पुन्हा झुळूक

तेलात तापलेल्या
चकलीस पाहिले मी
ती राहिली निवांत
काटा मलाच आला!

ती गोमटी तरीही
सारे गुपीत होते
आतील सारणाने
बभ्रा उगाच केला..!

मस्त सुरु आहे मंडळी.

तु मला आवडतेस,
अगदी तेंव्हापासून.
कळी उमलताना जेंव्हा,
पाहिली पहिल्यापासून.

प्राजक्ता,
अभिनंदन.चारोळी छान.लिहिणे सुरु ठेवा.

अंधार एकटा किती बिचारा,
कुणी सोबती नाही.
चुकून निद्रा भेटून म्हणते,
नयनात घेतले नाही.

वा... खूप दिवसांनी.. नाही .. वर्षांनी... झुळूक दर्शन ...खूप छान वाटले... मस्त लिहीतायेत सर्व ...

कितीदा सांगावे या मना,
नको जाऊस असे मोहरून,
मृगजळाचे ते बिंब फसवे..
रोज पाहते रे तुला चोरून..

गाणं गायचं म्हणल्यावर,
लय ही असणारंच.
प्रेम करायचं म्हणल्यावर,
सय ही येणारंच.

फिरुन आली स्वप्नामध्ये,
त्या रात्रीची तीच परी.
मला पाहुनी हसत म्हणाली,
आले बघ मी तुझ्या घरी.

मी कवि वगेरे नाही परन्तु तिच्या आठवणीत काही बाही कधीतरी सुचले होते ते तिच्यापर्यत कधी पोहचलेच नाही
इथे लिहतो तिच्या आठवणीत

१. त्या नक्षत्राहूनही ति सुन्दर आहे
हे सर्व तार्‍याना कळत आहे
म्हणून हा वेडा चन्द्र
उगीच माझ्यावर जळत आहे

२. त्या झाडालाही फुले पाहून
सर्वच झाले दंग
मी विचारताच तो म्हणे
प्रेमात माणूस बदलतो, मी तर साधा निवडूंग !

३. कोणाला कळू नये म्हणून माझ
तोन्डावर कांबरुन घेवून निजण
आणि तुझ्या आठवणीखाली
बिच्यार्‍या उशीच भिजण

तू माझा कोण अन कोण मी तुझी..
याही पेक्षा.. 'तू माझा' अन 'मी तुझी'.. यातच सारं सामावतं..
तरी तुझं-माझं नातं ते काय,
याचं उत्तर अपूर्णच रहातं!!!!!

शके चालले निघुन आता,
नवे लागले याया.
सुहास्य वदने निरोप देऊन्,
नव्यास वन्दन करुया.

गुढी पाडव्याच्या शुभेच्छा

आज पाडव्यानिमित्त खास......

वसंताची चाहूल नवी अन्
चैत्रपालवी उमले कणकण
नववर्षाचे हार्दिक चिंतन
यशोगुढीने बहरो जीवन!
सर्व माबोकरांना गुढीपाडव्याच्या मनःपूर्वक शुभेच्छा!

आपलं सारं देऊन निघुन जाणार्‍या
घनासारखं मोठं मन नाही.
कितीही वापरलं तरी न संपणारं,
मनासारखं कुठलंही धन नाही.

तो उलगडत गेलाय कॅनव्हासेस वरून
मांडला गेलाय प्रदर्शन भरून
दिसतोय का चाहत्यांच्या घोळक्यातून ?
कॉरिडॉरच्या शांतशून्य टोकाशी ती वाट पहातेय ताटकळून..

दोन शब्द,
नि:शब्द.
तरिही लुब्ध,
हे प्रारब्ध.

वा छानेत सार्‍यांच्या चारोळ्या..:)

आपलं सारं देऊन विरून जाणार्‍या,
घनासारखं मोठं मन नाही.
आणी कितीहि वापरलं तरी न संपणारं,
मनासारखं दुसरं धन नाही.

भल्या पहाटे किलबिल होती,निरोप घेऊन उडण्याची.
हुरहुर होती चिंता होती,पिल्लांना सोडुन जाण्याची.
संध्याकाळी पुन्हा ऐकली,किलबिल सार्‍या पक्ष्यांची,
सार्थक होते,मार्दव होते,सादही होती पिल्लांची.

किती सहज जमलं तुला
पाश सोडुन जाणं
मागे राहीलं नेहमीचंच
माझं जळत रहाणं !

मेजवानीचे ढेकर उठले
लागलीय देशाला मिरची
शत्रुचे जरी पाय चेपले
तरी सलामत खुर्शीदखुर्ची!!

हा पाऊस झरला
झरला कातरवेळी...
अन आठव आला
झरल्या काही ओळी....

दोन कण,
एक क्षण.
विलक्षण.
आकर्षण.

सारेच म्हणती शेवटी
माणूस तो छान होता
ऐकण्या हेच त्याचा
आसुसला कान होता !
-अशोक

मनं माझे या जीवनी,
सुंदरतेत रमो.
आकाश ठेंगणं वाटेल असं.
काही जमो वा ना जमो.

वर होती उशी
खाली होती बशी
वरून पडली उशी
फुटून गेली बशी

किती दिवस झालेत माहितेय,
एकहि चारोळी नाही.
कुठे आहात मित्रांनो ?
चारोळी कुणी लिहीत का नाही ?