होम इंटिरिअर डेकोरेशन अर्थात घराची अंतर्गत सजावट

हे लाकडी सोफ्याचं साधं अन सुंदर डीझाईन.

हाउसफुल ची लिंक इथेही टाका कोणीतरी.
एवढे वर्ष गाद्या जमिनीवर टाकून झोपतोय आम्ही. आता कंटाळा आला. पाठीचा त्रास असल्याने गादी पण खूप जाड आणि मऊ चालत नाही. त्यामुळे सरळ कोकणातल्यासारखा माचा करून घ्यायचा विचार आहे. ज्यावर पाहिजे तर जाड गादी, पाहिजे तर पातळ गादी टाकता येईल. पण तो २-३ ठिकाणी मोडून किंवा घडी करून नेता येण्यासारखा हवा. अजून भाडोत्री घरातच आहोत. तेव्हा शिफ्टींग नामक एका भीषण प्रकाराला अजून एकदा तरी किमान तोंड द्यायचेच आहे.

मला सुद्धा कोबा फार आवडतो. त्यातही लाल रंगाचा. चांगल्या प्रकारे केला असेल तर उकरला जात नाही. आमच्या गिरगावातल्या घरातला आतल्या खोलीतला कोबा रिपेअरींगच्या वेळेला फोडताना मजूरांचा दम निघाला होता.

आमच्या किंग्ज सर्कलच्या अंगणातला लाल कोबा तर अजूनही जस्साच्या तस्सा आहे. पन्नासच्या वर वर्षं झालीत म्हणे तो करुन.

http://www.housefull.co.in/index.aspx हीच आहे का लिंक??

माचा म्हणजे काय? बाजेसारखं असतं का काही?

भटक्या तुमच्या सोफ्याचा फोटो टाकाल का ?
>>> जागू... फोटो २० जानेवारी नंतर टाकू शकीन...

रोझवुड फ्लोरिंग ??
>>> रैना.. ते फ्लोरिंगशी संबंधित नव्हते. एकंदरीत लाकडाचा दर्जा या मधून तो प्रकार उल्लेखला होता..

खरे लेदर असेल तर घर वातानुकुलीत हवे... नाहीतर गरम किती होईल... गाडीमध्ये सुद्धा लेदर सीट करणे म्हणूनच टाळावे.

कोबा मस्त.. आमच्या गावच्या घराला अजून कोबा आहे..

माचा म्हणजे बाजेसारखंच प्रकरण पण बाज विणलेली असते दोरांनी आणि माच्यात लाकडीच प्लॅटफॉर्म असतो.

मला आवडणारे फ्लोरिंग म्हणजे सारवलेले... इथे घरी करणे शक्य नाही आहे..

हल्ली सारवलेल्या जमिनी सारख्या टाईल्स डिसाईन येतात असे ऐकले आहे..

भातगावात जे घर बांधलं जाणारे तिथे बहुतेक कोबाच करायचं ठरतंय.

रोहन, तू तुझ्या माजघरात..आपलं हॉलमधे बसव ना सारवलेल्या दिसणार्‍या मॅट फिनिशच्या टाईल्स आणि मधोमध एक सारवलेल्यावर शिरगोळ्याची रांगोळी काढलेल्याचं डिझाईन असलेली टाईल लाव

कोबा उन्हाळ्यात गरम होत नाही आणि हिवाळ्यात थंड होत नाही.

कोबा काय आहे नीरजा/सुकि/ पभा ?

अजूनही माझ्या गावच्या घराला शेणाचं फ्लोरींग आहे. अन भिंती सुद्धा फुफाटा मातीने सारवलेल्या आहेत. (शेण अन फुफाटा मातीचं ओलं मिश्रण करून सारवलेल्या) माळ्याला , बाभळीच्या लाकडाच्या
फळ्या अन वासे आहेत. सगळ्या देवाची वस्त्रे अडकवण्यासाठी ऐकमेव खुटी चंदणाच्या लाकडाची आहे.

अश्विनी... काम सुरू करीन तेंव्हा नक्की विचार करीन...

रैना, कोबा म्हणजे सिमेंटचं फ्लोअरींग त्यावर कुठलीही टाईल्स नाही. फक्त ते जसा वापर होत जाईल तसं गुळगुळीत होत जातं.

आणि कोपर्‍यात डेकोरेशन म्हणून मुसळ, उखळ, माठ अरेंज करुन ठेव. अगदीच कैच्याकै होतंय का हे ! पण मी बघितलंय गाडगी मडकी, कंदील डेकोरेशन म्हणून ठेवलेले.

ते जसा वापर होत जाईल तसं गुळगुळीत होत जातं.

>> अरे ते आधीपासून पण एकदम गुळगुळीत करता येते...

कोबा म्हणजे ती लाल जमिन असते ना... ते

पक्का होय, पण आधीपासूनच इतकं गुळगुळीत करत नाहीत ते. नाहीतर ते निसरडं हो जातं कालांतराने.

वा वा मस्त आयड्या... भातगावच्या घरात करणार हे सगळे उद्योग!!

अश्विनी... करीन काहीतरी भन्नाट... अजून नक्की केलेले नाही पण डोक्यात बरेच किडे आहेत...

भिंती रंगवणे पासून सर्व मी स्वतःच करणार..

सूर्या.. सारवलेली जमीन आणि कारवी-मातीच्या भिंती अशी घरे माझ्या आजोळी असायची आता पक्की घरी झालीत... काही घरे आहेत मात्र अजून... कसले गार लागते आत मध्ये..

कोबा लाल किंवा कुठल्याही रंगाचा होण्यासाठी त्यात काय घालतात?

'गेरू' च्या मातीचा रंग लाल असतो ना. वारली जसे डिझाईन बनवण्यासाठी लाल रंगाची माती वापरतात तसाच अगदी.

पक्या, जूनी घरं ती जूनी घरं. अजूनही माळ्यावर पंजोबा पासूनच्या लग्नाची बाशिंग बांधलेली तशीच आहेत. बैलगाडी साठी वंगण घालायची तार अन बुधली सुद्धा तिथेच असते.

ओह ओके. आत्ता समजले सुकि. धन्यवाद.

अश्वे गेरु घालायचे आधि आत्ता काय घालतात माहीत नाही.