Submitted by पुरंदरे शशांक on 1 November, 2010 - 03:23
मस्ती
सभोवताल ऊन्हानं सारवलेलं
एक झाड आपल्याच सावलीत मस्तपणे विसावलेलं
माणसांच्या बेभान गर्दीत ........ आपलं नितळपण सांभाळलेलं
पाना-काट्यांच्या मधेच .........नाजूक फूल फुललेलं
नादाच्या कोलाहलात ............. आपला सूर गवसलेलं
व्यवहारी रुक्ष जगात .............. कोवळं माणूसपण जपलेलं
लाटांच्या तांडवात ............... एक लाकूड तरलेलं
जंगल वणवा आसपास .......... एक घरटं बचावलेलं
दाद देणारं असो नसो ........... एक गाणं रंगलेलं
एक झाड आपल्याच सावलीत मस्तपणे विसावलेलं
गुलमोहर:
शेअर करा
दाद देणारं असो नसो
दाद देणारं असो नसो ........... एक गाणं रंगलेलं
मस्त रंगलीय कविता ,!
मनःपूर्वक धन्यवाद प्रकाशजी
मनःपूर्वक धन्यवाद प्रकाशजी