. वरती दोरा. मधल्या अधिकच्या चिन्हाचा उपयोग दिव्याला सपोर्ट म्हणून.

नी- इंग्रजी माध्यम
कलर्ड पेपर फॉर क्राफ्ट- असे मातोश्रींना सांगायचो. आणि इतक्या घाणेरड्या गोष्टी करायचे की तीच वैतागुन, दोन दणके देऊन उरलेले करुन द्यायची.
क्रेपची फुलं माझ्याइतकी भिकार कोणीही केली नसतील. आईला शिरीयसली मी चवथी नापास होईन केवळ क्रेपच्या फुलापायी असे वाटले होते.

हिम्याच्या काड्या मिळाल्या तर तू लिहीलेले जमेल बहुतेक असे वाटतेय. थँक्यु.

नेट वर एक स्पार्कल बॉल म्हणून ही आहे. बारके बल्बची वायर व डिस्पोजेबल ग्लासेस वापरून. फार मस्त दिसते.

फोटो हवेत!!!!! मस्त दिसतो हा कंदिल.

रैना, तू आणि इरा करणार आहात का? सही. फोटू टाक.

घोटीव कागदाचा दंडगोल करून कंदील करत असशील तर दंडगोलाच्या उंचीपेक्षा जास्त उंचीचा एक रंगीत कागद आण आणि त्याला उभ्या चिरा दे. आणि त्या दंडगोलाभोवती मधल्या भागात फुगीरपणा येईल असा गुंडाळ आणि वर आणि खाली दोन्ही टोकांना चिकटव/टाचण्या टोच.

दंडगोल करण्यापूर्वी कागदावर लहान-लहान आरपार छिद्रांची फुले कोर (पंच करतो त्यापेक्षा थोडी लहान छिद्रे). दंडगोलाच्या दोन्ही टोकांना मजबुतीसाठी जाड पुठ्ठ्याचे किंवा कागदाचे कडे लाव.

लहानपणी अगदी हौसेने करायचो असले कंदील !

हिम्स... भारी!

रैना... आणखी एक आयडिया आहे सोप्या आकाशकंदिलाची ..... पांढर्‍या ड्रॉईंग पेपरवर चौकोन, त्रिकोण, गोल वगैरे भौमितिक आकार काढून ते ब्लेडने कातरून घ्यायचे म्हणजे तिथे त्या आकारांची भोके तयार होतील. आतील बाजूने त्या ड्रॉईंग पेपरला डार्क रंगाचा कागद लावायचा (तांबडा, जांभळा, हिरवा इ.) ड्रॉईंग कागद सिलेंड्रिकल शेपमध्ये फोल्ड करायचा, ओव्हरलॅप होणार्‍या कडा एकमेकींना चिकटवून टाकायच्या. वर गजानन ने जी काळी-पांढरी रेखाकृती दाखवली आहे तसे. वरच्या बाजूने पुठ्ठ्याची चकती लावायची. तिला बल्ब + होल्डर आत जाईल इतपत मोठे भोक पाडायचे. सिलेंडरच्या ओपन एन्डला कागदी / चकमकत्या कागदाच्या इत्यादी झिरमिळ्या कापून चिकटवायच्या / स्टेपल करायच्या.

माझ्या काकांनी एका वर्षी त्या सिलेंडरवर राधा कृष्णाची सुरेख चित्रे काढून रंगवली होती. त्याशिवाय या बाहेरच्या बाजूला टिकल्या, स्टार्स, चमचम इ. इ. प्रकार लावता येतील.

सह्ही हिम्स
अजुन येऊ देत

हिम्सकूल, फोतो पहायची उत्सुकता.
<< घोटीव कागद आणा असं किती वेळा आमच्या शाळेतून सांगितलंय असं आम्ही पालकांना सांगायचो याला तोड नाही.. >> सेमपिंच नी.
बरेच सोपे आकाशकंदील मिळाले की. करून पहायला हवेत.

गजानन,
जबर्‍या. जबर्‍या. खूप खूप धन्यवाद. सोपी वाटतेय. करुन पाहते.

अकु,
गजाननाचा कंदिल करता आला की पुढच्या पायरीवर तुझा करणारच. थँक्यु. थँक्यु.

हिम्याच्या कंदिलाच्या फोटुची आतुरतेने वाट पाहिंग.

अगं रैना गजापेक्षा अकुचा सोप्पा आहे. ड्रॉइंग पेपरप्रमाणेच टिंटेड शीटसमधे पण करता येईल.

रुणु, अर्ध्या वेळांना शाळेतून सांगितलेला नसायचा पण घोटीव कागदाचं आकर्षण भारी.

पण घोटीव कागदाचं आकर्षण भारी>>>>> +१
कितीही अगोदर शाळेत सांगितलं असलं तरी मला अगदी आदल्याच दिवशी आठवायचं आणि नेमकी संध्याकाळीच दुकानात खेप मारायला लागायची. "आत्ताच कसं नेमकं उजाडतं तुला" हे ऐकून घेतलंय मी चिक्कर वेळा!

constrution पेपर वापरुन केलेला आकाशकंदिल!

मस्त कंदील. तुमच्या कंदील झाला कि फोटो टाका प्लिज.

घोटिव कागद म्हणजे मार्बल पेपर. स्टेशनरी दुकानात या पैकी कोणत्याही एका नावाने मागितल्यास मिळतो.

मी वर लिहिलंय तसा हा झटपट घरच्या घरी फारसे साहित्य न वापरता (किंवा हाताशी असलेले साहित्य वापरून) बनवलेला सोपा आकाशकंदिल. तुम्ही यापेक्षा चांगले साहित्य वापरू शकता, मी जे मिळेल ते वापरले... थोडक्यात घरातल्या टाकाऊ वस्तूंतून हा कंदिल बनवलाय

तसेच हा छोट्या आकारातला कंदिल आहे. यापेक्षा मोठा कंदिलही बनवू शकता. (मी लोडशेडिंग होते त्या वेळातला टीपी म्हणून हा कंदिल केलाय फक्त अर्ध्या तासात झाला!)

साहित्य : वर्तमानपत्रातून येणारी तीन गुळगुळीत कागदाची माहितीपत्रके, इकलेअर च्या दोन चांद्या, कंदिल टांगण्यासाठी जुनी राखी, स्केचपेन, कात्री, स्टेपलर, पेन्सिल, गोल झाकण, चिकटवाचिकटवी करायला गोंद / फेव्हिकॉल/ ग्लूस्टिक इ.
सजावटीसाठी टिकल्या, चमचम, स्टिकर्स वापरू शकता.

हा कंदिल झिरमिळ्या लावायच्या आधी :

आणि हा झिरमिळ्या लावल्यानंतर (त्यासाठी मला तब्बल २ इक्लेअर्स खावी लागली!! :हाहा:) त्याला प्रकाश आरपार जाण्यासाठी हवी तशी भोके आधी / नंतर पाडू शकता.