बरोबर "="

Submitted by मंदार-जोशी on 17 August, 2011 - 09:02

किती रे त्रास करुन घेतोस माझ्यासाठी?
अगदी कळवळून म्हणालीस....
स्वतःच घातलेली साद विसरुन
माझ्या प्रतिसादानेच विव्हळलीस

अगं, वेडी की खुळी तू....
तेरे दुख अब मेरे, मेरे सुख अब तेरे
हे गुणगुणत तुझा हात पकडलाय ना....
तो हे ऐकायला नाही!
आनंदात एकत्र झुलायला
अन् वेदनेत विसरायला नाही!

माझ्या अश्रूंना वाट करुन देणारी तू
तुझी दु:ख झेलणारा मी
माझ्या यशात स्वतःचं सूख शोधणारी तू
तुझ्या आनंदात बेभान होणारा मी

यात मोठं कोण? आणि कोण वेगळं?
कोण श्रेष्ठ? आणि कोण आगळं?

तरीही म्हणतेस....
किती रे त्रास करुन घेतोस माझ्यासाठी?
तुझ्या माझ्यात
एकच कृत्रिम अंतर उरलय आता....
"=" या बरोबर चिन्हाचं
दोघांनी पुसायचं का.........ते ही?

- - - - - - - - - - - - - - - - - - - - - - - - - - - - - - - - -
ब्लॉगवर पूर्वप्रकाशित
- - - - - - - - - - - - - - - - - - - - - - - - - - - - - - - - -

गुलमोहर:

शब्दखुणा:

शेअर करा

मंद्या, स्पष्ट मत. दोघात जर =

मंद्या, स्पष्ट मत. दोघात जर = हे चिन्ह असेल तर मग अंतराचा प्रश्न येतोच कुठे ? अरे, एकरुप झाले दोघे. आता पुसणार काय गड्या ?

Submitted by कौतुक शिरोडकर on 22 August, 2011 - 06:48

रोमॅन्टीक! किती रे त्रास करुन

रोमॅन्टीक! किती रे त्रास करुन घेतोस माझ्यासाठी? अस कोणी तुला बोलले हेही कमी नाही!

Submitted by घुमा on 22 August, 2011 - 11:24

लय भारी मंदारभौ!

Submitted by टोकूरिका on 23 August, 2011 - 00:14

तरीही म्हणतेस.... किती रे

अगदी चपखल.

आवडली कविता.

Submitted by डॉ.कैलास गायकवाड on 23 August, 2011 - 01:13

@ कौतुक माझ्या मते जो पर्यंत

@ कौतुक
माझ्या मते जो पर्यंत "=" हे चिन्ह टाकायची गरज भासते आहे तो पर्यंत एकरूप होण्याची प्रक्रिया पूर्ण होत नाही.
म्हणून ते पुसायचं. अर्थात हे माझं लॉजिक

Submitted by मंदार-जोशी on 23 August, 2011 - 07:02

“माझ्या अश्रूंना ……… बेभान होणारा मी”
…… सहजतेने उतरलेला आशय.
एकमेकाला इतकं समजून घेतल्यावर आणखी काय हवं ???
------------------------------------------------------------------------------------------------------
उमेश कोठीकर आणि कौतुक शिरोडकर यांनी व्यक्त केलेल्या मतांशी बर्‍याच अंशी सहमत.

Submitted by UlhasBhide on 23 August, 2011 - 23:48