कुणाच्या ह्या वेणा!

Submitted by नीधप on 3 May, 2011 - 02:41

जुनीच
-----------------------
कसल्या या खुणा
कोण येउन गेलं इथे
कुणाच्या ह्या वेणा
रूतल्यात जिथे तिथे

गेली असतिल इथून
काही आतूर पावले
थोडे घुंगरू पैंजणातून
अलवार ओघळले

वाळलेल्या पानावर
हे खळ्ळकन पाणी
आत आत कुठेतरी
दुखली असेल राणी

झाडे काळवंडलेली
हवाही काळीशार
थिजलेला गारवा
रूततोय आरपार

कुणी मंतरून ठेवले
की शाप हा भोवला
उभ्या राजस संध्येचा
सूर असाच गोठला

- नी

गुलमोहर: 
कविता
शब्दखुणा: 
सूर
खुणा
वेणा
पावले
शेअर करा

सुंदर.

Submitted by जागू-प्राजक्ता-... on 3 May, 2011 - 06:09

मस्त!!
आवडली कविता...

वाळलेल्या पानावर
हे खळ्ळकन पाणी
आत आत कुठेतरी
दुखली असेल राणी>> हे खूप आवडलं.

शुभेच्छा!

Submitted by चैतन्य दीक्षित on 3 May, 2011 - 08:18

फारच सुंदर! नादमाधुरी!

सिंडरेलाची गझल पोट दुखेपर्यंत हसवणारी!

Submitted by क्रांति on 4 May, 2011 - 03:26