चालता डौलात तू ग-

Submitted by विदेश on 9 November, 2010 - 09:06

चालता डौलात तू ग, मी असे न्याहाळले-
का कुणाला वाटले मी कैक प्याले रिचवले !

खरडुनी अपुला गळा तू गीत कोमल गाइले-
छान ! कळले नाहि तुज, मी कर्णयंत्रा काढले !

मिरवशी स्कूटीवरी तू ऐटिने रस्त्यावरी-
वाटते गजराज बसुनी मूषकावर चालले !

इकडुनी जातेस तिकडे- तू जरी हळु चंचले-
भासती भूकंप भारी भूतलावर जाहले !

चंद्र तुझिया चेह-यावर छान कोणा भासतो-
डाग मुखकमलावरी ते पाहुनीया मानले !

गुलमोहर: 
कविता
शब्दखुणा: 
कविता/हझल
शेअर करा